Þjóðsöngvarnir hafa hljómað og allt er að verða klárt.

Sandra María Jessen fer því væntanlega á bekkinn.

Við vorum að fá tíðindi af því að Fanndís Friðriksdóttir getur ekki hafið leikinn. Agla María mun byrja í hennar stað.

Fanndís mun hafa tognað í upphituninni.

Liðin voru að ljúka upphitun og eru komin inn í klefa. Það eru allavega fjórir stuðningsmenn Íslands mættir til Znojmo og taka sig vel út í fánalitunum.

Byrjunarlið Tékka er klárt. Ekkert óvænt. Direct 4-4-2 í boði gamla varnarjaxlsins Karel Rada.

Gyöngyi Gaál dómari leiksins í dag er þekkt fyrir ein stærstu dómaramistök sem þekkjast í boltanum. Hún lét leik á HM 2011 halda áfram þrátt fyrir að leikmaður Miðbaugs Gíneu hafi gripið boltann í eigin teig á móti Ástralíu. Hún baðst síðar afsökunar á þessu en myndbandið segir allt.

50 mínútur í leik. Fínasta fótboltaveður. 12 gráður, skýjað og örlítil gola.

Íslenska byrjunarliðið er klárt og það kemur kannski ekki á óvart að Freyr heldur sig við sama lið og vann Þýskaland á föstudag:

14: 23. Íslenska liðið var að detta í hús undir nettum tónum Dr. Dre og Ice Cube, Straight outta Compton úr græjunum hennar Hallberu.

Þær virkuðu einbeittar að sjá og tilbúnar í tuskið:

Myndir: Landsliðið er mætt á keppnisvöllinn

Dómari leiksins kemur frá Ungverjalandi og heitir Gyöngyi Gaál. Hún er reynslubolti, 42 ára gömul og hefur verið FIFA-dómari í 15 ár.

Henni til aðstoðar verða samlöndur hennar þær Judit Kulcsár og Katalin Török. Fjórði dómarinn er Tékkinn Jana

Ísland hefur mætt Tékklandi tvisvar í A-landsleik. Það voru leikir í undankeppni HM 2007. Fyrri leikurinn var spilaður í Tékklandi í september 2005 og þá vann Tékkland 1-0.

Síðari leikurinn fór fram tæpu ári síðar á Íslandi og aftur unnu Tékkar. Í þetta skiptið 4-2. Þær Margrét Lára Viðarsdóttir og Ásthildur Helgadóttir skoruðu mörkin. Guðbjörg Gunnarsdóttir aðalmarkvörður Íslands í dag sat á bekknum í þessum leik en annars hafa engir leikmenn í núverandi leikmannahópi Íslands mætt Tékkum í A-landsleik.

Auk A-landsleikjanna hafa þjóðirnar mæst fjórum sinnum í yngri landsliðum og aðeins einu sinni hefur Íslandi tekist að sigra. Það var árið 2003 en þá vann íslenska U19 ára liðið 1-0 sigur. Það var engin önnur en Sif Atladóttir, þáverandi sóknarmaður og núverandi varnarjaxl, sem skoraði sigurmarkið á lokamínútum leiksins.

Maðurinn í brúnni hjá Tékkum er fyrrum landsliðsvarnarjaxlinn Karel Rada. Hann tók við liðinu fyrr á árinu en hann lék á sínum tíma 43 landsleiki og vann til silfurverðlauna á Evrópumótinu 1996.

Flestir leikmenn tékkneska liðsins spila í heimalandinu. Þar hafa tvö lið verið sigursælust allra, Slavia Prag og Sparta Prag, og tékknesku landsliðskonurnar leika allar í félögunum tveimur nema tveir leikmenn sem spila í Þýskalandi. Varnarmaðurinn Jana Sedlá

Flautað verður til leiks hér í Znojmo kl.16:00 að íslenskum tíma en 18:00 að staðartíma.

Leikið verður á Mestský stadion sem einnig er þekktur sem Znojmo leikvangurinn. Hann tekur 2.599 áhorfendur en á honum hefur aldrei áður verið leikið í undankeppni stórmóts.

Stelpurnar létu vel að vellinum eftir æfingu Íslands í gær og sögðu hann jafnvel enn betri en völlinn í Þýskalandi. Eftir smá vökvun ætti hann að vera í toppgæðum.

Góðan dag og velkomin í beina textalýsingu frá leik Íslands og Tékklands í undankeppni Heimsmeistaramótsins 2019.

Um er að ræða þriðja leik Íslands í kepnninni en liðið hefur byrjað undankeppnina frábærlega og unnið tvo fyrstu leiki sína. Fyrst Færeyjar 8-0 og svo Þýskaland 3-2 eins og frægt er orðið.

Andstæðingar okkar frá Tékklandi hafa þegar leikið þrjá leiki. Þær unnu Færeyjar 8-0 og töpuðuð svo naumlega fyrir Þýskalandi 1-0. Á föstudag unnu þær svo Slóveníu 4-0.