Fjölnir
2
2
KA
Ingimundur Níels Óskarsson '26 1-0
Þórir Guðjónsson '38 2-0
2-1 Hallgrímur Mar Steingrímsson '44
2-2 Hrannar Björn Steingrímsson '55
09.08.2017  -  18:00
Extra völlurinn
Pepsi-deild karla 2017
Aðstæður: Skýjað en þurrt og logn
Dómari: Vilhjálmur Alvar Þórarinsson
Áhorfendur: 482
Maður leiksins: Ægir Jarl Jónasson - Fjölnir
Byrjunarlið:
12. Þórður Ingason (m) ('62)
Gunnar Már Guðmundsson ('74)
2. Mario Tadejevic
5. Ivica Dzolan
7. Birnir Snær Ingason ('86)
9. Þórir Guðjónsson
10. Ægir Jarl Jónasson
15. Linus Olsson
20. Mees Junior Siers
27. Ingimundur Níels Óskarsson
28. Hans Viktor Guðmundsson (f)

Varamenn:
1. Jökull Blængsson (m) ('62)
5. Torfi Tímoteus Gunnarsson
6. Fredrik Michalsen ('86)
7. Ingibergur Kort Sigurðsson
7. Bojan Stefán Ljubicic
8. Igor Jugovic ('74)
33. Ísak Atli Kristjánsson

Liðsstjórn:
Ágúst Þór Gylfason (Þ)
Gunnar Sigurðsson
Gestur Þór Arnarson
Kári Arnórsson
Guðmundur Steinarsson
Andri Roland Ford

Gul spjöld:
Mario Tadejevic ('43)
Mees Junior Siers ('80)
Ivica Dzolan ('83)

Rauð spjöld:
Leik lokið!
Liðin skipta stigunum á milli sín.

Skýrsla og viðtöl á leiðinni.
94. mín
Inn:Davíð Rúnar Bjarnason (KA) Út:Hallgrímur Mar Steingrímsson (KA)
93. mín
Almarr Ormarsson með skot í hliðarnetið eftir skyndisókn.
91. mín
3 mínútum að minnsta kosti bætt við.
90. mín
VÁÁÁ!!! Ægir Jarl nær að teyga sig í boltann í baráttu í teignum og boltinn stefnir í markið en Rajko ver meistaralega í horn!

Eftir hornspyrnuna fær Ægir skallafæri en yfir fer boltinn.
88. mín
Áðan átti Lyng skalla sem fór ekki langt framhjá.
87. mín Gult spjald: Aleksandar Trninic (KA)
86. mín
Inn:Fredrik Michalsen (Fjölnir) Út:Birnir Snær Ingason (Fjölnir)
Norskur miðjumaður sem kom til Fjölnis í glugganum. Er að leika sinn fyrsta leik fyrir Fjölni.
85. mín Gult spjald: Almarr Ormarsson (KA)
83. mín Gult spjald: Ivica Dzolan (Fjölnir)
Almarr fellur í teignum í baráttu við Birni Snæ. Þetta var aldrei vítaspyrna og Vilhjálmur Alvar gerir rétt með því að flauta ekki.

Dzolan ýtir svo við Almarri og fær gult.
80. mín Gult spjald: Mees Junior Siers (Fjölnir)
Keyrði harkalega utan í Elfar Árna og fær réttilega gult.
78. mín
Það er góður æsingur í mönnum hérna. Mönnum þyrstir í sigurmark. Ég sem hlutlaus fótboltaáhugamaður vil líka fá sigurmark til að kynda aðeins upp í þessu!
77. mín
Inn:Elfar Árni Aðalsteinsson (KA) Út:Ásgeir Sigurgeirsson (KA)
Næstum því nafni minn kemur inn.
74. mín
Inn:Igor Jugovic (Fjölnir) Út:Gunnar Már Guðmundsson (Fjölnir)
74. mín
Illa farið með aukaspyrnuna hjá Fjölni. Þórir á skot vel framhjá.
73. mín Gult spjald: Darko Bulatovic (KA)
Hendi á KA rétt fyrir utan teig. Fjölnir á aukaspyrnu á stórhættulegum stað.
70. mín
Inn:Archie Nkumu (KA) Út:Steinþór Freyr Þorsteinsson (KA)
Fyrsta skipting KA í leiknum.

