Bæði lið tefla fram nokkuð ungum liðum í dag, meðalaldur beggja liða u.þ.b. 23 ár

Byrjunarliðin eru komin inn en þau má sjá hér til hliðar.

Aðstæðurnar hér í Hafnarfirðinum eru ágætar í dag, það er hlýtt en töluverður vindur eins og tíðkast oft hér á Ásvöllum.

Þess má geta að Vestri hefur nú þegar leikið einn leik í Mjólkurbikarnum í ár en þá unnu þeir Kónganna, það var ekki mikill kónga-bragur á þeim síðarnefndu í leiknum, leikmenn Vestra skoruðu hvorki meira né minna en 18 mörk í þeim leik!
Haukar leika sinn fyrsta leik í keppninni í ár en þeir koma inn strax í 2.umferð.

Heimamenn í Haukum fóru í 32-liða úrslit keppninnar í fyrra. Vestri datt þá út strax í fyrstu umferð, bæði lið vilja því væntanlega gera örlítið betur í ár.

Haukar munu leika í Inkasso-deildinni í sumar, næstefstu deild íslenska boltans á meðan gestirnir að vestan munu spila í deildinni fyrir neðan. Leikurinn í dag því góð upphitun fyrir komandi átök liðanna í deildarkeppninni.

Komiði sæl og blessuð og gleðilegt sumar! Býð ykkur hjartanlega velkomin í beina textalýsingu frá leik Hauka og Vestra í 2.umferð Mjólkurbikarsins.