Jæja, er mættur á völlinn og það er gleði við völd. Leikurinn fer fram á gervigrasvellinum en ekki aðalvellinum. Verið að vernda aðalvöllinn fyrir komandi átök í Inkasso-deildinni. Ég textalýsi því úr bílnum mínum sem ég lagði við hliðarlínuna. Það er bara stemning í því! Lofa að flauta alltaf þegar það koma mörk!

Byrjunarliðin eru mætt og hægt að sjá hér til hliðanna. Stefán Logi Magnússon er í markinu hjá Selfyssingum. Heldur betur happafengur fyrir Selfyssinga að fá hann í markið.

Þetta eru 32-liða úrslit Mjólkurbikarsins.

Vilhjálmur Alvar dæmir leikinn í kvöld en hann var valinn besti dómari Íslandsmótsins í fyrra af Fótbolta.net.

Selfoss vann Gróttu í vítaspyrnukeppni í síðustu umferð keppninnar. Ég hef á tilfinningunni við gætu verið á leið í framlengingu í kvöld einnig! ÍA vann 8-0 sigur á ÍH í síðustu umferð. Steinar Þorsteinsson, sem er fæddur 1997, skoraði fernu í þeim leik.

Selfyssingar voru kynntir til leiks í spá þjálfara og fyrirliða í dag. Þeim er spáð 5. sæti. Lestu umfjöllun um Selfossliðið hérna. Skagamenn féllu úr Pepsi-deildinni í fyrra og líklegt verður að teljast að þeim verði spáð efsta sætinu enda ekki miklar mannabreytingar á hópnum. Það er þó kominn nýr þjálfari, Jóhannes Karl Guðjónsson, en hann var valinn þjálfari ársins í Inkasso-deildinni í fyrra. Náði þá að stýra HK í 3.-4. sæti deildarinnar.

Fótbolti.net heilsar frá Kaffi Krús á Selfossi. Framundan er bikarleikur af bestu gerð, Inkasso-deildarliðin Selfoss og ÍA eigast við. Verið er að næra sig fyrir átökin. Bleikja á Kaffi Krús, klikkar ekki.