Þetta eru alvöru menn sem koma að vestan. Mæta hér með fána sem þeir festa á stúkuna. Nett Meadow Lane stemming i Kórnum.
Fyrir þá sem ekki vita þá er Meadow Lane heimavöllur Notts County sem spilar í dag í League two.

Styttist í þetta vallarþulurinn hefur upp raust sína og kynnir liðin til leiks undir dynjandi tónum Herra Hnetusmjörs.

Skemmtileg staðreynd um lagavalið hér fyrir leik en það er enginn annar en fyrirliði HK Leifur Andri Leifsson sem setur saman playlistann fyrir leik. Stórt hrós á drenginn fyrir það.

Það er íslenskt þema hjá vallarþul HK í dag. Síðasta Sumar með stórsveitinni Nylon hljómar hér í hljóðkerfinu undirrituðum til mikillar ánægju.

Bæði lið að ljúka sinni upphitun með reitabolta á mjög háu tempói, styttist í fjörið og bæði lið virðast vera klár í slaginn.

Áhorfendur eru að byrja að tínast á svæðið þótt enn sé nú fámennt í stúkunni. Nokkrir hressir Ólsarar sitja fyrir utan og sóla sig í góða veðrinu fyrir leik. Ungir HK drengir í fullum herklæðum halda svo uppi stuðinu í stúkunni of æfa spretti af miklum móð.

Eins og sagði fyrr í upphituninni er liðunum spá sætum 2-3 í deildinni og megum við því vonandi búast við hörkuleik, mörkum og flottum bolta.
Í það minnsta eru aðstæður allar til fyrirmyndar í Kórnum eins og venjulega.

Liðin eru mætt út á völl eða inn á völl reyndar og eru að hita upp af krafti.

Byrjunarliðin eru klár HK stillir upp óbreyttu liði frá sigrinum á Magna í fyrstu umferð.

Hjá Víkingum er ein breyting frá sigrinum á ÍR Ragnar Smári Guðmundsson dettur út og fyrrum Newcastle maðurinn Michael Newberry kemur inn í liðið. Argentínumaðurinn Sasha Uriel Litwin Romero sem kom til Víkinga í gær situr svo á bekknum.

Fyrirliðar og þjálfarar allra liða spáðu í spilin fyrir Fótbolta.net fyrir mót eins og venja er og eru liðunum spáð mjög svipuðu gengi í sumar.

Þeir spá HK 3.sæti deildarinnar en fyrir áhugasama má nálgast spá Fótbolta.net fyrir þá HÉR

Víkingum er svo spá 2.sæti og þar með sæti í Pepsi 2019 en spá þeirra má sjá HÉR

Liðin sem mætast hér í dag hafa mæst alls 21 sinni í mótum á vegum KSÍ samkvæmt tölfræði KSÍ og hefur HK farið með sigur af hólmi tólf sinnum en Víkingar átta, aðeins einum leik hefur svo lokið með jafntefli svo að jafntefli verða að teljast ólíkleg úrslit hér í dag.

Bæði lið unnu nokkuð þægilega sigra í fyrstu umferð mótsins.
HK fékk Magna í heimsókn hingað í Kórinn og vann nokkuð sannfærandi 3-0 sigur með mörkum frá Kára Péturssyni,Ingiberg Ólafi Jónssyni og austfirðingnum knáa Brynjari Jónassyni.

Víkingar fóru svo í heimsókn á Hertz völlinn þar sem þeir lögðu ÍR-inga 0-2 en um markaskorun þar sáu Ibrahim Sorie Barrie og Gonzalo Zamorano Leon.

Komið þið sæl og verið hjartanlega velkomin í beina textalýsingu frá leik HK og Víkings Ó í annari umferð Inkasso deildarinnar.