Ef einhver starfsmaður Kópavogsvallar, eða vinur starfsmanns Kópavogsvallar, er að lesa þessa textalýsingu þá eru tveir menn í fréttamannastúkunni afar kaffiþyrstir. Þeir yrðu mjög þakklátir fyrir eins og eina litla könnu!

Við verðum að halda áfram að telja upp fræga í stúkunni því Mihjalo Bibercic er mættur. Svo er Sveinn Aron Guðjohnsen einnig búinn að koma sér fyrir.

Kópavogsvöllurinn lítur vel út að vanda hjá Magga Bö. Áhorfendur farnir að koma sér fyrir. Siggi Helga og Óskar Hrafn meðal þeirra sem mættir eru í stúkuna.

Byrjunarliðin eru komin inn. Willum Þór Þórsson hefur verið mikið í fréttunum í dag en hann á tvo syni í byrjunarliði Blika. Brynjólfur Darri er 17 ára og svo er það Willum Þór yngri sem er 18 ára. Sá eldri hefur komið við sögu hjá Blikum í Pepsi-deildinni í sumar.

Kolbeinn Þórðarson sem einnig er í byrjunarliðinu á sex leiki í Pepsi í sumar og Davíð Ingvarsson á einn.

Hilmar McShane sem er í byrjunarliðinu á metið sem yngsti leikmaður efstu deildar á Íslandi frá upphafi. Hann spilaði með Keflavík í deildinni 15 ára og 56 daga gamall 2014. Sá leikur er hans eini sem hann hefur leikið fyrir meistaraflokk í Íslandsmóti.

Góðan og gleðilegan dag.

2. flokkur Breiðabliks mætir pólska liðinu Legia Varsjá í Evrópukeppni unglingaliða á Kópavogsvelli í dag.

Þetta er fyrri viðureign liðanna í fyrstu umferð keppninnar en seinni leikurinn verður í Varsjá þann 18. október.

Siguvegarinn úr viðureigninni mætir svo Hammarby eða Ajax.

Breiðablik varð Íslandsmeistari í 2. flokki í fyrra en Páll Einarsson er þjálfari liðsins.