Liðin að labba hér inn á völlinn. Halldór Páll í gjörsamlega geggjuðum og splunkunýjum dökkbláum markmannsbúning. Beitir hinsvegar í neon gulum búning.

#sjómannsvaktin. Kjartan Sölvi Guðmundsson, skipstjóri Drangavíkur, Viðar Búdda stýrimaður á Huginn og Árni Þór Gunnarsson háseti á Þórunni Sveins. Þrír algjörir toppmenn þarna á ferð.

#sjómannsvaktin. Eysteinn Gunnarsson, kokkur á Huginn mættur á leikinn. Eiginmaður splunkunýja bæjarstjóra Vestmannaeyjam Írisi Róbertsdóttur. Og talandi um það, mætir Íris að fylgjast með litla stráknum sínum sem er á bekknum hjá ÍBV í dag. Kjúklingurinn Róbert Aron Eysteinsson.

#celebvaktin. ''Bikar''Breki Ómarsson mættur á leikinn. Meiðsli að herja hann, en hann fer í segulómun á miðvikudaginn. Verður spennandi að sjá hvort að minn maður sé í raun og veru meiddur, eða að væla.

Frábært fótboltaveður, ætla hvetja alla að mæta á leikinn. En endilega fylgist þið með samt textalýsingunni á sama tíma. Hehe.

#sjómannsvaktin. Í tilefni Sjómannadagsins verður special vakt í boði mín. Hvaða vélstjórar, hásetar og skipstjórar mæta í dag? Verður spennandi.

Gulur bíll keyrir meðfram Hamarsveginum. Arnar Gauti kýlir mig í öxlina. Ég var of seinn.

#celebvaktin. Við Guðmundur Tómas fréttaritari mbl.is erum mættir á vaktina, með okkur er Arnar Gauti Grettisson, hann er einnig fréttaritari hjá mbl.is Við fylgjumst vel með hvaða celeb mæta og heiðra okkur með mætingu.

Pablo mættur á gamlar slóðir. Spilaði með ÍBV seinustu tvö tímabil. Hvað ætli hann geri í dag? Rautt? Mark? Brandari? Kemur allt í ljós.

Atli Sigurjónsson og Pablo Punyed eru í byrjunarliði KR sem heimsækir ÍBV í Pepsi-deildinni. Kennie Chopart fer á bekkinn.

Björgvin Stefánsson er fremsti maður KR á meðan Gunnar Heiðar Þorvaldsson leiðir sóknarlínu heimamanna.

KR hefur byrjað tímabilið þokkalega vel og er í hóp með toppliðunum, með níu stig eftir sex umferðir.

Eyjamenn eru með fimm stig og ljóst er að um hörkuleik er að ræða hér í kvöld.

Pálmi Rafn Pálmason er að sjálfsögðu á sínum stað í byrjunarliðinu enda kominn með fjögur mörk á upphafi tímabils. Þá er Kaj Leo í Bartalsstovu einnig á sínum stað í byrjunarliði heimamanna.

Góðan og margblessaðan daginn og verið hjartanlega velkomin á beina textalýsingu fyrir leik ÍBV og KR í sjöundu umferð Pepsi deild karla 2018. Fylgist þið vel með öllu sem gerist, þetta verður hörkuslagur.