Frábær bolti chippaður inn á teig Gróttu og skallinn í slánna.

Glæsilegt skot/sending úr aukaspyrnu Kristófers Scheving af sirka 40 metra færi sem endar í stönginni og inn en dómarinn dæmir aukaspyrnu á Gróttu innan í teignum. Engu að síður stórkostleg tilþrif frá Kristóferi!

Glæsilegur há sending inn á teig HK á Ásgrím Gunnarsson sem tekur skotið viðstöðulaust en skotið er kraftlaust og beint í hendurnar á Arnari Frey í marki HK.

Háum bolta lyft upp völlinn á Ásgeir Marteinsson sem er allt í einu einn á móti markmanni. Hann fer framhjá honum en snertingin er alltof þung og færið orðið þröngt þegar hann nær honum. Varnarmaður Gróttu eltir og nær að pota boltanum í horn. Dauðafæri!

Hornspyrna Gróttu inn á teiginn og boltinn dettur fyrir Andra Þór Magnússon sem á gott skot sem er frábærlega varið af Arnari Frey Ólafssyni í marki HK.

Aukaspyrna sem HK á á stórhættulegum stað, skotið er fast en alltaf á leiðinni framhjá.

Laglegt þríhyrningsspil hjá Ásgrími Gunnarssyni og Sigurvini Reynissyni endar með því að Ásgrímur er kominn í laglegt færi en varnarmaður rennir sér fyrir skotið.

Andri Már Hermannsson virðist liggja eftir eftir samstuð. Sigurður Brynjólfsson aðstoðarþjálfari Gróttu nýtir tækifærið til að koma skilaboðum til nokkurra leikmanna til skila.

Fyrirgjöf inn á teig Gróttu í áttina að Bjarna Gunnarssyni en boltinn aðeins of hár fyrir hann til þess að geta stangað hann á markið.

Þrumufleygur Brynjars Jónassonar í innanverða stöngina og út HK-ingar ná frákastinu en ekkert verður úr því. Þvílíkt skot!

Sigurvin Reynisson reynir skot utan teigs en skotið er blokkerað af varnarmanni HK.

HK-ingar vilja fá víti! Boltinn berst til Stefáns Ara í marki Gróttu og Brynjar Jónasson er fljótur í boltann Stefán Ari nær til hans á undan og virðist vera einhver snerting í leiðinni. Dómarinn gerir það rétta í stöðunni og dæmir ekkert.

Svo sannarlega fjörugar fyrstu 10 mínútur hérna í rokinu út á nesi!