Þjóðsöngvarnir að baki. Báðir langir en mjög ólíkir, eins og þessi tvö lið sem mætast hér í kvöld! Allt að verða klárt. Katarar alhvítir og við albláir.

Einn besti miðjumaður sem fótboltinn hefur litið er meðal áhorfenda í kvöld, Xavi sem gerði garðinn svo sannarlega frægan með Barcelona. Hann spilar í dag í Katar en mun leggja skóna á hilluna eftir tímabilið. Nánar um það hérna.

Fréttamaður frá Katar spyr hvort það sé satt að Heimir Hallgrímsson skelli sér á pöbbinn fyrir alla heimaleiki og tali við stuðningsmenn.

Þjálfari Katar getur varla gert það enda eru einfaldlega ekki pöbbar hérna í Doha þar sem áfengisdrykkja er ekki vel séð!

Ísland hefur aldrei leikið gegn Katar áður svo við skráum þetta niður sem sögulegan leik! Við hvetjum fólk til að vera með okkur á Twitter með kassamerkinu #fotboltinet en valdar færslur verða birtar hér.

Alfreð er ekki skráður á skýrslu svo það er alveg pottþétt að hann kemur ekki við sögu í dag. Aron Einar er á skýrslu og er að taka þátt í upphitun í þessum skrifuðu orðum. Jafnvel að hann taki örfáar mínútur? Hann gat tekið þátt í æfingu í gær.

Varnarlínan og byrjunarliðsmarkvörðurinn er eins og við spáðum. 4-5-1. Gylfi Þór Sigurðsson er með fyrirliðabandið. Rúrik og Arnór eru á köntunum og Viðar Örn Kjartansson í fremstu víglínu.

Uppleggið hjá okkur er víst að pressa stíft í fyrri hálfleiknum.

Strákarnir okkar mættir út á völl. Diego Jóhannesson er að spjalla við Felix Sanchez, þjálfara Katar, sem er einmitt Spánverji.

Það þarf ekki að spyrja að því. Það er huggulegt veður í Doha. Leikmenn Katar eru mættir út á völl að skoða aðstæður og spjalla nú þegar klukkutími og 23 mínútur eru í leik

Í heimsókn minni í höfuðstöðvar knattspyrnusambands Katar á dögunum var mér sagt að fylgjast vel með Akram Afif, sóknarmanni Katar. "Vonandi skorar hann á móti ykkur," sagði hann Matthias sem sá um að taka á móti okkur, og brosti svo breitt. Afif er tvítugur sóknarmaður sem er á mála hjá Eupen í Belgíu á láni frá Villarreal.

Katarar eru með hraða og tækni. Það má segja að leikstíllinn sé nokkuð spænskur enda Spánverji við stjórnvölinn, Felix Sanchez.

Katar er með áhugavert landslið. Í þessu moldríka landi var stofnuð akademía þegar ljóst var að Katar myndi halda HM 2022. Þjóðin hefur aldrei tekið þátt í HM og þessi akademía, Aspire, á að stuðla að því að landslið Katar verði samkeppnishæft þegar stóra stundin rennur upp.

Strákarnir okkar hafa haft það ljómandi gott í sólinni hér í Doha. Menn hafa fengið góðan tíma til að njóta lífsins á milli þess sem æfingar og fundir hafa verið í gangi.

Þeir sem hafa verið að bera uppi spiltíma íslenska liðsins í undankeppninni eru lítið að spila í þessu landsleikjahléi. Þeir leikmenn sem eru í harðri baráttu um að vera í hópnum fyrir HM í Rússlandi spila meira.

Helgi Kolviðs um næstu andstæðinga Íslands, Katar. #fotboltinet pic.twitter.com/iPGPwpRhi2

— Fótbolti.net (@Fotboltinet) November 12, 2017

Leikurinn fer fram á hinum margrómaða Abdullah bin Nasser bin Khalifa leikvangi. Á þessum sama velli tapaði Ísland 1-2 fyrir Tékklandi í vináttulandsleik í síðustu viku. Kjartan Henry Finnbogason skoraði fyrir Ísland.

Tékkar unnu svo Katar 1-0 á sunnudaginn.

Heil og sæl! Hér verður bein textalýsing frá Doha í Katar þar sem íslenska landsliðið mætir heimamönnum í vináttulandsleik sem hefst 16:30 að íslenskum tíma en 19:30 að staðartíma.