Nú kom Ólafur Valur með fyrirgjöf úr aukaspyrnu og Skagamann við það að komast í færi.

Það eru 10mín í leik hjá okkur og reyndar á öllum hinum völlunum líka og ekki laust við að það sé spenna í loftinu!

Það er hálftími í leik hjá okkur á Akranesi og bæði lið byrjuð að hita upp. Það er létt stemmning yfir mannskapnum.

Byrjunarliðin er klár og það eru engar breytingar hjá hvorugu liðinu. Liðin má sjá hér til hliðar.

Það eru geggjaðar aðstæður til að spila fótbolta á Akranesi í dag. Sól, nánast logn og ca 10 stiga hiti.

Dómari leiksins í dag er Pétur Guðmundsson og honum til aðsotðar eru þeir Jóhann Gunnar Guðmundsson og Oddur Helgi Guðmundsson. Varadómari er Einar Ingi Jóhannsson og eftirlitsmaður KSÍ er Guðmundur Sigurðsson

Fyrri leikur liðann í sumar fór fram 17.júlí á Ólafsvíkurvelli og þar höfðu heimamenn 1-0 sigur. Spurning hvort Skagamenn verða örlagavaldur Ólsara í Pepsi-deildinni þetta árið.

Þessi lið hafa mæst 15 sinnum í keppnum á vegum KSÍ og þar er allt í járnum. Skaginn hefur unnið 7, Ólsarar 6 og tvisvar hafa liðin gert jafntefli. Markatalan er 25-22 Skagamönnum í vil.

Það má segja að þessi leikur hérna og leikurinn í Eyjum eru einu leikirnir þar sem eitthvað er undir. Það er að sjálfsögðu ljóst að Valur er Íslandsmeistar 2017 og að FH og Stjarnan fara í Evrópu, bara spurning hvort liðið nær öðru sætinu. Svo beinast margra augu að leiknum í Grindavík þar sem Andri Rúnar er undir smásjánni útaf markametinu fræga. Ég hendi því að sjálfsögðu inní lýsinguna ef það gerist.

Lokaumferðin fer að sjálfsögðu öll fram á sama tíma núna kl 14:00 og hér má sjá hvaða leikir þetta eru. Og að sjálfsögðu allir í beinni textalýsingu hjá okkur á .net.

Beinar textalýsingar:
ÍA - Víkingur Ó.
ÍBV - KA
Grindavík - Fjölnir
Valur - Víkingur R.
FH - Breiðablik
KR - Stjarnan

Eins og talnaglöggir lesendur hafa áttað sig á nú þegar þá er ekki víst að það sé nóg fyrir Víking Ó að vinna hér í dag því þeir þurfa líka að treysta á að ÍBV vinni ekki sinn leik. Jafntefli hérna og tap hjá ÍBV dugar Ólsurum ekki heldur þar sem ÍBV er með mikð betra markahlutfall.

Það er hins vegar gríðarlega mikið undir í þessum leik hjá Víkingi Ó en þeir sitja í 11.sætinu fyrir þessa lokaumferð með 21 stig, einu stigi á eftir ÍBV sem mætir KA í Eyjum núna á sama tíma. Við munum að sjálfsögðu henda inn gangi mál þar líka.

Eins og alþjóð veit er Skaginn fallinn og spilar í Inkasso-deildinni næsta sumar en heimamenn vilja enda tímabilið vel og fara stemmdir inní veturinn. Þeir eru taplausir í síðustu fjórum leikjum og ljóst að þeir munu ekki gera gestunum neina greiða hérna í dag.

Góðan og gleðilegan laugardag kæru lesendur og velkominn í beina textalýsingu frá leik ÍA og Víkings Ó á Norðurálsvellinum á Akranesi.