Liðing ganga inn á völlin með minnsta Breiðhylting landsins Emmsjé Gauta í græjunum. Vertu úti Gauti. Maggi skólastjóri kynnir liðin. Hvað getur þessir maður ekki!

Víkingasvetin er mætt í öllu sínu veldi með fána og allt saman, það er ekki kajftur af ÍR-ingum í stúkunni.

10 mín í leik, liðin eru að ljúka upphitun og sú gula er aðeins farin að láta sjá sig. Maggi skjólastjóri er að stjórna öllu utan vallar eins og honum einum er lagið.

Byrjunarliðin eru dottin í hús. Hjá Ólafsvík er lítið sem kemur á óvart. Ingibergur Kort sem er nýgenginn til liðs við liðsins frá Fjölni á láni kemur beint inn í liðið. Annars er allt samkvæmt bókinni hjá Ejub.

Binni Gests gerir þrjár breytingar frá 5-0 tapinu við FH í Mjólkurbikarnum. Gísli Martin sem meiddist í þeim leik er ekki í hóp og Brynjar Óli og Aron Ingi setjast á bekkinn. Inn koma Björgvin Stefán, Teitur Péturs og Nile Walwyn landsliðsmaður frá St. Kitts mun leika sinn fyrsta leik hér í dag.

Leikið er á gervigrasinu á ÍR vellinum í dag því miður. Er ekki frá því að ég sé kominn á #teamgervigras, óþolandi að ekki sé hægt að nýta þessa aðalvelli.

#inkassodeildin leikur a morgun, en svona leit völlurinn okkar ut i morgun ;-) Leikurinn fer fram a gervigrasinu

A post shared by ÍR fótbolti (@irfotbolti) on May 4, 2018 at 9:38am PDT

Oliver Sigurjónson miðjumaður Breiðabliks var spámaður 1. umferðar hjá Fótbolta.net, þetta hafði hann að segja um leikinn:

ÍR 1- 2 Víkingur Ó
ÍR þrýsta inn marki eftir assist frá Óskari Jóns. King Ejub lætur alla heyra það á vellinum, þar á meðal dómara og andstæðinga og þeir vinna comeback sigur.

Eins og venjulega mæta Víkingar með breytt lið frá síðasta tímabili. Ejub er að byrja en eitt tímabilið hjá Víkingum og ég bíð ennþá eftir að það verði reist stytta af honum fyrir utan Ólafsvíkurvöll.

Margar kanónur hafa horfið á braut og má þar helst nefna sundkennarann Cristian Martinez, Þorstein Má Ragnarsson og Guðmund Stein Hafsteinsson.

Eins og venjulega virðist liðið ekki vera fullmótað í byrjun sumars og býst maður við að sjá frekari liðsstyrkingu þegar líður á sumarið. Rashid Yussuf og markmaðurinn Francisco Mancilla eru mikilvægar biðbætur við liðið auk þess sem þeir fengu Gonzalo Zamorano Leon frá Hugin sem ég spái að setji 10-15 mörk í sumar.

Komnir:
Emmanuel Eli Keke frá Gana
Francisco Marmolejo Mancilla frá Svíþjóð
Gonzalo Zamorano Leon frá Hugin
Ibrahim Sorie Barrie frá Síerra Leóne
Ívar Reynir Antonsson frá Fram
Rashid Yussuf frá ÍA

Farnir:
Aleix Egea
Alfreð Már Hjaltalín í ÍBV
Cristian Martinez Liberato í KA
Egill Jónsson
Eivinas Zagurskas í Snæfell
Eric Kwakwa
Farid Zato í Kórdrengi
Gabrielius Zagurskas
Guðmundur Steinn Hafsteinsson í Stjörnuna
Gunnlaugur Hlynur Birgisson í Víking R.
Kenan Turudija í Selfoss
Pape Mamadou Faye
Tomasz Luba hættur
Þorsteinn Már Ragnarsson í Stjörnuna

ÍR-liðið hefur gengið í gegnum rosalegar breytingar frá síðasta sumri og er leikmannaveltan mikil milli ára. Brynjar Þór Gestsson mun stýra skútunni í ár eftir að hafa tekið við af Arnari Þór Valssyni eftir síðasta sumar.

Sterkir póstar hafa horfið á braut úr vörn liðsins og má þar helst nefna Halldór Arnarsson og Jordan "chico" Farahani auk þess sem Björn Anton Guðmundsson er með slitið krossband.

Margir spennandi leikmenn hafa þó bæst í hópinn eins og Máni Austmann Hilmarsson og Óskar Jónsson, einnig fengu þeir landsliðsmann frá St. Kitts and Nevis til að styrkja vörnina en hann var ekki kominn með leikheimild í síðasta leik þeirra gegn FH í bikarnum og verður spennandi að sjá hvort hann verði með í dag.

Komnir:
Alexander Kostic frá Gróttu
Andri Þór Magnússon frá Gróttu
Aron Skúli Brynjarsson frá Val
Björgvin Stefán Pétursson frá Leikni F.
Brynjar Óli Bjarnason frá Breiðabliki
Gísli Martin Sigurðsson frá Breiðabliki
Gylfi Örn Öfjörð frá Grindavík
Halldór Jón Sigurður Þórðarson frá Víkingi R.
Máni Austmann Hilmarsson á láni frá Stjörnunni
Nile Walwyn frá Nýja-Sjálandi
Óskar Jónsson á láni frá Breiðabliki
Patrik Sigurður Gunnarsson á láni frá Breiðabliki
Teitur Pétursson frá Kára

Farnir:
Björn Anton Guðmundsson, slitið krossband
Brynjar Steinþórsson í Álafoss
Eyþór Þorvaldsson í Vængi Júpíters
Halldór Arnarsson
Jordan Farahani
Jón Arnar Barðdal í Stjörnuna (Var á láni)
Reynir Haraldsson
Renato Punyed (Var á láni)
Sergine Fall í Vestra
Styrmir Erlendsson

Liðunum er spáð mjög ólíku gengi í spá þjáfara og fyrirliða fyrir deildina í sumar. ÍR er spáð lóðbeint niður í 12. sæti á meðan Ólsurum er spáð aftur upp í deild þeirra bestu í 2. sæti.

Góðan dag kæru lesendur og verið velkomin í beina textalýsingu frá leik ÍR og Víkings Óafsvík í fyrstu umferð í Inkasso deildinni árið 2018.