Tíu mínútur í leik hér á Akranesi. Hvet alla til að mæta á leikinn og styðja sitt lið. Hvað er betra en að skella sér á völlinn og svo beint heim í sunnudags steikina?

Tæpur hálftími í leik hjá okkur á Akranesi og bæði lið að hita upp. Vonandi fáum við skemmtilegann leik og fullt af mörkum.

Byrjunarliðin eru dottin í hús en þau má sjá hér til hliðar. Athygli verkur að Garðar Gunnlaugs er á bekknum hjá ÍA og hjá KA er Emil Lyng ekki í hóp.

Það fer að styttast í byrjunarliðin hjá okkur en þau ættu að birtast klukkutíma fyrir leik.

Dómari leiksins í dag er Helgi Mikael Jónasson og honum til astoðar eru Gylfi Tryggvason og Smári Stefánsson. Varadómari er Einar Ingi Jóhannsson og eftirlitsmaður KSÍ er Gylfi Þór Orrason.

Spámaður umferðarinnar er hinn geðþekki Hjörvar Hafliðason og hann á von á hörkuleik.

ÍA 2 - 2 KA (17:00 á sunnudag)
Jón Þór þakkar traustið með mögnuðum punkti gegn KA.

Umferðinni lýkur svo í dag með fjórum leikjum. Það er auðvitað leikurinn okkar hérna á Akranesi. Á sama tíma mætast Víkingur R og Stjarnan í Fossvoginum og FH tekur á móti Grindavík í Krikanum. Kl 19:15 mætast svo Valur og Breiðablik. Og að sjálfsögðu eru allir leikirnir í beinni textalýsingu hjá okkur á .net.

Beinar textalýsingar
17:00 FH - Grindavík
17:00 Víkingur R. - Stjarnan
17:00 ÍA - KA
19:15 Valur - Breiðablik

Umferðin hófst í gær með tveimur leikjum. ÍVB gerði sér lítið fyrir og valtaði yfir KR í Vesturbænum 0-3 og í Ólafsvík var boðið uppá markasúpu en þar gerðu Víkingur Ó og Fjölnir 4-4 jafntefli

Það var heldur ólíkt gengi liðanna í síðustu umferð. Skagamenn töpuðu þá 2-0 fyrir Breiðablik á meðan KA-menn völtuðu yfir Víking Ó 5-0 fyrir norðan.

Liðin hafa mæst 48 sinnum í keppnum á vegum KSÍ og þar hefur ÍA vinninginn. ÍA hefur unnið 29 af þessum leikjum en KA hefur unni 7. Þá hafa liðni 12 sinnum sæst á jafnan hlut og markatalan er 94-41.

Fyrri leik liðanna í sumar endaði með 0-0 jafntefli á Akureyrarvelli 14.júní.

KA menn geta með sigri hér í dag blandað sér af fullri alvöru í baráttu um Evrópusæti á sínu fyrsta tímabili í efstu deild í langan tíma. Ef þeir tapa þá geta þeir hins vegar með slæmum úrslitum í næstu leikjum sogast í fallbaráttu á lokasprettinum.

ÍA situr á botni deildarinnar sem fyrr með einungis 10 stig og þeir bara hreinlega verða að vinna hér í dag ef þeir ætla að halda í einhverja smá von um að halda sér uppi! Tap þýðir að þeir eru nánast fallnir þó þeir geti ekki fallið tölfræðilega í dag.

Góðan daginn kæru lesendur og velkomin í beina textalýsingu frá Norðurálsvellinum á Akranesi. Hér ætlum við að fylgjast með leik ÍA og KA í 18.umferð Pespideildar karla en leikurinn er mjög mikilvægur fyrir bæði lið.