Liðin ganga út á völlinn. Færeyska liðið ætlar að vera í dúnúlpunum meðan þjóðsöngvar eru spilaðir, það er nýtt fyrir mér.

Eins og staðan er núna er Ísland í 21.sæti á heimslista FIFA en Færeyjar í 69. sæti.

Færeyska liðið teflir fram Olgu Kristinu Hansen í kvöld. Hún er fædd árið 1990 og spilar á miðjunni hjá þeim í kvöld.Afhverju er ég að segja ykkur frá henni Olgu? Jú það er merkilegt fyrir þær sakir að hún spilaði hér á Íslandi frá 2011-2013 með Áftanesi, KR í Pepsideildinni og svo eitt tímabil með ÍR í 1.deildinni. 40 leikir og 4 mörk á Íslandi og vonandi verða þau ekki fleiri hér í kvöld.

Færeyjar stilla svona upp svona:
A.Hansen(12)

B Johannesen(3)-Arge(4)-Nielsen(2)-Thomsen(13)

O. Hansen(10)

A. Sevdal(14)-Andreasen(9)

Klakstein(8) -H.Sevdal(6) -Johannesen(7)

En þetta er einmitt nákvæmlega eins og við hér á Fótbolti.net vorum búin að spá fyrir um byrjunarliðið.

Freyr gerir breytingar í dag, nýtt mót og nýir tímar, einsog einhver sagði. Landsliðið spilaði á Evrópumótinu með 5 manna vörn og notaði svokallaða vængbakverði. Hann breytir í dag og spilar með 4 manna vörn í dag. Og breytir þá yfir í 4-3-3.

Það eru því einhverjar tilfærslur á leikmönnum.
Það verða því 2 miðverðir í dag og það verða Glódís og Sif sem taka það að sér.
Ingibjörg sem var þriðji miðvörðurinn á EM skellir sér í hægri bakvörðinn í dag. Hallbera heldur sinni stöðu í vinstri bakverði.
Gunnhildur Yrsa sem spilaði hægri vængbakvörð á EM hoppar inná miðjuna í dag með þeim Söru og Dagný.
Sísí sem kom inn í liðið,einsog stormsveipur fyrir Evrópumótið og spilaði á miðjunni, fær sér sæti á bekknum í dag. Nýkrýndur bikarmeistarinn.
Freyr ákvað að spila með Dagnýju fremsta á EM, færir Dagnýju niður á miðjuna í dag og hendir Elínu Mettu úr Val í senterinn.
Á vinstri vængnum er Fanndís sem er nýlent frá Frakklandi og á hægri er unga og bráðefnilega Agla María úr Stjörnunni.

Utan hóps í dag eru þær Hólmfríður Magnúsdóttir úr KR og nýliðinn Anna Rakel úr Þór/KA.

Allavegana. Við getum verið sammála um að íslenska liðið stillir upp mjög góðu liði í dag.

Ég hef hinsvegar ekki náð að fylgjast nógu vel með færeyska boltanum í ár og því verður spennandi að sjá hvað þær bjóða okkur uppá hér í kvöld.


Hvet alla til að skella sér á völlinn í dag. Það er nánast Benedorm veður og FRÍTT fyrir alla!

Þetta er annar leikur Færeyja í riðlinum en þær töpuðu fyrir Tékklandi þann 14. september 0-8.

Önnur úrslit eru að þann 16.september vann Tékkland Slóveníu 6-0.

Úrslitin líkjast meira handboltaleikjum en það verður fróðlegt að sjá hvort að það sama verður á boðstólnum í kvöld.

Þetta er í fyrsta skiptið sem Færeyingar eru meðal þjóða í undankeppni HM kvenna.

Í riðli Íslands eru Slóvenía,Þýskaland og Tékkland ásamt Færeyjum. Sigurvegari riðilsins kemst í úrslitakeppnina í Frakklandi. Þær fjórar þjóðir, sem verða með bestan árangur í öðru sæti úr riðlinum, leika svo umspilsleiki um eitt laust sæti í úrslitakeppninni.

Þetta eru 8 leikir sem Ísland spilar. En eftir þennan leik spilar Ísland aðra tvo leiki 2017. Það eru Tékkland og Þýskaland úti í október.

Þetta er í fyrsta skiptið sem að Ísland og Færeyjar mætast í mótsleik hjá A landsliðum kvenna.

Ef maður hefur hinsvegar smá aukatíma einsog ég þá kemst maður að því að þessar þjóðir spiluðu tvo vináttuleiki 1986. Þeir fóru 6-0 og 2-0 Ísland í vil og voru spilaðir á Akranesi og í Kópavogi. Það vor nú ekki minni konur en Vanda Sigurgeirsdóttir og Ásta B. Gunnlaugs á meðal þeirra sem voru á skotskónum þá.
Þær verða þó líklega ekki á meðal markaskorara hér í kvöld og verðum við að treysta á aðrar í það.

Góða kvöldið!
Þá er komið að næsta móti á dagskrá hjá Stelpunum okkar.
Íslenska landsliðið tekur á móti Færeyingum í fyrsta leik liðsins í undankeppni fyrir Heimsmeistaramótið sem fer fram árið 2019 í Frakklandi!