Það styttist í leikinn. Það er farið að blása smávegis. Ekkert skrýtið við það á Blásvöllum.

Leiknismenn eru með tvo markverði á bekknum. Ekki veit ég af hverju. Eyjólfur Tómasson hefur verið hrikalega góður í undanförnum leikjum og var m.a. leikmaður umferðarinnar í Inkasso-deildinni í 17. umferð eftir goða frammistöðu gegn Selfossi.

Þessi leikur verður spilaður undir flóðljósum. Lúxus!

Völlurinn hefur verið vökvaður. Hann lítur vel út.

Það eru tveir aðrir leikir í textalýsingu hjá okkur í kvöld. Stjarnan mætir FH í Pepsi-deild kvenna kl. 20:00 og þá er leikur FH og KR í Pepsi-deidld karla í gangi.

FH - KR (Pepsi-deild karla)

Stjarnan - FH (Pepsi-deild kvenna)

Þetta er eini leikur kvöldsins í Inkasso-deildinni. Það voru fjórir leikir í gær.

Kollegi Stefáns, Kristófer Sigurgeirsson, gerir nokkrar breytingar á sínu liði frá sigurleiknum gegn Þrótti R.. Skúli E. Kristjánsson Sigurz, Árni Elvar Árnason og Sævar Atli Magnússon koma inn í byrjunarliðið fyrir Ósvald Jarl, Tómas Óla og Brynjar Hlöðversson.

Ætla að fylgjast sérstalega vel með Sævari Atla, sá er líka fæddur 2000. Efnilegur strákur sem hefur fengið nokkur tækifæri í Leiknisliðinu í sumar.

Byrjunarlið Leiknis R.:
22. Eyjólfur Tómasson (m)
4. Halldór Kristinn Halldórsson
7. Ingvar Ásbjörn Ingvarsson
10. Ragnar Leósson
15. Kristján Páll Jónsson
16. Skúli E. Kristjánsson Sigurz
17. Aron Fuego Daníelsson
20. Bjarki Aðalsteinsson
23. Árni Elvar Árnason
26. Sævar Atli Magnússon
27. Anton Freyr Ársælsson

Stefán Gíslason gerir eina breytingu á Haukaliðinu. Harrison Hanley kemur út og er ekki í hóp í dag. Inn í hans stað kemur Þórir Jóhann Helgason.

Þórir er fæddur 2000. Gríðarlega efnilegur strákur.

Byrunarlið Hauka:
30. Terrance William Dieterich (m)
3. Sindri Scheving
5. Gunnar Gunnarsson
6. Davíð Sigurðsson
7. Björgvin Stefánsson
11. Arnar Aðalgeirsson
12. Þórir Jóhann Helgason
18. Daníel Snorri Guðlaugsson
19. Baldvin Sturluson
22. Aron Jóhannsson (f)
24. Haukur Ásberg Hilmarsson

Byrjunarliðin hafa skilað sér í hús.

Minni lesendur á kassamarkið #fotboltinet. Líklegt að það birtist í textalýsingunni.

Haukar elska að spila á heimavelli í Inkasso-deildinni. Ég segi þetta í hverri einustu textalýsingu sem ég er með hér á Ásvöllum.

Haukar hafa ekki tapað deildarleik hérna í meira en ár!

Síðasti leikur Hauka var í Kórnum í Kópavogi. Þar töpuðu þeir 2-0 gegn HK og spiluðu hreint út sagt ekki vel. Leiknir hefur verið á skriði, þeir unnu Þrótt R. á heimavelli í síðustu umferð.

Spámaðurinn í þessari umferð Inkasso-deildarinnar hjá Fótbolta.net er Almarr Ormarsson. Hann spáir Haukasigri á teppinu í kvöld.

Haukar 2 - 0 Leiknir R.
Besti aðstoðarþjálfari landsins, Hilmar Trausti Arnarsson, tapar yfirleitt ekki heimaleikjum og það verður enginn breyting á hér. Bjöggi Stef ætlar sér að enda með gullskóinn svo hann skorar bæði mörkin. Hilmar fagnar sigrinum með því að skreppa til útlanda.

Flautuleikari (dómari) í dag er Elías Ingi Árnasson. Óskum honum góðs gengis í kvöld.

Hann dæmdi líka leik Hauka og Keflavíkur. Þá gaf ég honum 3 í einkunn. Vonumst eftir betri frammistöðu frá honum og hans treymi í kvöld.

Ég mætti á síðasta heimaleik Hauka. Það var gegn Keflavík. Ég get svarið það, það var einn skemmtilegasti fótboltaleikur sem ég hef séð og ég hef séð þá nokkra.

Hvet alla til þess að skella sér á Gaman Ferða völlinn í kvöld! Það klikkar aldrei.

Þegar þessi lið mættust fyrr á tímabilinu var niðurstaðan frekar dautt 0-0 jafntefli í Breiðholtinu. Viljum ekki sjá neitt þannig hér í kvöld!

Leiknir úr Breiðholtinu hafa verið eins og áður segir upp og niður í sumar. Þeir hafa núna unnið fjóra leiki í röð eftir að hafa tapað þremur í röð þar áður.

Leiknir er með einu stigi minna en Haukar og eru í sjöunda sæti.

Ef ég ætti að setja það upp í prósentum hvort Haukar nái öðru sætinu þá myndi ég setja það í svona 3-4%, jafnvel minna.

Kraftaverkin geta þó gerst...

Haukar unnu Keflavík 4-2 á dögunum, en síðan töpuðu þeir 2-0 gegn HK. Ef þeir hefðu unnið leikinn gegn HK þá hefðu þeir verið í ágætis möguleika á #pepsi18; möguleikinn væri að minnsta kosti ekki svo gott sem útilokaður. Hann er það núna. Haukarnir eru níu stigum á eftir Fylki í augnablikinu og geta minnkað það niður í sex stig með sigri í dag. Það er þó lítið eftir af mótinu og lítill möguleiki í þessu fyrir Haukana, jafnvel þó þeir vinni í kvöld.

Fáum vonandi fjörugan og skemmtilegan leik, frekar lítið í húfi. Haukar eru í fimmta sæti með 30 stig. Leiknismenn hafa verið upp og niður í sumar, þeir eru með 29 stig.

Góðan og blessaðan.

Verið velkomin í beina textalýsingu frá stórleik Hauka og Leiknis R. í Inkasso-ástríðunni. Ég mun lýsa því sem fyrir augu ber á Gaman Ferða vellinum. Endilega fylgist með!