Liðin ganga hér inná völlinn. Það sem vekur líklegast mesta athygli er að Óli Jó er ekki með 10/11 derhúfuna á hausnum. Ákveðin vonbrigði.

Tíu mínútur í leik og fólk er farið að láta sjá sig. Vonum að það verði fjölmennt í stúkunni í dag og góð stemmning.

Guðni Bergsson, formaður KSÍ, er mættur á Akureyrarvöll og ræðir hér málin við Sævar Pétursson, framkvæmdarstjóra KA.

Sigurður Óli Þórleifsson flautar leikinn hér á Akureyrarvelli í dag en hann þurfti einmitt að fylla í skarðið fyrir meiddan Gunnar Jarl í miðjum leik Víkings R. og Stjörnunar í síðustu umferð. Stóð sig með prýði þar og býst ég ekki við öðru en að hann muni gera það líka í dag.

Vallarklukkan á Akureyrarvelli hefur verið heitt topic meðal stuðningsmanna KA en hún er gjörsamlega handónýt. Vallarstarfsmenn Akureyrarvallar hafa hins vegar ekki dáið ráðalausir þar sem að búið er að binda nýja vallarklukku við Eimskipsgám með reipi. Mjög ghetto útfærsla þarna á ferð.

Byrjunarliðin eru klár og gera bæði lið þrjár breytingar frá síðasta leik. Hjá KA koma Ásgeir, Almarr og Callum út og inn koma Guðmann, Steinþór og Emil Lyng. Callum er eins og fyrr sagði í leikbanni og fór Almarr útaf meiddur í síðasta leik. Hann sest hins vegar á bekkinn í dag.

Hjá Val setjast Rasmus Christiansen, Dion Acoff og Patrick Pedersen á bekkinn. Inn í þeirra stað koma Nicolas Bogild, Sigurður Egill og Bjarni Ólafur.

Matthías Villhjálmsson, leikmaður Rosenborg, spáði í 19.umferð Pepsi deildarinnar en hann býst við hörku leik á Akureyrarvelli í dag.


KA 1 - 1 Valur

Ég held að þetta verði erfiður leikur fyrir Valsara sem hafa litið vel út í sumar og sérstaklega ef Guðmann er orðinn klár fyrir KA.

Callum Williams fékk beint rautt spjald gegn ÍA í síðustu umferð og horfir því á leikinn úr stúkunni í dag. Guðmann Þórisson, fyrirliði KA, var í fyrsta skipti í leikmannahóp eftir meiðsli í síðustu umferð og verður áhugavert að sjá hvort að hann verði í byrjunarliði í dag.

Síðast þegar Valur mætti á Akureyrarvöll var árið 2015 í undanúrslitum Borgunarbikarsins. Grípa þurfti til vítaspyrnukeppnis í þeim leik þar sem að Valur stóð uppi sem sigurvegari. Þeir enduðu svo á því að fara alla leið og vinna bikarinn.

Fyrri leikur liðanna á Hlíðarenda endaði með 1-0 sigri Vals en þá varð Darko Bulotovic fyrir því óláni að skora sjálfsmark í upphafi leiks.

KA menn fóru í fýluferð á Akranes í síðustu umferð og töpuðu 2-0 á móti botnliði ÍA. Valsarar unnu á meðan góðan 1-0 sigur á Breiðablik.

Valsarar sitja í efsta sæti deildarinnar með 40 stig og gætu orðið Íslandsmeistarar í dag með hagstæðum úrslitum í öðrum leikjum. Heimamenn sigla hins vegar lygnan sjó í sjötta sæti deildarinnar með 24 stig.

Komiði sæl og blessuð og veriði hjartanlega velkomin í þessa textalýsingu á leik KA og Vals í Pepsi deild karla.

Pepsi í dag #Fotboltinet
17 KA - Valur
17 Breiðablik - KR
17 ÍBV - Grindavík
17 Fjölnir - ÍA
17 Víkingur R. - FH
19:15 Stjarnan - Víkingur Ó pic.twitter.com/wBgSvUzunk

— Fótbolti.net (@Fotboltinet) September 14, 2017