Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Lengjubikar kvenna - A-deild úrslit
Valur
13:00 0
0
Breiðablik
Víkingur R.
2
2
Stjarnan
0-1 Hólmbert Aron Friðjónsson '12
Milos Ozegovic '34 1-1
Arnþór Ingi Kristinsson '47 2-1
2-2 Ævar Ingi Jóhannesson '95
10.09.2017  -  17:00
Víkingsvöllur
Pepsi-deild karla
Aðstæður: Ekta gluggaveður.
Dómari: Gunnar Jarl / Sigurður Óli
Maður leiksins: Jóhann Laxdal - Stjarnan
Byrjunarlið:
1. Róbert Örn Óskarsson (m)
3. Ívar Örn Jónsson
5. Milos Ozegovic
7. Alex Freyr Hilmarsson
10. Veigar Páll Gunnarsson ('64)
11. Dofri Snorrason
12. Halldór Smári Sigurðsson
21. Arnþór Ingi Kristinsson
22. Alan Lowing
25. Vladimir Tufegdzic ('88)
27. Geoffrey Castillion

Varamenn:
32. Tristan Þór Brandsson (m)
8. Viktor Bjarki Arnarsson
8. Viktor Örlygur Andrason
14. Bjarni Páll Linnet Runólfsson ('88)
17. Gunnlaugur Fannar Guðmundsson
18. Örvar Eggertsson
23. Nikolaj Hansen ('64)
24. Davíð Örn Atlason

Liðsstjórn:
Logi Ólafsson (Þ)
Bjarni Eggerts Guðjónsson (Þ)
Einar Ásgeirsson
Þórir Ingvarsson
Ísak Jónsson Guðmann
Hajrudin Cardaklija

Gul spjöld:
Arnþór Ingi Kristinsson ('26)

Rauð spjöld:
Leik lokið!
Jafntefli niðurstaðan.

Óhætt að segja að bæði lið séu ósátt við þessa niðurstöðu.
95. mín MARK!
Ævar Ingi Jóhannesson (Stjarnan)
Stoðsending: Ólafur Karl Finsen
DRAMATÍSKT JÖFNUNARMARK!!!

Fékk stungusendingu. Loksins náði Stjarnan að finna glufu á vörn Víkinga og Ævar kláraði þetta vel!
91. mín
Stjörnumenn virðast alveg ráðþrota. Hafa ekki skapað sér neitt af viti í seinni hálfleiknum.
90. mín
Guðjón Baldvinsson með bakfallsspyrnu yfir.
88. mín
Inn:Bjarni Páll Linnet Runólfsson (Víkingur R.) Út:Vladimir Tufegdzic (Víkingur R.)
87. mín
Ólafur Karl Finsen er ákveðinn í að leggja upp mark með vippu. Hefur vippað trekk í trekk.
85. mín
Víkingar pakka í vörn og Stjarnan á engar lausnir. Ákaflega hugmyndasnautt hjá Garðbæingum.
83. mín
Leikurinn farinn af stað á ný. Ekki miklar tafir.
82. mín
Róló lenti í árekstri og liggur eftir á vellinum. Þarf aðhlynningu. Stjörnumenn baula og telja að hann sé að tefja. "Spjaldaðu hræið" öskraði einn úr stúkunni.
81. mín
SVAKALEGUR varnarpakki hjá Víkingum. Það eru nánast allir fyrir aftan boltann.
80. mín
Inn:Eyjólfur Héðinsson (Stjarnan) Út:Jósef Kristinn Jósefsson (Stjarnan)
Síðasta skipting Stjörnunnar.
80. mín
Sólin lágt á lofti og skín beint á fréttamannastúkuna. Glerið vel skítugt sem við horfum út um svo skyggnið er alls ekki gott.
77. mín
Inn:Ævar Ingi Jóhannesson (Stjarnan) Út:Jóhann Laxdal (Stjarnan)
Akureyringurinn mætir inn. Hefur lítið spilað í sumar vegna erfiðra meiðsla.
77. mín
Hólmbert Aron í fínu skallafæri en skallar framhjá.
75. mín
Jói Lax með skot sem lekur framhjá fjærstönginni!

