Minnum á #fotboltinet fyrir Twitter færslur tengdar leiknum.

Áhugavert að Valsmenn eru með tvo varamarkverði! Ásgeir Þór Magnússon og Jón Freyr Eyþórsson eru báðir á bekknum í dag.

Sólin farin að láta sjá sig. Valsmenn vökva völlinn áfram. Boltinn á eftir að rúlla vel á vellinum í kvöld.

Þorsteinn Magnússon, markmannsþjálfari Grindvíkinga, og Sigurbjörn Hreiðarsson, aðstoðarþjálfari Vals, spjalla saman og hlæja mikið. Steini er mættur í markmannsgallann eftir að hafa verið úti á velli í jakkafötum áðan.

Markmenn beggja liða eru mættir að hita upp og verið er að vökva völlinn. Fínar aðstæður í dag.

Arnar Sveinn Geirsson tekur út leikbann í liði Vals og Dion Acoff fer á bekkinn frá því í leiknum gegn KR í síðustu viku. Andri Adolphsson og Nicolas Bögild koma inn í liðið og búast má við að Valur leiki með þriggja manna varnarlínu í kvöld.

Brynjar Ásgeir Guðmundsson, Marinó Axel Helgason og Simon Kollerup Smidt koma inn í lið Grindavíkur frá því í 3-2 sigrinum á ÍA í síðustu viku en þeir Matthías Örn Friðriksson, Aron Freyr Róbertsson og Will Daniels detta út.

Juan Manuel Ortiz Jimenez er einnig banni hjá Grindavík en hann fékk rauða spjaldið eftir að hafa komið inn á sem varamaður og skorað gegn ÍA.

Arnar Sveinn Geirsson er í leikbanni í liði Vals í dag eftir fjögur gul spjöld á tímabilinu. Juanma Ortiz, framherji Grindvíkinga, er einnig í banni eftir rauða spjaldið gegn ÍA í síðustu umferð.

Kristófer Sigurgeirsson, þjálfari Leiknis R., spáir í leiki umferðarinnar.

Valur 4 - 1 Grindavík
Því miður fyrir vin minn Óla Stefán þá verða Valsarar í feiknarstuði í þessum leik. Valur á teppinu er eitthvað sem allir hræðast og munu þeir leika á alls oddi. Guðjón Pétur verður að vanda í aðal hlutverki en samvinna hans og Patrik Pedersen í þessum leik verður eins góð og glassúr á snúð. Patrik 2 mörk, GPL 1 og Orri Sigurður finnur engan til að gefa á og tekur sitt annað skot á ferlinum. No brainer að Andri Rúnar skorar eftir sendingu frá Alexander Veigari fyrir Grindavík.

Grindavík krækti í langþráðan sigur á ÍA í síðust umferð eftir fjögur töp í röð þar á undan. Valsmenn gerðu aftur á móti markalaust jafntefli við KR í síðustu umferð eftir tap gegn FH í umferðinni þar á undan.

Andri Rúnar Bjarnason er í keppni við að ná markametinu í efstu deild en það er 19 mörk.

Andri er kominn með 14 mörk í sumar en hann skoraði einmitt eina markið þegar Grindavík lagði Val 1-0 fyrr á þessu tímabili.

Kvöldið!
Hér ætlum við að fylgjast með leik Vals og Grindavíkur í 16. umferð Pepsi-deildar karla.

Valsmenn eru með 31 stig og fimm stiga forskot á toppi deildarinnar fyrir leikinn í kvöld á meðan Grindavík er í 4. sæti deildarinnar með 24 stig.