Malen, Maguire, Rashford, Greenwood, Yoro, Eriksen og fleiri góðir í slúðri dagsins
Haukar
1
0
Þór
Enok Eiðsson '17 1-0
26.05.2012  -  14:00
Ásvellir
1. deild karla
Aðstæður: Mikið rok á annað markið.
Dómari: Valgeir Valgeirsson
Maður leiksins: Gunnlaugur Fannar Guðmundsson (Haukar)
Byrjunarlið:
Hilmar Trausti Arnarsson
7. Sigurbjörn Hreiðarsson
16. Aron Freyr Eiríksson ('83)
17. Gunnlaugur F. Guðmundsson
22. Alexander Freyr Sindrason (f)

Varamenn:
1. Magnús Þór Gunnarsson (m)
3. Stefnir Stefánsson
11. Magnús Páll Gunnarsson ('74)
22. Björgvin Stefánsson

Liðsstjórn:

Gul spjöld:
Daði Lárusson ('77)
Hilmar Trausti Arnarsson ('74)

Rauð spjöld:
Fyrir leik
Hér verður bein textalýsing frá leik Hauka og Þórs í fyrstu deildinni.
Fyrir leik
Þór er fyrir leikinn á toppnum með sex stig eftir tvær umferðir en Haukar hafa fjögur stig. Þór hefur unnið bæði Leikni og Þrótt á heimavelli á meðan Haukar unnu Tindastól í fyrsta heimaleik og gerðu jafntefli við Hött á útivelli.
Fyrir leik
Byrjunarliðin eru klár og þau má sjá hér að neðan. Hjá Haukum eru Valur Fannar Gíslason, Sverrir Garðarsson, Guðmundur Viðar Mete og Viktor Unnar Illugason allir fjarverandi.
Fyrir leik
Hjá Þór er Kristinn Þór Björnsson óvænt á bekknum þrátt fyrir að hafa skorað tvö í bikarleik gegn KF í vikunni. Þá er Andri Hjörvar Albertsson í vörninni eftir að hafa misst af fyrstu tveimur leikjunum í deildinni vegna leikbanns.
Fyrir leik
Guðmundur Viðar Mete hefur ekkert spilað með Haukum í sumar vegna meiðsla. Valur Fannar og Sverrir Garðarsson léku í hjarta varnarinnar í síðasta leik Hauka gegn Hetti en þeir eru eins og fyrr segir báðir frá í dag. Það vantar því þrjá miðverði í lið Hauka í dag.
Arnar Daði Arnarsson
Fyrir leik
Leikurinn fer að hefjast. Ótrúlegt en satt þá er rok á Ásvöllum, en vindurinn hallar ferkar á annað markið.
1. mín
Leikurinn er hafinn. Þórsarar leika með vindinn í bakið í fyrri hálfleik.
3. mín
Hilmar Trausti Arnarsson á aukaspyrnu sem Srdjan Rajkovic á í vandræðum með. Rajkovic missir boltann út í teiginn á Alexander Freyr Sindrason en skot hans fer framhjá.
6. mín
Ólafur Jóhannesson, þjálfari Hauka, er mættur á bekkinn en hann missti af fyrstu leikjum mótsins vegna veikinda.
7. mín
Haukar byrja leikinn af talsvert meiri krafti.
16. mín
Vindurinn spilar þónokkuð stórt hlutverk hér í dag. Jóhann Helgi Hannesson átti til að mynda í mestu vandræðum með að ná langri sendingu upp vinstri kantinn áðan þar sem að vindurinn jók hraðann á boltanum mikið.
17. mín MARK!
Enok Eiðsson (Haukar)
Haukar komast yfir með glæsilegu marki! Enok Eiðsson tók boltann á "kassann" í vítateigsboganum og smellti honum viðstöðulaust á lofti með vinstri fæti í bláhornið. Frábært mark hjá Enok!
25. mín
Þórsarar eru aðeins farnir að sækja í sig veðrið en þeir hafa ekki náð að skapa sér góð færi ennþá.
30. mín
Einn annar leikur er á dagskrá í fyrstu deildinni í dag en þar mætast BÍ/Bolungarvík og Tindastóll. Max Touloute er búinn að koma Stólunum yfir þar.
36. mín
Besta færi Þórsara í leiknum. Sigurður Marinó Kristjánsson á aukaspyrnu sem fer yfir alla á teignum og á Orra Frey Hjaltalín en skot hans fer framhjá.
38. mín
Tindastólsmenn eru komnir í 2-0 á Ísafirði, fyrsti sigur Stólanna í augnsýn.
43. mín
Enok fær dauðafæri til að bæta við öðru markinu. Vikto Smári Segatta fór illa með Janez Vrenko og komst upp að endamörkum. Þar sendi hann boltann út í teiginn á Enok sem var einn og óvaldaður en skot hans fór framhjá.
43. mín Gult spjald: Janez Vrenko (Þór )
Valgeir Valgeirsson spjaldar Vrenko eftir sóknina en hann reyndi að toga Viktor Smára niður.
45. mín