Róló farinn að taka sér ansi góðan tíma í markspyrnurnar. Éta upp klukkuna.
72. mín
Dofri með STÓRHÆTTULEGA fyrirgjöf en enginn nær að komast í boltann. Vantaði aðeins meiri greddu þarna.
71. mín
Aukaspyrnu-Ívar með hættulegt skot sem Haraldur Björnsson nær að slá yfir markið. Hornspyrna sem heimamenn fá...
69. mín Gult spjald: Jósef Kristinn Jósefsson (Stjarnan)
Fór allt of hátt með sólann, í brjóstkassann á Dofra Snorrasyni.

Einhverjir Víkingar líkja þessu við brotið hjá Mane í gær og vilja rautt!
65. mín
Hér rétt áðan áttu heimamenn mjög hættulega sóknarlotu. Hefðu vel getað bætt við öðru marki! Stjörnumenn heppnir.
64. mín
Inn:Nikolaj Hansen (Víkingur R.) Út:Veigar Páll Gunnarsson (Víkingur R.)
Silfurskeiðin syngur fyrir Veigar þegar hann er tekinn af velli.
63. mín
Dómaraskipting! - Gunnar Jarl Jónsson fer meiddur af velli. Sigurður Óli Þórleifsson er tekinn við flautunni. Sigurður Óli var í aðalhlutverki þegar Stjarnan vann FH í úrslitaleiknum um Íslandsmeistaratitilinn... þá sem aðstoðardómari.
61. mín
Víkingar farnir að liggja rooosalega aftarlega þetta snemma. Stjarnan reynir að finna glufur á þessari varnarþvögu heimamanna.
58. mín
Inn:Ólafur Karl Finsen (Stjarnan) Út:Alex Þór Hauksson (Stjarnan)
Það á að blása meira lífi í sóknarleikinn.
57. mín
Jói Lax með skot hátt yfir.
55. mín
Stjarnan að ógna en Víkingar fjölmennir til baka.
53. mín
Ekki neitt merkilegt gerst eftir markið...
47. mín MARK!
Arnþór Ingi Kristinsson (Víkingur R.)
HAAA??? Hvernig gerðist þetta!?

Fyrirgjöf Arnþórs endar í markinu á ótrúlegan hátt. Haraldur Björnsson í marki Stjörnunnar blakaði boltann einhvernveginn inn. Hann er BRJÁLAÐUR og vill meina að brotið hafi verið á sér! Ekkert var dæmt og markið stendur.

Haraldur vill meina að Alex Freyr hafi farið í olnbogann á sér. Við fyrstu sýn sýndist mér þetta einfaldlega vera skelfileg mistök hjá Halla Björns. Fróðlegt að sjá þetta aftur í Pepsi-mörkunum.
46. mín
Seinni hálfleikur hafinn
Stemningin í stúkunni ekki að fá háa einkunn.
45. mín
Hálfleikur
Hnífjafnt þegar Jarlinn flautar til hálfleiks. Líf og fjör.
43. mín
Þessi leikur hefur verið fínasta skemmtun. Sótt á báða bóga. Gæðin kannski ekki mjög mikil en gleðin er við völd!
38. mín
Guðjón Baldvins dansar í kringum varnarmenn i teignum og nær lausu skoti sem Róló á ekki í vandræðum með.
37. mín
Ein af fjölmörgum frábærum hornspyrnum Hilmars Árna en Stjarnan nær ekki að koma skoti á markið.
34. mín MARK!
Milos Ozegovic (Víkingur R.)
Stoðsending: Vladimir Tufegdzic
VÍKINGAR JAFNA EFTIR HORNSPYRNU FRÁ VINSTRI!!!

