Þarna var Anna María heppin!

Henti sér í svaka tæklingu, langt á eftir Cloé sem var komin inná teig. Sem betur fer hitti Anna María ekki Cloé en boltinn endar í hornspyrnu.

Sóley tekur spyrnuna en aftur eru Eyjakonur dæmdar brotlegar.

Jahérna hér!

Stórhættuleg sókn hjá ÍBV. Kristín Erna á fyrirgjöf sem Cloé reynir að teygja sig í en missir af. Boltinn berst á fjær á Clöru sem setur boltann hátt yfir úr þröngu færi.

Ætlar ÍBV að stela þessu í lokin?

Bryndís!

Sú kemur inn af krafti. Á geggjaða sendingu inn á Donnu sem sneri með varnarmann í bakinu og setti boltann rétt framhjá.

VÍTI!

Andri dæmir vítaspyrnu. Hendi, víti á Kim Dolstra.

Þetta kom upp úr engu. Spurning hvort Kim hafi verið innan eða utan teigs?

Það þarf að skoða þetta í endursýningu.

HARPA!

Þetta sér maður ekki oft. Harpa klikkar af markteig!

Donna komst upp vinstra megin. Setti boltann fyrir á Katrínu sem var óeigingjörn og fleytti boltanum áfram á Hörpu sem var í dauðafæri á markteig en setti boltann beint á Adelaide.

Katrín er komin aftur inná.

Katrín liggur eftir á vellinum. Virðist vera eitthvað vönkuð eftir að hafa farið upp í skallabolta.

Enn og aftur fær Stjarnan hornspyrnu. Nú tekur Agla María hornið stutt á Donnu. Fær boltann aftur og reynir ágætt skot en Adelaide ver vel.

Tveir sénsar hjá Stjörnunni!

Boltinn dettur fyrir Katrínu í teignum en Gumma tekur boltann af henni og þar með færið.

Stuttu síðar á Ana Cate svo annað þrumuskot utan af velli en beint á Adelaide.

ÍBV fær horn. Sóley setur boltann fyrir en það er brotið á Gemmu og Stjarnan snýr vörn í sókn.

Það eru annars áhugaverðar tölur fyrir norðan þar sem Fylkir er 3-1 yfir gegn toppliði Þórs/KA.

Það er staða sem ætti heldur betur að kveikja í liðunum hér. Sigur gæti galopnað toppbaráttuna ef Fylkisliðið heldur út.

Áfram reyna leikmenn að skjóta utan af velli. Nú var Katrín Ásbjörns að testa vinstri fótinn. Ágætt skot en ekki nóg til að sjá við Adelaide.

Gumma reynir langskot hinum megin en setur boltann framhjá fjærstönginni. Hefði mátt fara nær þarna!

Katie Kraeutner!

Fínasta skottilraun hjá Katie. Setur boltann rétt yfir!

Enn ein hornspyrnan sem Stjarnan fær!

Agla María setur boltann á fjær en hann svífur yfir allan pakkann og hættan rennur hjá.

ANA CATE!

Þvílík og önnur eins negla! Ana lætur vaða vel utan af velli en setur boltann rétt yfir.

Seinni hálfleikur byrjar svipað og sá fyrri. Liðin leita að uppspilsleiðum en þekkja hvort annað vel og loka svæðunum sem andstæðingunum þykir best að sækja í.

Jahérna hér!

Það má ekki líta af Cloé og hér fær hún færi á að hlaupa af stað inn á teig. Hún leikur á Kristrúnu og reynir svo skot sem Anna María gerir vel í að henda sér fyrir. Boltinn dettur aftur fyrir Cloé sem kemur honum á Sísí sem, eins og áðan, rennir boltanum út til vinstri í stað þess að skjóta sjálf. Þar er Kristín Erna mætt og kemur boltanum yfir marklínuna.

Hún er hinsvegar dæmd rangstæð! Ég er ekki viss um að þetta hafi verið réttur dómur. Sýndist Lorina spila hana réttstæða. En Eyjakonur mótmæla svosem ekki harðlega svo við treystum dómurunum fyrir þessu.

Stjarnan er að ógna meira hér í lok fyrri hálfleiksins en við bíðum ennþá spennt eftir fyrsta opna færi leiksins.

