Hér ganga liðin út á völlinn.

Selfyssingar vínrauðir en Haukamenn í sínum bláu varabúningum. Dómari leiksins í dag er Gunnþór Steinar Jónsson en hann hefur verið að dæma í Inkassodeildinni í sumar.

Eins og fyrr segir er veðrið alveg skelfilegt hérna í dag.

Ég hef sjaldan séð aðra eins rigningu. Ég á ekki von á fjölmenni hér á vellinum í dag. Ég væri sennilega undir sæng að lesa textalýsinguna ef ég væri ekki hér.

Stefán Gíslason gerir þónokkrar breytingar frá leiknum 6-0 tapinu gegn Fylki í síðasta leik.

Óskar Sigþórsson kemur inn í markið á kostnað Árna sem var í markinu í síðasta leik. Harrison Hanley sest einnig á bekkinn. Björgvin Stefánsson á sínum stað.

Gunni Borg hendir McIntosh og JC Mack á bekkinn og hleypir ungum Selfyssingum inn í liðið. Er búin að vera að kalla svolítið eftir þessu í sumar þar sem mér finnst útlendingarnir ekki hafa bætt miklu við liðið.

Miðjan í leiknum er þá Haukur, Arnar Logi og Sindri Pálma. Ungir Selfyssingar sem stjórna umferðinni þar í dag.

Byrjunarliðin eru komin inn!

Svo talað sé hreint út er veðrið á Selfossi ömurlegt í dag. Það er hellidemba, kalt, grátt og smá vindur.

Vonum að það geri eitthvað fyrir leikinn.

Það er óskandi fyrir Selfyssinga að þessi leikur endi vel fyrir þá í kvöld en það er heljarinnar partý í Hvíta Húsinu í kvöld, knattspyrnuslúttið 2017.

Meðal þeirra sem framkoma eru Auðunn Blöndal, Steindi Jr og Rikki G. Skímó leikur fyrir dansi. Sagan segir að menn hafi reynt að fá "Enska" til þess að mæta en Augnablik hafi boðið betur og Enski verður því á lokahófi Augnabliks í kvöld.

Eins og knattspyrnuunnendur vita þá er þetta síðasti leikur Stefáns Gíslasonar sem þjálfari Hauka, í bili að minnsta kosti, en þetta kom fram í yfirlýsingu sem knattspyrnudeild
Hauka sendi frá sér í vikunni:

,,Stefán óskaði hins vegar eftir því að láta af störfum til að einbeita sér að krefjandi verkefni við uppbyggingu á eigin fyrirtæki. Knattspyrnudeild Hauka þakkar Stefáni fyrir frábært samstarf og óskar honum velfarnaðar."

Það má flokka þetta fótboltasumar sem vonbrigði hjá Selfyssingum. Liðið er fyrir leikinn í dag í 8. sæti deildarinnar en getur ekki komist hærra en 7. sæti. Þá þarf Fram að tapa og Selfoss að vinna svo það eigi sér stað.

Selfyssingar hafa unnið 5 útileiki í sumar enn einungis 2 á heimavelli. Liðið steinlá gegn Þrótti í síðasta leik, 4-0.

Gestirnir úr Hafnarfirði eru með markatöluna 0-12 í síðustu tveimur leikjum, ótrúlegar tölur. 6-0 tap fyrir Leikni F. og síðan 0-6 tap fyrir tilvonandi Pepsideildarliði Fylkis.

Fyrir þessa leiki var liðið á mikilli siglingu og tapaði einungis einu sinni í átta leikjum í röð, en það tap kom gegn spútnik liði HK. People's club.

Góðan dag og veriði hjartanlega velkomin í beina textalýsingu frá JÁVERK-vellinum á Selfossi þar sem Inkassosumarið klárast þetta árið.

Hér verður bein textalýsing frá leik Selfoss-Haukar