Þjóðsöngvarnir hafa verið leiknir og leikmennirnir gera sig tilbúna. Þetta er að hefjast!

Leikmenn liðanna ganga inn á völlinn með Ted frænda í fararbroddi (ætlast til að allir fatti þetta grín). Íslenska liðið leikur í sínum fallegu bláu búningum. Ég er að elska búninginn, hann er fagur á velli.

Liðin eru lesin upp. Einhver Kani las nöfn íslenska liðsins með hörmulegum framburði. Perú fékk einhvern alvöru mann til að lesa upp sína menn á spænsku með stemningu. Það er skandall að Röddinni hafi ekki verið flogið út!

Bandaríski þjóðsöngurinn spilaður fyrir leik. Á Perú - Ísland. Að sjálfsögðu. Við erum í Bandaríkjunum. Vonandi verða samt þjóðsöngvar liðanna sem eru að spila líka leiknir. Fimm mínútur í að leikur eigi að hefjast!

Ísland tapaði 3-0 fyrir Mexíkó í Kaliforníu síðastliðinn föstudag. Þau úrslit gáfu að mínu mati alls ekki rétta mynd af leiknum og margt jákvætt var í spilamennskunni. Vonandi ná strákarnir einfaldlega góðum leik í kvöld, það væri jákvætt. Sömuleiðis er gott ef Heimir og Helgi Kolviðs fá svör við þeim spurningum sem þeir velta fyrir sér - þetta er síðasti séns fyrir ákveðna menn til að sanna sig!

Núna er verið að spila einhver ógeðslega léleg lög frá Perú í hljóðkerfinu. Ég vil helst fá Sálina eða Emmsjé Gauta aftur.

Það eru hins vegar nokkur þekkt nöfn í liði Perú. Hver kannast ekki við Jefferson Farfan, sem lék með Schalke við góðan orðstír. Hann spilar í dag með Lokomotiv Moskvu í Rússlandi.

Jæja, þá er byrjunarlið Perú einnig komið. Þeir eru án síns besta manns, Paolo Guerrero, sem féll á lyfjaprófi vegna kókaínneyslu. Bannið hans var hins vegar stytt þannig að hann nær HM.

Næsta lag á dagskrá er Sódóma! Ég er að elska þetta!

Ég fullyrði að þetta er í fyrsta skiptið sem Reykjavík með Emmsjé Gauta er blastað á Red Bull Arena. Vonandi er hann að ca$ha inn góðum STEF-gjöldum fyrir þetta.

Íslensku markverðirnir eru byrjaðir að hitta upp. Siggi Dúlla er mættur út líka sem og landsliðsþjálfarinn Heimir. Mikið er gott að sjá þessa menn aftur, ég var farinn að sakna þeirra.

Íslenska byrjunarliðið má sjá hér til hægri. Frederik Schram fær sénsinn í markinu. Hjörtur Hermannsson kemur inn í vörnina, sjálfsagt í hægri bakvörðinn með Ragnar Sigurðsson og Jón Guðna Fjóluson í miðverðinum. Ólafur Ingi Skúlason er fyrirliði.

Jæja, eftir langa röð og smá óvissuferð upp á 6. hæð er maður loksins mættur í blaðamannaaðstöðuna. Stúkan er enn nokkuð tóm, enda eru áhorfendur að skemmta sér konunglega fyrir utan. En sjálfsagt kemur hún til með að fyllast núna á næstunni, enda uppselt.

Bandaríkjamaðurinn er heldur illa skipulagður og blaðamenn þurfa að bíða ótrúlega lengi í röð eftir að komast inn á leikvanginn. En við stefnum á að ná í tæka tíð.

Stemningin fyrir utan Red Bull Arena er gríðarlega góð! Perú-menn eru hressir og kátir, grilla á bílastæðinu og hlusta á tónlist líkt og mexíkóskir kollegar þeirra. Virkilega skemmtilegt! Hef ekki enn fundið Íslending.

Spilar í ensku úrvalsdeildinni í hverri viku og er á leið á HM. Óhætt er að segja að Jói Berg sé að upplifa draum allra ungra fótboltastráka! #fotboltinet pic.twitter.com/0biiR7xSgY

— Fotbolti.net (@Fotboltinet) March 26, 2018

Hafliði Breiðfjörð átti gott spjall við landsliðsþjálfarann Heimi Hallgrímsson á æfingu í gær. Mælum með því að fólk horfi á það viðtal með því að smella hérna.

Það hefur aðeins kvarnast úr íslenska hópnum sem mætti til Bandaríkjanna. Ljóst var að Aron Einar Gunnarsson, Samúel Kári Friðjónsson og Albert Guðmundsson myndu aðeins spila gegn Mexíkó.

Þá eru Hörður Björgvin Magnússon, Jón Daði Böðvarsson og Kolbeinn Sigþórsson enn á meiðslalistanum og taka ekki þátt í þessum leik.

Þetta er í fyrsta skipti sem þjóðirnar mætast en Perú er eitt af betri landsliðum heims og situr sem stendur í 11. sæti heimslista FIFA.

Perú, sem einnig er á leið á HM, er í riðli með Áströlum, Dönum og Frökkum í sumar og verður leið þeirra í 16-liða úrslitin erfið. Perú tekur þátt á HM í fyrsta skipti í 35 ár.

Andre Carrillo og Edison Flores skoruðu mörk Perú þegar liðið vann Króatíu 2-0 í vináttuleik í síðustu viku.

Þetta er síðasti landsleikur Íslands áður en Heimir Hallgrímsson velur lokahópinn sem halda mun til Rússlands í sumar.

Heil og sæl! Verið velkomin í beina textalýsingu frá New York þar sem Ísland mun leika vináttulandsleik gegn Perú. Leikurinn kemur í kjölfarið á 3-0 tapi gegn Mexíkó í Kaliforníu en þrátt fyrir úrslitin vilja leikmenn Íslands ekki mála þann leik of dökkum myndum.