Liðin eru komin út á völl og nú er ekki eftir neinu að bíða.

Elín Metta er mætt í stúkuna í góðum félagsskap ungra knattspyrnustúlkna úr Val. Þá er Elísa Viðarsdóttir á svæðinu og gefur sér tíma til að spjalla við unga fótboltagutta. Flottar fyrirmyndir.

Korter í leik og leikmenn og dómarar enn á fullu í upphitun á meðan völlurinn er vökvaður.

Margmenni á vellinum og mikil virkni enda sex aðstoðarþjálfarar á leikskýrslu í kvöld auk aðalþjálfaranna tveggja.

Það er sól og blíða í miðborginni. Stjórnin á fóninum og allt að verða klárt. Byrjunarliðin liggja fyrir eins og sjá má hér til hliðar.

Hjá Val er markahrókurinn Elín Metta í leikbanni eftir að hafa fengið 4 gul spjöld og munar um minna. Hrafnhildur Hauksdóttir kemur inn í liðið í hennar stað.

Breytingarnar eru öllu fleiri hjá Fylkiskonum. Ásta Vigdís kemur aftur í markið en hún mátti ekki spila gegn Breiðablik í síðasta leik þar sem hún er hjá Fylki á láni frá þeim grænklæddu. Þá eru þær Hulda Sig og Tinna Björk komnar aftur inn í liðið auk Jasmínar Erlu sem missti af síðasta leik vegna meiðsla. Þórdís Edda, Thelma Lóa og Sunna Baldvins fara á bekkinn en Eva Núra Abrahamsdóttir er hvergi sjáanleg.

Fyrri deildarviðureign liðanna fór fram 20. maí á Fylkisvelli og Valskonur unnu þá 2-0 sigur.

Það voru þær Margrét Lára Viðarsdóttir og áðurnefnd Elín Metta Jensen sem skoruðu mark Vals í þeim leik. Ef ég man rétt þá var þetta fyrsti leikur Vals í "nýja" leikkerfinu sem hefur reynst þeim svo vel.

Nokkuð fjörugur leikur þar sem Fylkiskonan fyrrverandi, Jesse Shugg, klúðraði víti í stöðunni 1-0 fyrir Val og Ásta Vigdís Guðlaugsdóttir markvörður varði og varði.

Sjáum hvað setur á Valsvelli hér á eftir. Vonandi verður nóg fjör.

Bæði lið hafa komið nokkuð vel undan EM-fríinu þó stigasöfnun þeirra hafi ekki verið sambærileg.

Valskonur hafa verið á mikilli siglingu og unnið tvo gríðarlega sterka sigra í síðustu tveimur deildarleikjum. Fyrst unnu þær Blika 2-0 og síðan Stjörnuna 2-1. Landsliðskonan Elín Metta Jensen hefur verið á skotskónnum og skoraði þrjú af þeim fjórum mörkum sem liðið hefur skorað eftir EM-pásuna.

Fylkisliðið hefur einnig leikið vel eftir hlé en aðeins náð sér í eitt stig. Það hafa þó orðið framfarir á leik liðsins og nýjir erlendir leikmenn komið sterkir inn. Þar að auki virðist sem nýr þjálfari liðsins, Hermann Hreiðarsson, hafi náð að berja einhverja trú í leikmenn sem eru farnir að spila af meiri gleði og baráttu en fyrir hlé.

Tvö lið í góðum gír = Fáum vonandi skemmtilegan fótboltaleik

Heil og sæl ágætur lesendur Fótbolta.net.

Hér verður hægt að fylgjast með leik Vals og Fylkis í Pepsi-deild kvenna. Um er að ræða leik í 14. umferð Íslandsmótsins en hann hefst á slaginu 19:15.