ÍBV fær aukaspyrnu á miðjum vallarhelmingi Stjörnunnar eftir að Lára straujaði Sísí.

Rut sendir boltann inn á teig en sendingin er slök og endar aftur fyrir.

Aftur fær Stjarnan horn. Hægra megin í þetta skiptið og þá er komið að Kristrúnu að munda vinstri fótinn. Hún setur boltann fyrir en Adelaide hleypur út í teiginn og slær boltann aftur fyrir.

Aftur horn. Nú vinstra megin og það er Agla María sem tekur. Setur boltann fyrir en Adelaide er aftur öflug í loftinu og grípur fyrirgjöfina.

Agla María brunar af stað með boltann og hleypur upp allan vallarhelming gestanna. Er komin í álitlega stöðu til að negla á markið en velur að stinga boltanum á Donnu. Sendingin er hinsvegar alltof, alltof föst og boltinn fer aftur fyrir. Klaufalegur endir á annars flottri sókn.

Donna Key!

Ágætis skyndisókn hjá Stjörnunni. Kristrún kom boltanum upp kantinn á Öglu Maríu sem lék í átt að marki og renndi boltanum svo fyrir á Donnu Key sem reyndi að taka boltann á hælinn framhjá Adelaide. Fín tilraun en skotið frá Donnu ekki nógu ógnandi.

Aftur færi hjá ÍBV!

Fín sókn hjá gestunum. Kristrún reyndi fyrirgjöf sem Adrienne komst fyrir. Boltinn virtist á leiðinni útaf en skoppaði undarlega á gervigrasinu og hélst inná svo að ÍBV brunaði í skyndisókn.

Cloé komst á ferðina og kom boltanum út í teig á Sísí. Sú hefði getað neglt á markið en lét boltann ganga áfram út til vinstri á Kristínu Ernu sem var við það að munda skotfótinn þegar Gemma Fay hirti boltann af tánnum á henni.

Séns hjá ÍBV!

Katie Kraeutner fær fínt skotfæri úr teignum en setur boltann rétt yfir.

Fyrsta hornspyrna ÍBV. Sóley snýr boltanum inn að marki en Donna Key er mætt til baka og skallar frá.

Leikmenn beggja liða eru að flýta sér um of oft á tíðum og reyna úrslitasendingar of snemma í stað þess að láta boltann ganga einfalt.

Þriðja hornspyrna Stjörnunnar. Agla María og Katrín reyna aftur að taka stutt horn en mér sýnist það vera Sóley sem nær að komast fyrir fyrirgjöfina. Þessi útfærsla er ekki alveg að ganga.

Fyrsti séns ÍBV. Rut Kristjáns reynir lúmskt skot rétt utan teigs en setur boltann í hliðarnetið.

Ekkert markvert að gerast hér síðustu mínútur. Liðunum gengur lítið að byggja upp spil og hlaupagikkurinn Cloé hefur verið í fínni gæslu hjá Kim og Önnu Maríu það sem af er.

Stjarnan fær aðra hornspyrnu. Agla María tekur spyrnuna og setur boltann fastan inn í teig með jörðinni í þetta skiptið. Þar mætir Lára Kristín í skotið en setur boltann aðeins framhjá. Fínasta tilraun.

Donna Key!

Flott einstaklingsframtak hjá Donnu. Hún nýtti sér kæruleysi hjá Sesselju sem taldi boltann vera á leið útaf, hélt honum laglega inná og brunaði inn á teig þar sem litlu mátti muna að hún næði skoti. Hættulegt hjá heimakonum.

Stjarnan stillir svona upp:

Gemma
Lorina - Anna María - Kim Dolstra - Kristrún
Lára Kristín - Ana Cate
Gumma - Katrín - Agla María
Donna Key


Lið gestanna lítur svona út:

Adelaide
Sesselja - Caroline - Ingibjörg Lúcía
Adrienne - Sigríður Lára - Rut - Sóley
Katie - Cloé - Kristín Erna

Smá ping pong hér í upphafi. Stjarnan fær fyrstu hornspyrnu leiksins. Agla María tekur hornið stutt á Katrínu sem leggur hann aftur út á Öglu Maríu en ekkert verður úr fyrirgjöfinni.