Rosalegt hnoð og fimbulfamb í teignum. Stjarnan nær ekki að koma boltanum frá og allt í einu dettur hann til Ozegovic í þvögunni og hann nær að skora! Túfa tæklaði boltann til hans.
33. mín
Alex Freyr og Castillion með frábært samspil sín á milli og vinna hornspyrnu.
30. mín
Veigar Páll með skottilraun fyrir utan teig. Yfir fer boltinn, skapaði enga hættu. Veigar væri alveg til í að setja eins og eitt mark í dag.
28. mín
Glímutök rétt innan vítateigs Víkinga eftir fast leikatriði! Guðjón Baldvinsson vildi fá eitthvað þarna en Gunnar Jarl ekki sammála.
26. mín Gult spjald: Arnþór Ingi Kristinsson (Víkingur R.)
Fyrir brot á Guðjóni Baldvins.
24. mín
"We're gonna win the league, Now you gotta believe us," syngur Silfurskeiðin. Þar eru menn ekkert með hugann við eitthvað Evrópusæti heldur toppsætið.
21. mín
Hólmbert brýtur á Ívari Erni sem öskrar duglega þar sem hann liggur í grasinu. Stuðningsmenn Víkinga pirraðir út í Gunnar Jarl dómara sem lætur Hólmbert sleppa með tiltal.
19. mín
Baldur tapar boltanum, Túfa kemur honum á Castillion en Hörður Árnason kemst fyrir skot hans.
17. mín
Arnþór Ingi með hættulegt skot í varnarmann og framhjá! Boltinn barst til hans eftir skot frá Castillion sem fór í varnarmann.

Þorkell Máni Pétursson kemur sér fyrir í stúkunni. Upptekinn maður hann Máni og missti af fyrsta marki leiksins.
16. mín
Hilmar Árni aðeins að minna á hvað hann er ógeðslega góður í fótbolta. Sýnir lipur tilþrif og Milos Ozegovic fellur bara á jörðina.
12. mín MARK!
Hólmbert Aron Friðjónsson (Stjarnan)
Stoðsending: Jóhann Laxdal
STJARNAN KEMST YFIR!!!

Jóhann Laxdal kom upp hægri kantinn, sendi fyrir en boltinn í varnarmann en barst aftur til hans í enn betri stöðu. Stór heppnisstimpill á þessu.

Jói sendi fyrir þar sem Hólmbert var í teignum og tók skotið í fyrsta. Róló var í boltanum en erfitt að verja þetta og inn fer boltinn!
11. mín
Guðjón Baldvinsson leggur boltann á Hólmbert sem er í ágætis skotfæri fyrir utan teig en hittir boltann illa. Laflaust og beint á Róló.
Minni lesendur á að kassamerkja Twitter færslur um leiki Pepsi-deildarinnar með #fotboltinet - Valdar færslur rata hingað í lýsinguna.
7. mín
VÍKINGAR STÓRHÆTTULEGIR! Castillion komst í skotfæri en Haraldur Björnsson kýldi boltann frá, þar kom annað skot í varnarmann og í hornspyrnu.
5. mín
Túfa með hættulegan sprett upp hægri kantinn og á sendingu á Veigar Pál sem kemst í fínt skotfæri, skot Veigars naumlega framhjá. Hröð og góð sókn Víkinga.
4. mín
Langt innkast Jóa Lax nær að búa til smá fimbulfamb í teig Víkinga en svo er dæmt sóknarbrot á Baldur Sigurðsson.
3. mín
Stjarnan í sínu hefðbundna 3-5-2 kerfi með Hólmbert og Guðjón fremsta.
1. mín
Leikur hafinn
Víkingar hófu leik. Stjörnumenn sækja í átt að félagsheimili Víkinga.
Fyrir leik
Sólin skín í Fossvogi en ekki láta blekkjast. Það er september og hitastigið eftir því. Það fer að kólna vel þegar líða fer á leikinn. Bæði lið eru í upphitun og dómararnir einnig.
Fyrir leik
Kóngurinn í Ólafsvík, Ejub Purisevic, er meðal þeirra fyrstu til að koma sér fyrir í stúkunni. Er með rjúkandi kaffibolla. Ótrúlegur 4-4 leikur hjá hans mönnum gegn Fjölni í gær. Ólsarar eru í harðri fallbaráttu og mæta Stjörnunni í næstu umferð.
Fyrir leik
Gaman að fylgjast með: Við verðum að setja þetta á Veigar Pál Gunnarsson sem mætir sínu uppeldisfélagi. Veigar yfirgaf Stjörnuna eftir síðasta tímabil og gekk í raðir FH þar sem tækifærin voru af skornum skammti. Logi Ólafsson sótti Veigar yfir í Fossvoginn. Rosaleg fótboltagæði sem búa í Veigari.
Fyrir leik
Þrjár breytingar á byrjunarliði Víkinga frá 3-1 tapinu gegn Fjölni í síðustu umferð. Milos Ozegovic, Vladimir Tufegdzic og Arnþór Ingi Kristinsson koma allir úr banni og fara inn í byrjunarliðið fyrir Davíð Örn Atlason, Viktor Bjarka Arnarsson og Nikolaj Hansen.