482 áhorfendur á vellinum í kvöld.
70. mín
Skalli frá KA dettur ofan á þverslána á marki Fjölnis! Þarna skall hurðin nærri hælum.
68. mín
Leikurinn einkennist af mikilli baráttu og tilviljanakenndum fótbolta. Það sést á ákefð leikmanna að bæði lið ætla sér sigur hér í kvöld.
67. mín
Túfa mjög líflegur á hliðarlínunni í dag. Hann fer væntanlega á jólakortalista fjórða dómarans eftir kvöldið.
62. mín
Inn:Jökull Blængsson (Fjölnir) Út:Þórður Ingason (Fjölnir)
Fyrirliði Fjölnismanna og markvörður þarf að yfirgefa völlinn vegna meiðsla.

U21-landsliðsmarkvörðurinn Jökull Blængsson kemur inn. Hann er að spila sinn annan leik í efstu deild.
62. mín
Emil Lyng með fast skot sem Þórður Ingason slær frá.
60. mín
Áfram heldur fjörið í Grafarvogi. Bæði lið hafa átt hættulegar sóknir eftir jöfnunarmarkið geggjaða hjá Hrannari!
58. mín
KA hefur komið til baka og Hrannar hlýtur að vera manna sáttastur. Hann gerði slæm mistök í fyrsta marki leiksins en hefur kvittað fyrir það.
55. mín MARK!
Hrannar Björn Steingrímsson (KA)
Stoðsending: Emil Lyng
ROOOOSALEGT MARK HJÁ HRANNARI! SÁ HITTI BOLTANN!

Eftir tilviljanakenndan leikkafla náði Emil Lyng geggjaðri sendingu á Hallgrím sem var við vítateigsendann hægra megin og þrumaði boltanum í stöng og inn! Frábært mark með þrumuskoti.
50. mín
Binni bolti með skot rétt framhjá.
47. mín
Emil Lyng með fyrirgjöf sem Þórður Inga nær að klófesta.
46. mín
Seinni hálfleikur er hafinn
45. mín
Hálfleikur
Líf og fjör! Líf og fjör!

Hefur verið hressileg skemmtun hérna í fyrri hálfleik og vonandi heldur fjörið áfram í þeim síðari.

Ég ætla að giska á að Túfa komi með einhverjar athugasemdir varðandi varnarleikinn í hálfleiknum!
44. mín MARK!
Hallgrímur Mar Steingrímsson (KA)
KA hefur minnkað muninn! Hallgrímur Mar beint úr aukaspyrnu!

Setti boltann framhjá varnarvegg Fjölnismanna og í markmannshornið en nær samt að koma boltanum framhjá Þórði sem leit ekki vel út þarna!

Ingimundur Níels lá rétt fyrir aftan varnarvegg Fjölnis til að koma í veg fyrir jarðarbolta en það skilaði engu.
43. mín Gult spjald: Mario Tadejevic (Fjölnir)
Keyrði Steinþór Frey niður rétt utan við vítateiginn! Steinþór var að komast í hörkufæri og þarna heimta KA-menn rautt spjald!

Gult fer á loft en Túfa lætur óánægju sína í ljós.
42. mín
Birnir Snær í flottu færi en skýtur framhjá! Fjölnismenn hefðu getað komist í 3-0!
38. mín MARK!
Þórir Guðjónsson (Fjölnir)
Stoðsending: Ægir Jarl Jónasson
AFTUR HRIKALEG MISTÖK Í VÖRN KA!

Nú er það Callum Williams sem gerir sig sekan um hrikalega kæruleysisleg mistök. Var að dóla með boltann þegar Ægir Jarl setti pressu á hann.

Callum vippaði boltanum í Ægi sem brunaði aðeins áfram og átti magnaða fyrirgjöf sem Þórir skallaði inn!
38. mín
Rosaleg hætta nú við mark Fjölnis!!! Hrannar Björn Steingrímsson átti skot úr þröngu færi sem Þórður Ingason varði. Svo myndaðist darraðadans í kjölfarið en Fjölnismenn náðu að bægja hættunni frá.
36. mín
Hættuleg fyrirgjöf frá vinstri sem Þórður Ingason gerir vel í að handsama af öryggi.
32. mín
Hallgrímur Mar hefur verið ljósasti punkturinn í liði KA en annars vantar miklu betri takt í spilamennsku liðsins. Liðið er að dragast niður í fallbaráttuna.
29. mín
KA fékk aukaspyrnu á miðjum vallarhelmingi Fjölnis, há sending sem fór yfir allt og alla og í markspyrnu.
26. mín MARK!
Ingimundur Níels Óskarsson (Fjölnir)
Stoðsending: Linus Olsson
Hrannar Björn í TÓMU TJÓNI! Boltinn fór á hann í öftustu línu en hann missti stjórn á honum og hreinlega týndi honum! Afskaplega klaufalegt.

Linus var vel vakandi, hirti boltann og sendi á Ingimund sem kláraði ákaflega snyrtilega í fjærhornið!

Ísinn er brotinn!
26. mín
Linus Olsson ógnar við endalínuna og vinnur horn fyrir heimamenn... Binni bolti mætir að taka spyrnuna. Boltinn dettur á Ægi Jarl sem á skot en vel yfir.
22. mín
Skemmtileg tilraun úr aukaspyrnu KA. Hallgrímur Mar vippaði boltanum upp og Trninic átti skot á lofti sem fór af varnarmanni og ofan á þaknetið.
19. mín
Linus Olsson með skalla framhjá eftir horn. Var ekki í jafnvægi og í erfiðri stöðu.
18. mín
Ingimundur Níels með skot í varnarmann og í hornspyrnu. Hörkuskot. Liðin sækja til skiptis.
17. mín
Hætta upp við mark Fjölnis aftur! Þórður Ingason fór út úr teignum vinstra megin og ætlaði að hreinsa fram en skaut í mótherja. Við það skapaðist darraðadans sem KA náði ekki að nýta sér. Steinþór með aðra skottilraun en hitti boltann illa, langt framhjá.
14. mín
ROSALEGT FÆRI! Steinþór Freyr fær hörkufæri. Boltinn dettur út á Steinþór Frey sem var einn og óvaldaður en hitti ekki rammann. Fyrsta alvöru færi leiksins.
13. mín
Gunnar Már Guðmundsson með skot í varnarmann og afturfyrir, hornspyrna Fjölnir er það.

Birnir spyrnir inn en dæmt sóknarbrot.
12. mín
Ásgeir Sigurgeirsson vinnur hornspyrnu fyrir KA. Þórður Ingason kýlir fyrirgjöfina frá. Aðeins að lifna yfir KA sóknarlega eftir rólega byrjun.
8. mín
"Sestu" segir Vilhjálmur Alvar dómari við Túfa þjálfara KA. Túfa að láta í sér heyra á hliðarlínunni og fær aðvörun.
Hér er verið að ræða um Almarr Ormarsson.
5. mín
Ægir Jarl með fína skottilraun fyrir utan teig! Þéttingsfast skot sem fer naumlega framhjá stönginni. Held reyndar að Rajko í marki KA hefði nú verið með þennan hefði hann hafnað á rammanum.
2. mín
Fjölnismenn í fyrstu sókn leiksins. Birnir Snær kemst í skotfæri en búið að flagga rangstöðu.
1. mín
Leikur hafinn
KA byrjaði með knöttinn. Liðið er í varabúningi sínum í kvöld, Atletico Madrid litaðir.
Fyrir leik
Vallarþulurinn kynnir liðin til leiks og býður sérstaklega velkominn kynþokkafyllsta leikmann Pepsi-deildarinnar 2017, Hallgrím Mar Steingrímsson. Hallgrímur fékk þessa nafnbót af dómnefnd sem Fótbolti.net hóaði saman á dögunum.
Fyrir leik
Fjölnismenn vinna með gamla skólann. Kaffi af brúsa, plastglös og kleinur fyrir fjölmiðlamenn. Það er kvöldmaturinn í kvöld.

Liðin eru að gera sig klár í göngunum og þetta fer að hefjast. Endilega verið með okkur gegnum #fotboltinet á Twitter.
Fyrir leik
Þrátt fyrir að Guðmann sé meiddur þá lætur hann ekki sitt eftir liggja og er í liðsstjórninni hjá KA. Er búinn að vera úti á velli í upphitun og vafalítið komið með góð ráð.
Fyrir leik
Það er verið að gera allt klárt í Grafarvoginum. Kollegi minn frá Vísi segist hræddur um að við fáum leiðinlegan leik. Ég sussaði á hann. Hér á klukkan að vera Gleði í kvöld.

Ég er búinn að taka léttan kaffibolla með Gaupa og fara yfir málin. Ræddum meðal annars um EM kvenna, handbolta og veðrið. Nærir sálina að ræða við þennan mann.
Fyrir leik
Byrjunarliðin eru komin inn:
Marcus Solberg sem skoraði mark Fjölnis í 2-1 tapinu gegn Breiðabliki í síðustu umferð er ekki í hóp í dag. Gera má ráð fyrir því að meiðsli séu ástæðan.