Valgeir hefur flautað til leikhlés en Haukar leiða 1-0 eftir glæsilegt mark hjá Enok Eiðssyni. Þónokkuð jafnræði hefur verið með liðunum í fyrri hálfleiknum en Haukar munu nú hafa vindinn í bakið næstu 45 mínúturnar.
46. mín
Síðari hálfleikurinn er hafinn og liðin eru óbreytt.
55. mín
Engin færi hafa litið dagsins ljós í síðari hálfleiknum. Á Ísafirði eru Tindastólsmenn komnir í 3-0 gegn BÍ/Bolungarvík, Þórður Ingason markvörður heimamanna með sjálfsmark!
62. mín
Viktor Smári Segatta með fínt sko en Srdjan Rajkovic slær boltann alla leið í innkast.
63. mín
Inn:Ármann Pétur Ævarsson (Þór ) Út:Robin Strömberg (Þór )
63. mín
Inn:Kristinn Þór Björnsson (Þór ) Út:Sigurður Marinó Kristjánsson (Þór )
Páll Viðar Gíslason, þjálfari Þórs, gerir tvöfalda breytingu. Ármann Pétur fer í ,,holuna" og Jóhann Helgi Hannesson fer af vinstri kantinum og í fremstu víglínu. Kristinn Þór Björnsson fer á vinstri kantinn.
63. mín
Pétur Georg Markan minnkar muninn fyrir BÍ/Bolungarvík, 1-3 fyrir vestan.
67. mín
Aron Jóhannsson á þrumuskot fyrir utan teig en Srdjan Rajkovic slær boltann í horn.
72. mín
Það er nóg af mörkum á Ísafirði, Atli Arnarson var að koma Tindastólsmönnum í 4-1!
74. mín
Inn:Magnús Páll Gunnarsson (Haukar) Út:Enok Eiðsson (Haukar)
Markaskorarinn lýkur keppni!
74. mín Gult spjald: Hilmar Trausti Arnarsson (Haukar)
77. mín Gult spjald: Daði Lárusson (Haukar)
Kristinn Þór Björnsson á skot hátt yfir úr aukaspyrnu. Daði Lárusson nær í boltann í stað þess að fá annan bolta sem er í nágrenninu. Valgeir spjaldar Daða fyrir að tefja og markvörðurinn lætur boltakrakkana heyra það.
79. mín Gult spjald: Orri Freyr Hjaltalín (Þór )
Valgeir er kominn í ham og hann spjaldar Orra Frey fyrir kjaftbrúk.
80. mín
Hilmar Trausti Arnarsson á hornspyrnu sem er nálægt því að fara inn en Orri Freyr bjargar á síðustu stundu. Haukar vildu fá hendi á Orra Frey en Valgeir dæmdi markspyrnu! Hilmar skoraði beint úr horni gegn Tindastóli í fyrstu umferð og var nálægt því að endurtaka leikinn þarna.
81. mín Gult spjald: Guiseppe P Funicello (Þór )
Valgeir nennir ekki spjalli um daginn og veginn og hann spjaldar núna Guiseppe ,,Joe" Funicello fyrir kjaft!
83. mín
Inn:Anton Bjarnason (Haukar) Út:Aron Freyr Eiríksson (Haukar)
84. mín Gult spjald: Kristinn Þór Björnsson (Þór )
Fimmta gula spjaldið á tíu mínútna kafla.
86. mín
Viktor Smári hefur verið ógnandi í dag og hér á hann skot rétt framhjá utarlega úr teignum hægra megin.
88. mín
Haukar eru líklegri til að bæta við en Þórsarar að jafna og Anton Bjarnason á hörkuskot sem fer yfir.
89. mín
Inn:Kristján Steinn Magnússon (Þór ) Út:Ingi Freyr Hilmarsson (Þór )
90. mín
Guiseppe ,,Joe" Funicello skallar framhjá eftir aukaspyrnu Þórsara. Allt stefnir í sigur Hauka.
90. mín
Þórsarar vilja vítaspyrnu og eru æfir!! Sveinn Elías fellur í teignum en Valgeir dæmir ekkert. Halldór Áskelsson aðstoðarþjálfari Þórs mótmælir ákaft á hliðarlínunni.
Leik lokið!
Leiknum er lokið með 1-0 sigri Hauka í rokleik á Ásvöllum. Enok Eiðsson skoraði eina markið með glæsilegu skoti í fyrri hálfleik. Nánar verður fjallað um leikinn hér á Fótbolta.net síðar í dag.
Byrjunarlið:
Sveinn Elías Jónsson
Orri Freyr Hjaltalín
Andri Hjörvar Albertsson
5. Atli Jens Albertsson
9. Jóhann Helgi Hannesson (f)
10. Sigurður Marinó Kristjánsson ('63)
13. Ingi Freyr Hilmarsson ('89)
15. Janez Vrenko

Varamenn:
6. Ármann Pétur Ævarsson ('63)
11. Kristinn Þór Björnsson ('63)
17. Halldór Orri Hjaltason
21. Kristján Páll Hannesson

Liðsstjórn:
Kristján Steinn Magnússon

Gul spjöld:
Kristinn Þór Björnsson ('84)
Guiseppe P Funicello ('81)
Orri Freyr Hjaltalín ('79)
Janez Vrenko ('43)

Rauð spjöld: