Ólafur Páll Snorrason, aðstoðarþjálfari FH, var í sama hlutverki hjá Fjölni í fyrra. Bergsveinn Ólafsson, varnarmaður FH, er einnig að snúa aftur á sinn gamla heimavöll sem og Guðmundur Karl GUuðmundsson sem er á bekknum hjá FH. Emil Pálsson lék einnig með Fjölni á láni fyrri hluta sumars 2015 en þá var hann valinn bestur í deildinni.

Fjölnislagið ómar núna í hátalarakerfinu. Það gerði ágætis hluti í stuðningsmannalagakeppni Brennslunnar á FM957 fyrr á þessu ári.

Liðin eru mætt út á völl. FH leikur í svörtum varabúningum sínum í dag.

"Davíð hefur verið tæpur í náranum núna í einhverjar þrjár vikur. Það er aftur leikur á sunnudag og við þurfum að gefa honum hvíld þegar það er mögulegt," sagði Heimir Guðjónsson, þjálfari FH, um Davíð Þór Viðarsson fyrirliða sem er á bekknum. Heimir ræddi við Stöð 2 Sport fyrir leikinn.

Spá manna í fréttamannastúkunni.

Bjarni Helgason, 433.is
Fjölnir 1-4 FH

Ingvi Þór Sæmundsson, Vísir
Fjölnir 0-3 FH

Jóhann Ingi Hafþórsson, Morgunblaðið
Fjölnir 1-3 FH

Sjálfur spái ég 2-1 fyrir FH.

Twitter er að sjálfsögðu opið fyrir umræðuna. Notið #fotboltinet og takið þátt!

Liðin að ljúka upphitun. Jói Pé og Chase í hátalarakerfinu. Fáir áhorfendur mættir ennþá enda leiktíminn ekki góður.

Þorsteinn Haukur Harðarson, framkvæmdastjóri Víkings Ólafsvíkur, er mættur og lítur við í blaðamannastúkunni.

Hann vonast eins og aðrir Ólafsvíkingar eftir sigri FH í dag. Skagamenn eru einnig harðir FH-ingar í dag enda fellur ÍA ef Fjölnir nær í stig!

Byrjunarliðin eru mætt.

Fredrik Michalsen, Ægir Jarl Jónasson og Linus Olsson fara á bekkinn hja Fjölni frá því í 4-1 tapinu gegn Val. Igor Jugovic, Torfi Tímoteus Gunnarsson og Ingimundur Níels Óskarsson koma inn.

Heimir Guðjónsson, þjálfari FH, gerir eina breytingu frá því í 2-1 sigrinum á ÍBV. Kassim Doumbia snýr aftur inn í leikbann en Davíð Þór Viðarsson fer á bekkinn. Davíð hefur verið tæpur vegna meiðsla að undanförnu.

FH-ingar hafa harma að hefna í dag því Fjölnismenn unnu fyrri leik liðanna í sumar 2-1.

FH mætir Víkingi Ólafsvík á sunnudag og Breiðabliki í lokaumferðinni. Fjölnir fær KR í heimsókn hingað í Grafarvog á sunnudag áður en liðið mætir Grindavík á útivelli í lokaumferðinni.

Emil Pálsson, Pétur Viðarsson og Þórarinn Ingi Valdimarsson eru allir á leið í bann eftir fjögur gul spjöld á tímabilinu. Bann þeirra tekur hins vegar ekki gildi fyrr en á morgun.

Emil, Pétur og Þórarinn geta því spilað í dag en þeir verða í banni gegn Víkingi Ólafsvík á sunnudaginn.

Leikurinn hefst nokkuð snemma á virkum degi en ástæðan fyrir því er birtan. Það er farið að dimma fyrr á kvöldin.

Góðan daginn!

Hér ætlum við að fylgjast með öllu því helsta í leik Fjölnis og FH í Pepsi-deildinni.

Um er að ræða frestaðan leik úr 15. umferð en honum var frestað vegna þátttöku FH í Evrópudeildinni.

FH er með 34 stig í 3. sæti fyrir þennan leik en Fjölnir er með 21 stig í 10. sæti.

Ef FH vinnur....
Þá er Evrópusæti tryggt hjá FH
Þá er FH komið í 2. sætið upp fyrir Stjörnuna

Ef Fjölnir vinnur eða jafntefli verður niðurstaðan...
Þá fellur ÍA
Þá kemst Fjölnir lengra frá Víkingi Ólafsvík sem er í 11. sæti með 20 stig
Þá er FH áfram í 3. sæti