Liðin ganga hér til leiks við undirspilið úr Star Wars myndunum það er öllu tjaldið til á Hásteinsvelli. Það er ágætis mæting í stúkuna fjölmargir valsmenn mættir til eyja frá fastalandinu að styðja sitt lið.

Hvet fólk til að taka þátt í leiknum á Twitter með því að nota hashtaggið #fotboltinet á twitter það gerir leikinn skemmtilegri !

ÍBV er að spila sína hefbundnu 5-3-2 stöðu með þá Brian Mclean , David Atkinson og Matt garner sem hafsenta á meðan Kaj Leó og Gunnar heiðar leiða framlínuna .

Valsmenn virðast vera spila 3-5-2 með Hauk Pál og Einar karl á miðjunni og Guðjón Pétur fyrir framan þá Patrick Pedersen og Kristinn ingi eru tveir fremstu menn vals .

Fyrir þá sem eru í aðdáenda klúbb Óla Jó og derhúfanna þá verð ég að valda ykkur vonbrigðum með því að segja að Óli virðist ekki ætla skarta derhúfunni í dag heldur venjulegri húfu en við vonum að það breytist !

Aðstæður í Vestmannaeyjum í dag eru mun betri en þær voru í gær þegar þessum leik var frestað. Blautt gras , ljúfur andvari og létt skýjað aðstæður gerast ekki betri en þetta til knattspyrnu iðkunar.

Bæði lið hafa að miklu að keppa hér í dag ÍBV er í bullandi fallbaráttu en með sigri geta þeir komið sér upp úr fallsætinu og í það níunda , Valsmenn vilja halda forskoti sínu á næstu lið en sigur hér í dag setur þá í mjög góða stöðu í deildinni þar sem liðin í öðru og þriðja sæti Stjarnan og FH eigast við í kvöld

Þetta er síðasta umferð fyrir landsleikjahlé þar sem flestir leikmenn munu fá smá hvíld en Færeyingarnir Kaj Leó og Jónas Næs í ÍBV munu spila með sínu landsliði og mæta þar Ronaldo og samherjum hans frá Portúgal.

Þetta verður algjör hörkuleikur, bæði lið eru í bullandi baráttu á sitthvorum enda töflunnar!

ÍBV er í mikilli fallbaráttu og situr í 11. sæti með einungis 16 stig en Eyjamenn sóttu mjög mikilvæg þrjú stig á Skagann í síðustu umferð. Ég býst við tæklingum og látum í þeim, þeir munu leggja allt í sölurnar til að sækja þessi dýrmætu stig sem eru í boði.

Það virðist ekkert geta stöðvað Valsara í leið þeirra í átt að Íslandsmeistaratitlinum. Sitja þeir í efsta sæti með 34 stig, 5 stigum á undan Stjörnunni. Varnarlega eru Valsarar gífurlega sterkir og erfitt að brjóta þá niður og eru einnig með eitt skemmtilegasta og best spilandi lið deildarinna. Þeir virðast alltaf líklegir og hættulegir í hvert skipti sem þeir sækja.

Þetta verður rosalegur leikur lesandi góður ég get ekki beðið eftir að Guðmundur Ársæll flauti til leiks.

Komið þið sæl! Hér verður bein textalýsing frá capri norðursins þar sem ÍBV og Valur mætast í hörkuleik í 17. umferð Pepsi-deildarinnar.

Leikurinn átti að fara fram í gær en var frestað vegna veðurs.