5 mínútur í leik. Fólk er aðeins að byrja að týnast í stúkuna en er það er samt ansi fámennt.

Tæpur hálftími að Þóroddur Hjaltalín dómari leiksins flauti til leiks. Honum til aðstoðar í dag eru þeir Frosti Viðar Gunnarsson og Eðvarð Eðvarðsson.

Það vekur athygli mína í það minnsta að ÍBV er bara með 6 menn á bekknum en ekki 7 eins og hægt er að vera með. Kannski það hafi verið svoleiðis í allt sumar, veit það ekki. Þið megið leiðrétta mig bara á Twitter.

ÍBV gerir tvær breytingar fá leiknum á móti Grindavík. Matt Garner kemur inn sem og Mikkael Maigaard. Felix Örn fer á bekkinn og Sindri Snær er í leikbanni í dag og Hafsteinn Briem er því fyrirliði í dag.

Byrjunarlið liðanna eru komin hér til beggja liða. Hjá FH kemur Pétur Viðarsson aftur í byrjunarliðið. Kassim ,,The dream" Doumbia er hinsvegar hvergi að sjá. Kassim er að taka út leikbann.

Núna kemur B.O.B.A með Hafnfirðingnum honum Króla og Garðbæingnum JóaP. Þetta er veisla, segi ég og skrifa. VEISLA!

Ég er slaggur að njóta og livvvvaaa ómar í Krikanum. Ég er svo sannarlega slaggur að njóta þess að vera í Krikanum.

Smá tölfræði frá KSÍ um leiki þessara félaga sín á milli:

FH: Sigrar-33. Jafntefli-15. Tap-22. Markatala-125-108
ÍBV: Sigrar-22. Jafntefli-15. Tap-33. Markatala - 108-125

Það er enginn annar en Valtýr Björn sem spáir í 20. umferðina hjá okkur á Fótbolti.net. Spá hans fyrir leikinn í dag er svo hljóðandi.

FH 3 - 1 ÍBV
FH vann fyrri leikinn 1-0 og þeir klára þennan 3-1

FH er væntanlega búið að tapa titilibaráttunni en Valsmenn komnir eins og allir vita með 9 og 1/2 fingur á dolluna. En FH vill annað sætið og FH vill vera í Evrópukeppni á næsta ári. Síðustu sigrar eru búnir að koma þeim í vænlega stöðu upp á það að gera og sigur í dag er væntanlega að tryggja að það gerist.

Staðan í deildinni fyrir þessa umferð er æsispennandi, bæði á toppnum og botninum. Nokkur lið eru ekki enn sloppin úr fallbaráttunni og þar á meðal eru gestir FH-inga í ÍBV. Þeir unnu góðan sigur á Grindavík í síðustu umferð og KR þar á undan náðu þar með að koma sér upp í 22 stig og upp 9.sæti deildarinnar. En tapi þeir í dag að þá er þeir góðu sigrar til lítils.

Gleðilegan sunnudag!
Hér ætlum við að fjalla um leik FH og ÍBV í 20. umferðinni í Pepsi-deild karla.

Bæði lið koma syngjandi kát inn í þessa umferð eftir sigur í síðustu tveimur leikjum. FH hefur á síðustu viku unnið Grindavík og Víking R. á meðan ÍBV lagð KR og Grindavík.