Vilhjálmur Alvar sem var valinn dómari ársins hjá okkur á .net er dómarinn í dag og honum til aðstoðar eru þeir Birkir Sigurðsson og Smári Stefánsson.

B.O.B.A með Króla & JóaPé ómar hér í Krikanum. Gaman að segja frá því að ég ætla að smella mér á tónleika með þeim félögum í Gamla Bíó í kvöld.

Þó að spáin geti ræst markalega séð að þá er ólíklegt að markaskorarnir verði þeir sem Kristinn Freyr segir. Sérstaklega í ljós þess að Bergsveinn er ekki með í dag og Guðmundur Karl er á bekknum og hefur lítið komið við sögu í sumar, þannig lagað séð.

Kristinn Freyr Sigurðsson, leikmaður GIF Sundsvall og fyrrum leikmaður Vals er spámaður umferðarinnar á .net þessa vikuna. Hann spáir leik FH og Breiðabliks svona.

FH 3 - 1 Breiðablik
Guðmundur Karl setur tvö og baunabeggi eitt.

Blikar gera breytingar á sínu liði eftir leikinn á móti ÍBV. Hrvoje Tokic, Martin Lund Pedersen, Dino Dolmagic fara allir úr byrjunarliðinu. Kristinn Jónsson, Sveinn Aron og Willum koma svo allir inn í byrjunarliðið.

Byrjunarliðin eru komnin hér inn til hliðar. FH gerir tvær breytingar á liði sínu frá leiknum á móti Víking Ó. Bergsveinn Ólafsson tekur út leikbann og Bjarni Þór er á bekknum. Pétur Viðars kemur aftur inn í byrjunarliðið sem og Þórarinn Ingi.

Aðalspennan í þessari umferð er að sjálfsögðu hvort að Andri Rúnar Bjarnason ( Hashtagg #ARB99 )leikmaður Grindavíkur muni bæta eða jafna markametið. Hvort að ÍBV eða Víkingur Ó muni fylgja stórveldinu af Akranesi niður í Inkasso ástríðuna og svo hvort að FH muni fylgja eftir þeim árangri sem þeir eru búnir að ná á hverju ári síðan 2003 og það er að lenda í öðru eða fyrsta sæti úrvalsdeildar.

Leikurinn hefst kl. 14:00 að staðartíma. Veðrið úti gríðarfallegt, sól, léttskýjað og prýðisaðstæður til þess að spila fótboltaleik og skora nokkur fótboltamörk.

Góðan og blessaðan daginn kæru lesendur .net!

Síðasta umferð Pepsídeildar karla í knattspyrnu fer fram í dag sem þýðir að nú taka bara við 8 mánuðir af eymd og volæði. En fram að því ætlum við að fylgjast saman með leik FH og Breiðabliks