Guðmundur Andri með flotta sendingu í gegn á Bjerregaard en sá er dæmdur rangstæður. Naumt.

Liðin eru mætt á völlinn og hafa smellt saman höndum.

Þetta er rétt að detta í gang.

Almarr Ormarsson myndi nú væntanlega vilja vera að byrja hér inná á sínum gamla heimavelli...en hann þarf eitthvað aðeins að bíða eftir því a.m.k.

Pálmi Rafn fyrirliði KR er einn fjölmargra uppaldra Húsvíkinga á vellinum, hann lék með KA milli 2003 og 2005.

Dómarateymið er þannig skipað að hann Pétur Guðmundsson er á flautunni í dag, honum til aðstoðar og með flögg eru Gunnar Helgason og Vlateslav Titov.

Fjórði dómarinn er Jóhann Ingi Jónsson og í eftirliti er Eyjólfur Ólafsson. Fagmenn á svæðinu!

Leikmannahópar beggja liða eru skipaðir sömu einstaklingum og að undanförnu, enginn leikmaður er í banni hjá liðunum og engin ný meiðsli.

KR koma til leiks eftir að hafa unnið Breiðablik 1-3 á Kópavogsvellinum en KA gerðu á meðan jafntefli við meistaraefni Valsmanna á heimavelli.

Fyrri leik liðanna á Akureyrarvelli lauk með 2-3 sigri Vesturbæinga.

Elfar Árni Aðalsteinsson skoraði bæði mörk KA en Óskar Örn Hauksson, Kennie Chopart og Tobias Thomsen fyrir KR.

KR-ingar eygja enn séns á Evrópusæti og þurfa þess vegna nauðsynlega sigur í dag, á meðan það er eilítið sérkennilegt að segja þá þurfa KA að næla sér í stig svo þeir séu algerlega vissir um að falla ekki niður um deild.

Auðvitað þarf fáránlega mikið að gerast til að svo fari...en þetta er óvenjulegt mót!

Leikurinn er liður í 20.umferð PEPSI deildar, einn fimm leikja sem fara fram í dag. Leik Víkings Ó. og Víkings R. var frestað vegna veðurs.

Fyrir leikinn sitja liðin hlið við hlið í deildinni, KR er í 4.sæti með 29 stig en KA eru í sætinu fyrir neðan með 25 stig.

Jú góðan daginn og velkomin í beina textalýsingu frá KR-vellinum við Frostaskjól.

Framundan er leikur tveggja Knattspyrnufélaga...eitt úr Reykjavík og annað frá Akureyri.