Jónas Sig og Ritvélar framtíðarinnar komnar í gang í hljóðkerfinu. Það þýðir bara eitt hér á Heimavelli hamingjunar. Liðin ganga til vallar og þetta er að hefjast.

Liðin eru hér að ljúka upphitun og halda til búningsherbergja til skrafs og ráðagerða fyrir leik. Rétt um 10 mín í kick off svo það styttist.

Vallarþulur þeirra Víkinga slær á létta strengi með ástand vallarins og segir Víkinga fagna fjölbreytileikanum og því sé völlurinn ekki aðeins grænn heldur bara allskonar á litinn.

Vantar ekki húmorinn á Heimavelli hamingjunar

Ekki úr vegi að kynna ágæta dómara leiksins en þar er við stjórn Vilhjálmur Alvar Þórarinsson og honum til aðstoðar eru þeir Gylfi Már Sigurðsson og Bjarki Óskarsson 4.dómari er svo Gunnþór Steinar Jónsson.

Ég hef ákveðið að henda mér á hamborgara hér í Víkinni og verð að vera ánægður með hann. Solid 8 með snakki ofaná í alvöru Brioche brauði. Hvet fólk til að mæta á völlinn og smakka.

Peppi er líka mættur á svæðið og heldur uppi stuðinu undir tónum Whitney Houston.

Eins og landsmenn og höfuðborgarbúar vita þá hefur rignt töluvert síðustu daga og er völlurinn vel blautur og háll eftir það. Það er þá vonandi að við fáum skemmtilegan leik á einhvern mælikvarða vegna þess.

Byrjunarliðin eru mætt í hús og geta áhugasamir séð þau hér til hliðar.

Lítið annað hægt að segja um þau en að þau eru óbreytt frá leikjum liðanna í 5.umferð

Í leikjum liðanna í fyrra náðu liðin í heimasigur hvort fyrir sig. Víkingar unnu 2-1 í Víkinni en Fjölnismenn svöruðu fyrir sig á Extravellinum og höfðu þar 3-1 sigur.

Annars hafa liðin mæst alls 28 sinnum frá aldamótum og hafa Víkingar haft sigur í 13 leikjum, Fjölnismenn í 12 og 3 leikir hafa endað með jafntefli.

Markatalan er svo 58-53 Víkingum í hag.

Hjá Fjölnismönnum snýst vandamálið svo við. Þeir hafa verið nokkuð öflugir fyrir framan mark andstæðingana í upphafi móts og sett 8 mörk en aðeins Stjarnan og Breiðablik hafa skorað meira. En þeir hafa ekki verið jafn öflugir til baka og þurft að hirða boltann 8 sinnum úr eigin neti sem viti menn gerir markahlutfallið einnig 0

Hjá Víkingum hefur sóknarleikurinn verið hausverkur í byrjun móts. Að loknum 5 umferðum er markauppskeran heldur léleg eða 4 mörk í 5 leikjum. Á hinn bóginn hafa Víkingar verið afar sterki varnarlega og hafa fengið á sig 4 mörk og eru því með markahlutfall í 0 eins og glöggir lesendur átta sig líklega á.

Liðin eru eins jöfn í deildinni og hugsast getur en bæði lið eru með sex stig eftir einn sigur, þrjú jafntefli og eitt tap hvort svo við eigum líklega von á hörkuleik hér í dag

Albert býst við jafntefli:


Það er enginn annar en Albert Guðmundsson landsliðsmaður sem er spámaður Fótbolta.net fyrir þessa 6 umferð en hann var ekki að flækja hlutina og spáir þessum leik 1-1 með eftirfarandi orðum

Þetta verður líka jafntefli.

Heil og sæl kæru lesendur og verið velkominn í beina textalýsingu Fótbolta.net frá leik Víkings og Fjölnis í 6.umferð Pepsi deildar karla.