Vallarþulurinn heldur áfram að fara á kostum, býður fólk velkomið á "heimavöll hamingjunnar". Ég veit nú ekki hvaða meistari þetta er en hann gerir strax tilkall í vallarþul ársins.

Tryggvi Guðmundsson markahrókur og goðsögn spáir 2-1 sigri Víkinga: "Vikesararnir eru komnir með markmanninn sem þeir hafa verið að leita að lengi en maður veit ekkert hvað hann getur. Það er oft kalt á milli þessara liða. Þetta eru þrjú stig sem Víkingur verður að taka ef þeir ætla sér einhverja hluti."

Mætingin á fyrstu umferð deildarinnar hefur hreinlega verið geggjuð! Vonandi fáum við fulla stúku hér í Fossvoginum. Fylkismenn ættu að vera vel peppaðir, mættir aftur í deild þeirra bestu.

Áhorfendur eru byrjaðir að koma sér fyrir. Björn Már Ólafsson, dáðasti sérfræðingur landsins um ítalskan fótbolta, er búinn að fara í grillvagninn og fá sér einn sveittan börra.

Vallarþulurinn er greinilega hörku plötusnúður. Spilar fjölbreytta tónlist, flest lögin þó í rokkaðri kantinum. Henti í Prins Póló áðan. Mjög hentugt fyrir þá sem voru sofnaðir þegar Prins Póló hélt tónleika í gærkvöldi.

Völlurinn hjá Víkingum lítur ekkert of vel út og guli liturinn nánast meira áberandi en sá græni! Ég reikna með því að kappið beri fegurðina ofurliði í kvöld og við séum að fara að horfa á mikinn baráttuleik. Það þarf samt ekkert að vera neikvætt! Við höldum í jákvæðnina gott fólk.

Hjá Fylki er Jonathan Glenn geymdur á bekknum. Ragnar Bragi Sveinsson byrjar gegn sínum gömlu félögum. Árbæingar hafa verið rólegir á leikmannamarkaðnum og nánast allir í byrjunarliðinu eru uppaldir Fylkismenn.

Byrjunarliðin eru komin inn. Víkingar hafa verið í markmannsvandræðum en fengu Aris Vaporakis lánaðan úr dönsku B-deildinni og hann ver mark liðsins í kvöld.

Í fremstu víglínu er Rick Ten Voorde en þessi hollenski sóknarmaður sem kom í vetur á að fylla skarðið sem Castillion skildi eftir sig. Rikki Té er hann kallaður í Fossvoginum og verður hann einnig kallaður það í þessari textalýsingu!

Sölvi Ottesen er greinilega ekki heill. Hann er ekki í leikmannahópnum en er skráður í liðsstjórn.

Ásgeir Börkur er líklegur til að láta til sín taka í kvöld!

Ásgeir Börkur saknar Óla Þórðar alveg hrikalega mikið #fotboltinet pic.twitter.com/DGeQZMhDw6

— Fotbolti.net (@Fotboltinet) April 26, 2018

Fylkismenn voru í Inkasso-deildinni í fyrra en eru komnir aftur í deild þeirra bestu.

"Það er hugur og kraftur í Fylkismönnum" segir Logi Ólafsson þjálfari Víkinga en Árbæingar koma í heimsókn á laugardagskvöld #fotboltinet pic.twitter.com/PMMx8mFAss

— Fotbolti.net (@Fotboltinet) April 26, 2018

Velkomin í beina textalýsingu frá Fossvoginum þar sem Víkingur og Fylkir eigast við í síðasta leik 1. umferðar Pepsi-deildarinnar. Liðunum er spáð 11. og 10. sæti í deildinni og búast má við jöfnum og áhugaverðum leik.

Nær Helgi Sigurðssonm, sem er á sínu fyrsta ári sem aðalþjálfari í efstu deild, ná að stríða reynsluboltanum Loga Ólafssyni?