Stjarnan er með óbreytt lið frá 1-1 jafnteflinu gegn FH í síðustu umferð.
Fyrir leik
Það var heitt í hamsi í lok leiks Stjörnunnar og FH í síðustu umferð. Davíð Snorri Jónasson og Brynjar Björn Gunnarsson, aðstoðarþjálfarar Rúnars Páls Sigmundssonar, fengu báðir brottvísun og fá ekki að vera á hliðarlínunni í dag.

Fjalar Þorgeirsson markvarðaþjálfari náði þó að hemja skap sitt og verður við hlið Rúnars í leiknum í dag.
Fyrir leik
Ég var á takkaborðinu þegar liðin áttust við í fyrri umferðinni. Víkingar unnu þá 2-1 útisigur í Garðabænum þar sem Ragnar Bragi Sveinsson skoraði sigurmarkið. Ragnar Bragi er reyndar kominn heim í Lautina svo hann verður ekki á vellinum í kvöld. Kannski í stúkunni?
Fyrir leik
Stjarnan er í öðru sæti með 30 stig. Það eru sjö stig upp í Valsmenn sem mæta Breiðabliki í kvöld. Enn tölfræðilegir möguleikar á að ná Val en það er raunhæfara markmið hjá Stjörnunni að innsigla Evrópusæti.
Fyrir leik
Það er erfitt að sjá Víkinga falla úr deildinni en þeir mega þó ekki sofna á verðinum. Liðin fyrir neðan nálguðust þá í gær. Það eru bara þrjú stig niður í fallsæti!
Fyrir leik
Góðan og gleðilegan! Eins og allir vita er sunnudagur langbesti dagur vikunnar. Hann verður svo sannarlega ekki verri þegar boðið er upp á fjóra leiki í Pepsi-deildinni!

Ég ætla að fylgja ykkur í gegnum leik Víkings R. og Stjörnunnar hér í Fossvoginum. 18. umferð. Jarlinn flautar til leiks á slaginu fimm!
Byrjunarlið:
Haraldur Björnsson
2. Brynjar Gauti Guðjónsson
3. Jósef Kristinn Jósefsson ('80)
4. Jóhann Laxdal ('77)
7. Guðjón Baldvinsson
8. Baldur Sigurðsson
9. Daníel Laxdal
10. Hilmar Árni Halldórsson
14. Hörður Árnason
19. Hólmbert Aron Friðjónsson
29. Alex Þór Hauksson (f) ('58)

Varamenn:
25. Sveinn Sigurður Jóhannesson (m)
5. Óttar Bjarni Guðmundsson
6. Þorri Geir Rúnarsson
16. Ævar Ingi Jóhannesson ('77)
17. Ólafur Karl Finsen ('58)
20. Eyjólfur Héðinsson ('80)
27. Máni Austmann Hilmarsson

Liðsstjórn:
Rúnar Páll Sigmundsson (Þ)
Fjalar Þorgeirsson
Sigurður Sveinn Þórðarson
Davíð Sævarsson
Friðrik Ellert Jónsson

Gul spjöld:
Jósef Kristinn Jósefsson ('69)

Rauð spjöld: