Liðin ganga hér inn til vallar! Guðmann Þórisson og Gunnar Þorsteinsson fyrirliðar eru fremstir í flokki.

Eins og staðan er núna er mætingin í stúkuna hreinlega til skammar. Vissulega 5 mínútur í leik ennþá svo það er enn von að það rætist úr þessu.

Nú eru 10 mínútur til leiks og liðin eru farin inn til búningsherbergja að græja sig. Veðrið á Akureyri er ágætt, fyrir utan frekar sterkan sunnanvind. Vonum að það hafi ekki áhrif á gæði leiksins.

Darko Bulatovic er ekki í hóp KA manna í dag en hann er farinn heim og verður ekki meira með í ár. Ástæða þess er sú að faðir hans er að glíma við krabbamein og hefur hrakað mikið undanfarið. Hann fékk því að fara heim til að vera til staðar fyrir fjölskyldu sína.

Andri Rúnar er á sínum stað í byrjunarliði Grindavíkur svo hann fær tækifærið í dag til að bæta metið!

Srdjan Tufegdzic gerir þrjár breytingar frá markalausa jafnteflinu við KR. Guðmann Þórisson, Almarr Ormarsson og Steinþór Freyr Þorsteinsson koma inn fyrir þá Ásgeir Sigurgeirsson, Darko Bulatovic og Archie Nkumu sem er í banni.

Óli Stefán Flóventsson gerir eina breytingu frá sigrinum á Blikum í síðasta leik. Simon Smidt kemur inn fyrir Sam Hewson.

Byrjunarliðin eru komin inn og má sjá þau hér til hliðar!

Annar leikmaður sem hefur verið mikið í umræðunni síðustu daga er Aleksandar Trninic miðjumaður KA. Sérfræðingar Pepsi markanna fóru ófögrum orðum um leikmanninn og sökuðu hann meðal annars um að reyna vísvitandi að meiða andstæðinginn með hættulegum tæklingum sínum. Það skvetti svo bensíni á bálið þegar í ljós kom að André Bjerregaard leikmaður KR fótbrotnaði eftir ljóta tæklingu Trninic í síðasta leik. Túfa þjálfari KA sagði í viðtali við Fótbolta.net að þetta væri algjört bull.

KA-menn mættu KR-ingum í síðustu umferð og lauk þeim leik með markalausu jafntefli. Grindvíkingar unnu Breiðablik 4-3 í stórskemmtilegum leik þar sem títtnefndur Andri Rúnar skoraði tvö mörk.

Dómari í dag er Einar Ingi Jóhannsson og honum til aðstoðar eru þeir Birkir Sigurðarson og Eðvarð Eðvarsson. Varadómari er Sigurður Þröstur Hjartarson og eftirlitsmaður er Bragi Bergmann.

Það mætti því segja að þessi leikur og leikur ÍA og Víkings Reykjavíkur séu þeir leikir sem skipta minnstu máli í umferðinni, en það er oftar en ekki skemmtilegra, því þeir leikir eru yfirleitt opnari og því mikið af mörkum. Við vonum svo sannarlega að sú verði sagan í dag!

Eins og staðan er núna er Stjarnan í öðru sætinu. Þeir eiga erfiðan leik við Íslandsmeistara Vals á meðan FH og KR sem eru í 3. og 4. sætinu eiga leik við lið í neðri hlutanum. Það verður því mjög áhugavert að fylgjast með því hvernig taflan mun breytast í dag.

Þó svo að það sé ráðið hverjir verða Íslandsmeistarar er ennþá mikil barátta á báðum endum töflunnar. Skagamenn eru fallnir en fjögur lið geta fallið með þeim. Víkingur Ólafsvík er sem stendur í fallsæti en ÍBV, Fjölnir og Breiðablik eru í hættu. Það fer því fram fallslagur á Kópavogsvelli þegar Blikar fá Eyjamenn í heimsókn. Fjölnir mæta eins og áður sagði KR-ingum og Víkingar mæta FH-ingum, en það eru einmitt liðin sem eru í Evrópubaráttu.

Heil umferð fer fram klukkan 14:00 í dag svo það verður nóg að gera á mörgum vígsstöðum.
Vinni KA lyfta þeir sér upp fyrir Grindvíkinga, en ef gestirnir vinna geta þeir lyft sér upp fyrir KR-inga, svo lengi sem þeir tapi fyrir Fjölni í Grafarvoginum.

Gengi liðanna hefur verið svipað í sumar. Bæði liðin byrjuðu mjög vel, þá sérstaklega Grindvíkingar sem voru lengi vel í harðri toppbaráttu, svo kom erfiður kafli þar sem stigasöfnun var dræm en upp á síðkastið hafa liðin svo verið að rétta úr kútnum og plokka í stig hér og þar.

Eins og sjá má hér að neðan telja tæplega 56% lesenda síðunnar að Andri muni slá metið. Tæp 25% telja að hann jafni metið og tæp 20% að hann skori ekki meira í sumar. Grindvíkingar eiga svo leik gegn Fjölni í lokaumferðinni þar sem hann fær annan séns til að klára þetta ef það tekst ekki í dag.

Svo gott sem öll umræða fyrir leikinn hefur snúist um Andra Rúnar Bjarnason, framherja Grindavíkur. Hann hefur skorað 18 mörk í sumar og vantar eitt til að bæta markametið sem þeir Pétur Pétursson, Guðmundur Torfason, Þórður Guðjónsson og Tryggvi Guðmundsson eiga, en þeir skoruðu allir 19 mörk á einu tímabili.

Leikurinn skiptir ekki miklu máli fyrir liðin en þau sitja í 5. og 6. sæti deildarinnar og munu að öllum líkindum enda þar í kring. Grindvíkingar eiga þó tölfræðilegan möguleika á Evrópusæti en til þess að það gerist þarf ansi mikið að breytast.

Komið þið blessuð og sæl og verið velkomin í beina textalýsingu frá leik KA og Grindavíkur í 21.umferð Pepsi deildar karla.

Um 56% lesenda #Fotboltinet spáir því að Andri Rúnar slái markametið pic.twitter.com/sokj5e9KDd

— Fótbolti.net (@Fotboltinet) September 23, 2017