Ágúst Gylfason gerir þrjár breytingar á byrjunarliðinu. Ivica Dzlon, Ægir Jarl Jónasson og Þórir Guðjónsson koma inn.

Torfi Tímoteus Gunnarsson og Bojan Stefán Ljubicic setjast á bekkinn.

KA gerir eina breytingu frá markalausa jafnteflinu gegn FH. Elfar Árni Aðalsteinsson fer á bekkinn og inn kemur Ásgeir Sigurgeirsson.
Fyrir leik
Lárus Orri, þjálfari Þórs, spáir 2-0 útisigri KA:
KA er með of sterkt lið fyrir Fjölni. Mannskapurinn hjá KA er gríðarlega öflugur og þeir sigla þessu auðveldlega í land.
Fyrir leik
Dómari leiksins er Vilhjálmur Alvar Þórarinsson sem var valinn besti dómarinn í umferðum 1-11 í Pepsi-deildinni. Aðstoðardómarar eru Birkir Sigurðarson og Gunnar Helgason (þó ekki leikarinn).
Fyrir leik
Þegar þessi lið mættust í fyrri umferðinni á Akureyri vann KA 2-0 sigur þar sem Elfar Árni Aðalsteinsson og Emil Lyng skoruðu.

Alls hafa liðin mæst 21 sinni í KSÍ leik, Fjölnir hefur 10 sigra en KA 8. Þrívegis hafa leikar endað með jafntefli.
Fyrir leik
Bæði þessi lið hentu sér út á markaðinn í sumarglugganum. Fjölnir fékk sér sænska framherjann Linus Olsson sem er kominn með eitt mark eftir fyrstu fjóra leiki sína.

KA fékk sér króatískan miðvörð til að fylla skarðið sem þeim tókst ekki að fylla þegar Guðmann Þórisson meiddist. Vedran Turkalj heitir kappinn og fer vel af stað. Hann var maður leiksins þegar KA gerði markalaust jafntefli gegn FH síðasta laugardag.

Sá leikur var hörmulega leiðinlegur. Ég lofa meiri skemmtun í kvöld (enda er það mjög auðvelt)!
Fyrir leik
Fjölnismenn eru í jójó-herferð. Þeir hafa tapað síðustu tveimur leikjum eftir að hafa unnið tvo leiki þar á undan. Liðið er í níunda sæti, aðeins tveimur stigum frá fallsæti.

KA-menn eru með stigi ofar og með stigi meira. Það þarf því einhvern fótboltasérfræðing til að segja ykkur að það er hrikalega mikilvægur leikur framundan!
Fyrir leik
Heil og sæl! Áfram heldur 14. umferð Pepsi-deildarinnar en henni lýkur með þremur leikjum í kvöld. Hér í Grafarvoginum eru Fjölnir og KA að fara að eigast við.

Klukkan 19:15 er leikur Víkings Ó. og Grindavíkur og svo lýkur dagskránni með viðureign Stjörnunnar og Breiðabliks sem er klukkan 20.
Byrjunarlið:
Srdjan Rajkovic
Aleksandar Trninic
3. Callum Williams
4. Vedran Turkalj
7. Almarr Ormarsson (f)
10. Hallgrímur Mar Steingrímsson ('94)
11. Ásgeir Sigurgeirsson ('77)
19. Darko Bulatovic
22. Hrannar Björn Steingrímsson
23. Steinþór Freyr Þorsteinsson ('70)
28. Emil Lyng

Varamenn:
1. Aron Dagur Birnuson (m)
4. Ólafur Aron Pétursson
5. Guðmann Þórisson
7. Daníel Hafsteinsson
9. Elfar Árni Aðalsteinsson ('77)
25. Archie Nkumu ('70)
30. Bjarki Þór Viðarsson

Liðsstjórn:
Srdjan Tufegdzic (Þ)
Davíð Rúnar Bjarnason
Eggert Högni Sigmundsson
Óskar Bragason
Petar Ivancic
Anna Birna Sæmundsdóttir
Helgi Steinar Andrésson

Gul spjöld:
Darko Bulatovic ('73)
Almarr Ormarsson ('85)
Aleksandar Trninic ('87)

Rauð spjöld: