Franski hægri bakvörðurinn Cedric D'Ulivo er ekki með FH í dag. Cedric kom til FH í júlí en hann ku hafa slitið krossband á dögunum. Tímabilið er þá búið hjá honum.

Davíð Þór Viðarsson, fyrirliði FH, byrjar á bekknum í dag en hann er tæpur vegna meiðsla.

Leikmenn farnir inn í klefa að gera sig klára. Styttist í þetta.

Heimir Hallgrímsson, landsliðsþjálfari, og Helgi Kolviðsson, aðstoðarlandsliðsþjálfari, eru mættir á völlinn.

Tómas Meyer er í gæslunni í dag. Hann ræðir við Heimi Guðjónsson, þjálfara FH, og fer yfir taktík dagsins.

FH endurheimtir Pétur Viðarsson úr leikbanni auk þess sem Gunnar Nielsen kemur aftur í markið eftir að hafa misst af leiknum við KR vegna landsleiks með Færeyjum.

Bergsveinn Ólafsson og Emil Pálsson koma líka aftur í lið FH eftir meiðsli. Davíð Þór Viðarsson, Bjarni Þór Viðarsson og Þórarinn Ingi Valdimarsson fara á bekkinn sem og markvörðurinn Vignir Jóhannesson.

Hjá Grindavík kemur Sam Hewson inn í liðið fyrir Simon Smidt.

Það er frítt inn á leikinn í dag. Ég hvet alla til að mæta á völlinn!

Halldór Orri Björnsson, FH
Við ætlum að klára þetta mót með sæmd og tryggja Evrópusæti. Það er fyrir öllu. Við vorum þunnskipaðir í síðasta leik en menn eru að koma til baka og ég er mjög bjartsýnn fyrir síðustu leikina,

Andri Rúnar Bjarnason, framherji Grindvíkinga, er kominn með 15 mörk í Pepsi-deildinni í sumar. Hann stefnir hraðbyri í átt að markametinu í efstu deild en það er 19 mörk.

Hvað segir Óli Stefán Flóventsson, þjálfari Grindavíkur? Nær Andri metinu?
Mér er eiginlega alveg sama. Honum er ekki sama en hann spáir voða lítið í þetta. Aðalatriðið er að liðið skori mörk. Okkar sóknarleikur er svolítið byggður í kringum hann og hann hefur nýtt það í sumar og spilað vel.

FH-ingar voru mjög vængbrotnir í 1-0 tapi gegn KR fyrir tíu dögum síðan. Gunnar Nielsen var í landsliðsverkefni með Færeyjum og Pétur Viðarsson í banni. Þeir snúa aftur í dag.

Bergsveinn Ólafsson, Cédric D'Ulivo, Emil Pálsson og Halldór Orri Björnsson misstu allir af leiknum gegn KR vegna meiðsla. Bergsveinn og Emil gætu snúið aftur í dag.

Hjörvar Hafliðason, sparkspekingur á Stöð 2 Sport, spáir í leiki umferðarinnar. Hann spáir öruggum sigri FH.

FH 5 - 0 Grindavík
FH-ingarnir hafa fengið góða hvíld og áttað sig á hlutunum. Nú þurfa þeir að fara að rífa sig í gang. Þeir nálgast verkefnið á sunnudaginn ófyrirleitnari en nokkru sinni fyrir.

Góðan og blessaðan.

Hér fylgjumst við með leik FH og Grindavíkur í 18. umferð Pepsi-deildarinnar.

Bæði lið eru í baráttu um þrjú efstu sætin sem gefa Evrópusæti.

FH er í 4. sæti með 25 stig en Grindavík er í sama sæti með jafnmörg stig. FH á leik til góða. Bæði liðin eru stigi á eftir KR sem er í 3. sætinu. Sigurliðið í dag hoppar því upp í 3. sætið.