Stjarnan
1
1
FH
Alex Þór Hauksson '45 , sjálfsmark 0-1
Hólmbert Aron Friðjónsson '92 1-1
Pétur Viðarsson '94
27.08.2017  -  19:15
Samsung völlurinn
Pepsi-deild karla 2017
Aðstæður: Napurt og létt logn
Dómari: Vilhjálmur Alvar Þórarinsson
Áhorfendur: 1.419
Maður leiksins: Gunnar Nielsen - FH
Byrjunarlið:
Haraldur Björnsson
2. Brynjar Gauti Guðjónsson
3. Jósef Kristinn Jósefsson
4. Jóhann Laxdal
7. Guðjón Baldvinsson
8. Baldur Sigurðsson
9. Daníel Laxdal
10. Hilmar Árni Halldórsson
14. Hörður Árnason
19. Hólmbert Aron Friðjónsson
29. Alex Þór Hauksson (f) ('73)

Varamenn:
25. Sveinn Sigurður Jóhannesson (m)
5. Óttar Bjarni Guðmundsson
6. Þorri Geir Rúnarsson
16. Ævar Ingi Jóhannesson
17. Ólafur Karl Finsen ('73)
20. Eyjólfur Héðinsson
27. Máni Austmann Hilmarsson
77. Kristófer Konráðsson

Liðsstjórn:
Rúnar Páll Sigmundsson (Þ)
Fjalar Þorgeirsson
Brynjar Björn Gunnarsson
Davíð Snorri Jónasson
Davíð Sævarsson
Friðrik Ellert Jónsson

Gul spjöld:
Baldur Sigurðsson ('81)

Rauð spjöld:
94. mín Gult spjald: Jón Ragnar Jónsson (FH)
94. mín
Vilhjálmur Alvar er að leita að Stjörnumanni til að gefa rautt en finnur hann ekki. Tilkynnir Rúnari Páli það, veit ekki hver það er sem á að fá rauða.
94. mín Rautt spjald: Pétur Viðarsson (FH)
Mönnum er heitt í hamsi eftir leikinn og það eru einhverjar hrindingar og þvaga myndast. Pétur Viðars fær rautt spjald eftir leik.
Leik lokið!
Jafntefli niðurstaðan!!!!

Ég held að Valsmenn fagni þessum úrslitum meira en nokkurt annað lið.
93. mín
JÓSEF KRISTINN Í HÖRKUFÆRI EN GUNNAR NIELSEN VER!!!

ÞARNA HEFÐI STJARNAN GETAÐ HIRT ÖLL STIGIN!
92. mín MARK!
Hólmbert Aron Friðjónsson (Stjarnan)
STJARNAN FAGNAR!!! DRAMATÍK!

Sending á Óla Kalla sem er að sleppa í gegn, boltinn af Gunnari Nielsen og berst út á Hólmbert sem er fyrir utan teig og á hnitmiðað skot með jörðinni sem endar í markinu!
91. mín
Uppbótartíminn er að minnsta kosti 4 mínútur.
90. mín
Stjörnumenn sækja en fá dæmt á sig sóknarbrot. 1.419 áhorfendur á leiknum í kvöld.
87. mín
Steven Lennon að sleppa í gegn en flaggaður rangstæður... þetta var rosalega tæpt!
85. mín
Talsvert af töfum á þessum kafla leiks. Fáum góðan uppbótartíma tel ég.
83. mín Gult spjald: Þórarinn Ingi Valdimarsson (FH)
Strax í bókina! Braut á Brynjari Gauta.
82. mín
Inn:Þórarinn Ingi Valdimarsson (FH) Út:Böðvar Böðvarsson (FH)
Evrópu-löppin getur ekki haldið áfram leik.
81. mín Gult spjald: Baldur Sigurðsson (Stjarnan)
Skólabókardæmi um gult spjald. Baldur brýtur á Pétri Viðars.
80. mín
Leikurinn stopp. Böddi löpp að fá aðhlynningu. Haltrar af velli.
75. mín Gult spjald: Pétur Viðarsson (FH)
Fyrir brot á Guðjón Baldvins.
73. mín
Inn:Ólafur Karl Finsen (Stjarnan) Út:Alex Þór Hauksson (Stjarnan)
Það á að bæta í sóknina.
71. mín
Baldur Sigurðsson með lélega skottilraun. Hitti boltann herfilega. Menn þurfa að stilla miðið betur ef þeir ætla að láta reyna eitthvað á Gunna.
70. mín
Gaui Bald fellur við vítateigslínuna en ekkert dæmt. Ég hefði ekki flautað þarna.
69. mín
Inn:Cédric D'Ulivo (FH) Út:Guðmundur Karl Guðmundsson (FH)
Frakkinn kemur inn.
68. mín
Heimamönnum hefur lítið vegnað í því að skapa sér almennileg færi í þessum seinni hálfleik. Þá vantar meiri gæði í sendingar.
66. mín
Hilmar Árni lætur vaða af löngu færi. Slappt skot. Hátt yfir.
65. mín
Gunnar Nielsen heldur áfram að spila sem sweeper-keeper eins og Manuel Neuer er þekktur fyrir.

Vó!!! Hörkufæri skyndilega hjá FH. Dvornekovic hægra megin í teignum en skot hans ekki gott og framhjá fer knötturinn.
62. mín
Ég held að FH-ingum muni ekkert leiðast það ef þeir ná sex stigum af Stjörnunni í sumar. Það er samt nóg eftir...
59. mín
Dvornekovic missti boltann yfir sig og Jósef Kristinn lét vaða fyrir utan teig. Náði ekki nægilega góðu skoti og Gunnar Nielsen varði af öryggi.
57. mín
Brynjar Gauti að ná að pirra FH-inga með baráttugleði sinni. Kraftur í honum.
55. mín
Inn:Matija Dvornekovic (FH) Út:Emil Pálsson (FH)
Króatinn sem kom í glugganum mætir inn.
55. mín Gult spjald: Guðmundur Karl Guðmundsson (FH)
Fellir Hilmar Árna sem var kominn á hættulega siglingu.
51. mín
Hólmbert með fast skot úr aukaspyrnu en framhjá.
50. mín
Veðurfréttir. Það er rosalegur rigningarúði yfir vellinum.
48. mín
Hólmbert með hrikalega vont skot. Vel yfir úr ágætri stöðu. Verður að gera betur en þetta.
46. mín
Seinni hálfleikur hafinn - FH hefur seinni hálfleik.
45. mín
Frægir á vellinum: Bjarni Ben og Hafliði Breiðfjörð eru báðir í stúkunni. Mikið stuð.

Stjörnustuðningsmenn hrikalega pirraðir hérna í hálfleiknum. Garðabæjarliðið verið mun betra en það er ekki spurt að því.
45. mín
Hálfleikur
Ég skal segja ykkur það! Stjarnan verið talsvert betra liðið í fyrri hálfleik en það er ekki spurt að því!

FH skoraði með sínu fyrsta skoti á markið rétt fyrir lok hálfleiksins.
45. mín
STEVEN LENNON!!! Skot í varnarmann og naumlega framhjá! FH-ingar í stuði í uppbótartíma fyrri hálfleiks.
45. mín SJÁLFSMARK!
Alex Þór Hauksson (Stjarnan)
Stoðsending: Kassim Doumbia
FYRSTA SKOT Á MARKIÐ HJÁ FH!!! DRAUMURINN SKALLAR Í ALEX OG INN!

Frábær hornspyrna sem Steven Lennon á og Kassim kemur boltanum í markið með viðkomu af varnarmanni Stjörnunnar. Skalli Kassim var á leið framhjá, Alex Þór Hauksson fékk knöttinn í sig og þetta skráist sem sjálfsmark.
43. mín
VÁÁÁ! Rosalega sterkur vítafnykur! Atli Guðna fer í Baldur Sigurðsson í teig FH-inga, Smalinn kom við boltann á undan og fellur. Stjörnumenn vilja vítaspyrnu. Svei mér þá! Ég hefði allan tímann bent á punktinn héðan úr fréttamannastúkunni!

FH-ingar geta talist heppnir.
40. mín
HÖRKUSÓKN!!! Guðjón Baldvinsson með skot sem Gunnar Nielsen ver út, Hólmbert nær öðru skoti en Gunnar ver meistaralega í horn!
39. mín
Hilmar Árni fer illa með Pétur Viðars og kemur boltanum á Baldur Sig sem á skot fyrir utan teig. Beint á markið og beint á Gunnar.
36. mín
Hólmbert í fínu færi en var of lengi að athafna sig! FH-ingar náðu að komast fyrir. Held að Hólmbert hafi ekki alveg áttað sig á því hvað hann var í góðri stöðu.
33. mín
Spurningar að hrannast upp á tölvupóstfanginu mínu. Hér er ein góð frá Guðrúnu Ýr Finnbogadóttur: Hefur þessi leikur verið vonbrigði hingað til? - Einfalt svar: Já.
31. mín
Atli Guðna spólar sig framhjá varnarmönnum Stjörnunnar en Halli Björns á tánum í markinu, kemur á hárréttum tíma út úr markinu.

Í fyrsta sinni sem FH ógnar marki Stjörnunnar í þessum leik.
30. mín Gult spjald: Robbie Crawford (FH)
Togaði Gauja Bald niður á miðjum vellinum.
27. mín
Guðjón Baldvins með hættulaust markskot. Gunnar Nielsen ver af öryggi.
23. mín
Jósef Kristinn mættur aftur inn á völlinn og allir í stuði.

Heyrist afskaplega lítið FH-megin í stúkunni. Öllu meira fjör Stjörnumegin enda hefur maður séð glytta í söngvatn í þeim hluta.
22. mín
Leikurinn stopp því Jósef Kristinn þarf aðhlynningu.
20. mín
Leikurinn í hnotskurn fyrstu 20:

Fátt um færi. Stjarnan fengið þau fáu færi sem hafa komið. Betra liðið hingað til.

FH ekkert ógnað marki Stjörnunnar hingað til. Ekki neitt.
16. mín
Löppin er mætt aftur eftir aðhlynninguna og allt í blússandi svíng.

Halldór Orri Björnsson er í sérstakri stöðu að spila sem andstæðingur Stjörnunnar í Garðabænum.
14. mín
HÓLMBERT HITTIR EKKI BOLTANN! Var í hörkuskotfæri í teignum eftir fyrirgjöf frá Jóa Lax.

Leikurinn stopp því Evrópu-Löppin liggur meidd á vellinum. Þarf aðhlynningu. Böddi skoraði tvívegis gegn Braga í Portúgal á fimmtudaginn.
13. mín
Daníel Laxdal að sýna hraða sinn og vinnur Lennon í kapphlaupi um boltann. Stjarnan talsvert skeinuhættari hér í upphafi leiks.
11. mín
Í veðurfréttum er það helst að byrjað er að rigna.
10. mín
Guðjón Baldvinsson í kapphlaupi um boltann og hleypur á Gunnar Nielsen. Ekkert dæmt og færeyski landsliðsmaðurinn er ekki sáttur við dómarann. Boltinn fer í innkast.
7. mín
STÓRHÆTTA!!! Hólmbert með stungusendingu á Hilmar Árna sem sleppur í gegn við vítateigsendann vinstra megin, fer framhjá Gunnari Nielsen en er kominn í þrönga stöðu og skýtur í hliðarnetið!
5. mín
Stjarnan heldur áfram í þriggja manna vörn með Jósef Kristin og Jóa Lax sem vængbakverði. Búið að ganga prýðilega upp á síðkastið.
2. mín
Stjarnan byrjar á því að ógna. Hólmbert skallar í hliðarnetið úr þröngu færi.
1. mín
Leikur hafinn
Þetta er allt saman farið af stað. Stjarnan sækir í átt að Reykjanesbæ.
Fyrir leik
Spámaður okkar í fréttamannastúkunni í dag er Eiríkur Stefán Ásgeirsson hjá 365 miðlum. Hann spáir 2-3, að Íslandsmeistararnir sigri. Fimm mörk, við sættum okkur við það.
Fyrir leik
Fjölskylda Hilmars Árna búin að koma sér fyrir í stúkunni. Skemmtileg en tilgangslaus staðreynd að yngri bróðir Hilmars, Hörður Brynjar, gengur undir nafninu Keisarinn í Breiðholtinu.
Fyrir leik
Það eru víst 19 dagar síðan FH-ingar léku síðast í deildinni. Hjörtur Hjartarson var að telja dagana og hann er þrælgóður í reikningi.

Eitt sem mér yfirsást varðandi liðin. Bergsveinn Ólafsson er ekki í hóp. Af hverju veit ég ekki en reyni að komast að. Uppfært: Hann er meiddur (staðfest)

Stærstu fréttirnar eru þó þær að Siggi dúlla er ekki á landinu! Hann er farinn til Helsinki til að taka á móti strákunum okkar í landsliðinu sem koma saman á morgun til að búa sig undir Finnaleikinn næsta laugardag.
Fyrir leik
3 breytingar hjá Stjörnunni - 0 hjá FH
Alex Þór Hauksson og Hólmbert Aron Friðjónsson snúa úr leikbanni og koma báðir inn í byrjunarlið Stjörnunnar. Þá kemur Daníel Laxdal í vörnina í stað Óttars Bjarna Guðmundssonar.

Ólafur Karl Finsen sest á bekkinn og Eyjólfur Héðinsson er ekki með í kvöld. Eyjó meiddur.

Heimir Guðjónsson teflir fram nákvæmlega sama liði og stóð sig svo vel í Portúgal á fimmtudaginn síðasta.
Fyrir leik
Páló stuðningsmaður Stjörnunnar er að sjálfsögðu löngu mættur á völlinn. Mætir venjulega á undan fyrsta starfsmanni og bíður við hliðið. Alvöru stuðningsmaður. Er núna að rölta um stúkuna og athuga hvort það sé ekki allt í sómanum.

Annars unnu Valsmenn í dag svo bæði lið þurfa að sækja til sigurs. Vonandi fáum við alvöru sóknarleik beggja liða í dag. Eins gott!
Fyrir leik
Frá aldamótum hafa þessi lið mæst 27 sinnum í leikjum á vegum KSÍ. FH hefur unnið 15 leiki, Stjarnan 6 og 6 sinnum hefur jafntefli orðið niðurstaðan.

Frægasta viðureign þessara liða var hreinn úrslitaleikur um Íslandsmeistaratitilinn í lokaumferðinni 2014. Stjarnan vann þar sigur 2-1 fyrir framan 6.500 áhorfendur. Þvílíkur leikur.
Fyrir leik
Stjarnan á harma að hefna eftir fyrri viðureign þessara liða sem fram fór í Kaplakrikanum. FH vann þar 3-0 sigur þar sem Steven Lennon, Kristján Flóki Finnbogason og Þórarinn Ingi Valdimarsson héldu uppi stuðinu í markaskorun.

Flóki er nú floginn úr hreiðrinu, á vit ævintýranna hjá Start í Noregi. Sala sem hefur verið ansi umdeild og umtöluð.
Fyrir leik
FH féll út úr Evrópukeppninni í liðinni viku þrátt fyrir hetjulega framgöngu frá Braga. Geta borið höfuðið hátt. En þar sem Evrópa er að baki og bikarúrslitaleikurinn tapaðist þá er hætta á miklu vonbrigðatímabili í Hafnarfirði. Ef liðið missir af Evrópusæti myndi tímabilið skrást sem stórslys. Ef og hefði...
Fyrir leik
Stjarnan endurheimtir Alex Þór Hauksson og Hólmbert Aron Friðjónsson úr leikbanni. Spurning hvort þeir komist í byrjunarliðið aftur því síðasti leikur fór ansi vel! Stjarnan vann 4-0 sigur gegn Fjölni.
Fyrir leik
Staða liðanna í deildinni
Stjarnan er í öðru sæti með 29 stig og +18 í markatölu eftir 16 leiki.

FH-ingar hafa aðeins leikið 14 leiki. Verið nóg að gera á öllum vígstöðvum hjá þeim. Eru í þriðja sæti með 24 stig og +7 í markatölu.

Liðin verða að sækja til sigurs til að halda í vonina um að geta skákað Val og orðið Íslandsmeistari. Eins og Hörður Snævar kollegi minn sagði þá vonast hlutlausir fótboltaáhugamenn eftir því að leikur kvöldsins endi ekki með jafntefli svo spennan í titilbaráttunni haldist.
Fyrir leik
Dómarinn er sóttur úr efstu hillu. Vilhjálmur Alvar Þórarinsson, sem valinn var besti dómari umferða 1-11, er með flautuna. Hann dæmdi bikarúrslitaleik FH og ÍBV í sumar, leik sem FH-ingar vilja gleyma enda voru þeir ofboðslega slakir í þeim leik.

Birkir Sigurðarson og Gylfi Tryggvason eru aðstoðardómarar í kvöld.
Fyrir leik
HÉR VERÐI STUÐ! Velkomin með okkur á stórleik Stjörnunnar og FH í 17. umferð Pepsi-deildarinnar. Ég veit ekki með ykkur en ég á allavega í erfiðleikum með að leyna spennunni fyrir þessari viðureign. Ég geri óheyrilegar kröfur á að skemmtanagildið sprengi alla skala!
Byrjunarlið:
1. Gunnar Nielsen (m)
Davíð Þór Viðarsson
4. Pétur Viðarsson
6. Robbie Crawford
7. Steven Lennon
8. Emil Pálsson ('55)
11. Atli Guðnason
20. Kassim Doumbia
21. Böðvar Böðvarsson ('82)
22. Halldór Orri Björnsson
29. Guðmundur Karl Guðmundsson ('69)

Varamenn:
12. Vignir Jóhannesson (m)
3. Cédric D'Ulivo ('69)
16. Jón Ragnar Jónsson
17. Atli Viðar Björnsson
19. Matija Dvornekovic ('55)
23. Þórarinn Ingi Valdimarsson ('82)

Liðsstjórn:
Heimir Guðjónsson (Þ)
Ólafur Páll Snorrason
Bjarni Þór Viðarsson
Eiríkur K Þorvarðsson
Guðjón Örn Ingólfsson
Ólafur H Guðmundsson
Róbert Magnússon

Gul spjöld:
Robbie Crawford ('30)
Guðmundur Karl Guðmundsson ('55)
Pétur Viðarsson ('75)
Þórarinn Ingi Valdimarsson ('83)
Jón Ragnar Jónsson ('94)

Rauð spjöld:
Pétur Viðarsson ('94)