Nýja stúkan þétt setin og mikil stemmning.

Liðin eru að ganga inn á völlinn. Mikil spenna í loftinu.

Fara Bikarmeistararnir niður um deild eða verður þetta enn eitt árið sem þeir bjarga sér?

Byrjunarliðin eru mætt.

Markahrókurinn Gunnar Heiðar Þorvaldsson leiðir línuna hjá heimamönnum en þeir stilla upp óbreyttu liði frá því í ósigrinum gegn Breiðablik í síðustu umferð.

Gestirnir frá Akureyri gera nokkrar breytingar á sínu liði. Þar má nefna að Srdjan Rajkovic markvörður sest á bekkinn og stöðu hans tekur Aron Dagur Birnuson sem er að spila sinn fyrsta leik í Pepsi deildinni. Steinþór Freyr Þorsteinsson fer einnig á tréverkið en í hans stað kemur Ásgeir Sigurgeirsson.

Þess má geta að KA menn eru einungis með 4 varamenn af 7 á bekknum.

Stutt er í að við fáum byrjunarliðin.

Fólk úti í bæ hefur verið að ræða um þjálfara beggja liða en sögur ganga að störf þeirra beggja gætu losnað fyrr en síðar.

Ég sjálfur hef ekkert fyrir mér í þeim efnum en við fáum sennilega skýrari mynd á það að leik loknum.

Fyrir leik eru heimamenn í 10. sæti deildarinnar með einu stigi meira en Víkingar frá Ólafsvík sem verma það 11. svo ljóst er að mikil er undir í þessum lokaleik sumarsins.

Mótherjar ÍBV í dag sitja í þægilegri stöðu í 5. sæti á meðan Víkingar Ó. fara á Skagann og mæta þar liði heimamanna sem nú þegar hefur tryggt sér sæti í Inkasso að ári.

Góðan daginn og verið velkomin í beina textalýsingu frá leik ÍBV og KA frá Hásteinsvelli.