5 mínútur í leik og liðin ganga inn á völlinn undir laginu Hells Bells með AC/DC virkilega ánægður með þetta lagaval.

ÍR skarta frábærum svörtum varabúningum þrátt fyrir að vera á heimavelli á meðan FH eru í sínum klassísku svörtu og hvítu búningum.

Byrjunarliðin dottin í hús, ekki margt sem kemur á óvart þar. FH með ógnarsterkt lið þó að menn á borð við Gunnar Nielsen, Steven Lennon og Davíð Þór séu hvíldir. Það verður gaman að fylgjast með Jónatan Inga Jónssyni hér í dag en hann mun leika sinn fyrsta alvöru leik frá því hann kom frá AZ Alkmar.

Hjá ÍR eru helstu fréttirnar þær að Ström vélin byrjar á tréverkinu. Hvet fólk til að fylgjast með Óskari Jónssyni og Mána Austmann hér í dag, virkilega skemmtilegir leikmenn og það verður gaman að sjá þá spreyta sig á móti FH.

ÍR er á heimavelli hér í dag, það verður að teljast athyglisvert að þegar lið í Inkasso deildinni fær jafn stóran klúbb og FH í heimsókn að geta ekki nýtt þennan leik betur í að peppa sumarið á sínum eigin heimavelli frekar en Egilshöllinni.

Bæði lið hafa gengið í gegnum miklar breytingar á undirbúningstímabilinu. FH hafa verið leita út fyrir landsteinanna og bætt við sig þekktum stærðum bæði íslenskum og erlendum. Á meðan hafa ÍR fengið marga leikmenn á láni frá liðum úr Pepsi deildinni.

ÍR hefur komist í gegnum fyrstu tvær umferðir bikarsins með 1-0 sigrum á Ægi og Augnablik. FH var hinsvegar í fyrsta skipti í pottinum núna þegar dregið var í 32 liða úrslit.

Góðan daginn og verið velkomin í beina textalýsingu frá leik ÍR og FH í 32 liða úrslitum Mjólkurbikarsins.

Leikið er á vinsælasta velli landsins um þessar mundir Egilshöllinni þar sem ÍR völlurinn virðist ekki vera klár í átök sumarsins.