Það eru ungir knattspyrnuiðkendur frá bæði ÍA og ÍR sem labba á undan leikmönnum inná völlinn. Ekki ólíklegt að einhver af þessum ungu drengjum eigi eftir að spila meistaraflokksleik í framtíðinni.

Allir í blaðamannastúkunni spá heimamönnum sigri í kvöld en við sjáum til hvað gerist. Þetta eru jú 11 á móti 11 og allt getur gerst.

Það eru fínustu aðstæður til að spila fótbolta á Akranesi í kvöld. Dálítill vindur á annað markið en ekkert sem á að trufla vana fótboltamenn. Það er ca 9 stiga hiti og völlurinn fínn.

Þá eru ekki nema 10mín í leik hjá okkur og bæði lið farin uppí klefa í lokapepp fyrir leikinn! Vonandi fáum við fjörugan leik og fullt af mörkum.

Það eru tæpar 20 mín í leik og bæði lið að hita upp. Það er létt yfir mannskapnum.

Það eru rétt um 50 mín í leik hjá okkur á Akranesi og byrjunarliðin eru komin en þau má sjá hér til hliðar.

Skagamenn gera eina breytingu á liði sínu frá sigrinum á Fram í síðustu umferð, Albert Hafsteinsson kemur inn fyrir Hafþór Pétursson

Gestirnir úr Breiðholtinu gera hins vegar þrjár breytingar frá tapinu gegn Þór í síðustu umferð. Út fara þei Patrik Sigurður Gunnarsson(m), Guðfinnur Þórir Ómarsson og Aron Kári Aðalsteinsson. Inn koma Helgi Freyr Þorsteinsson(m), Gísli Martin Sigurðsson og Jónatan Hróbjartsson.

Dómari leiksins heitir Jóhann Ingi Jónsson og honum til aðstoðar eru þeir Andri Vigfússon og Breki Sigurðsson. Eftirlitsmaður KSÍ er svo Einar Örn Daníelsson.

Ég vil hvetja fólk til að mæta á völlinn! Það er frítt á völlinn í boði Norðuráls svo engar afsakanir teknar gildar! Mætingin í sumar hefur ekki verið neitt alltof glæsileg á Norðurálsvellinum. Frábær leiktími fyrir fjölskyldufólk, mæta snemma í burger á Aggapalli og hvetja sitt lið til sigurs.

Síðasti leikur á milli þessara liða á vegum KSÍ var Lengjubikarnum í fyrra(2017) og þar hafði Skaginn betur 2-1. Og samkvæmt heimasíðu KSÍ hafa liðin mæst alls ellefu sinnum síðan þau mættust fyrst árð 1998 og þar hafa Skagamenn mikla yfirburði. Átta sinnum hefur ÍA haft betur og þrisvar hafa liðin gert jafntefli og markatalan er 23-9 ÍA í vil. Og eins og glöggir lesendur hafa nú áttað sig á þá þýðir þetta að ÍR hefur aldrei unnið ÍA í leik á vegum KSÍ! Verður breyting þar á í dag?

Byrjunin í mótinu hefur verið öllu erfiðari fyrir gestina úr Breiðholtinu. ÍR-ingar sitja í næst neðsta sæti deildarinnar fyrir umferðina með einungis þrjú stig, eftir einn sigur og fjögur töp í fyrstu fimm leikjunum og ljóst að þeir verða að fara að safna stigum ef ekki á illa að fara. Eini sigurleikurinn hingað til kom í annari umferð, 0-2 á Selfossi. Í síðustu umferð töpuðu þeir 0-1 fyrir Þór á heimavelli.

Skagamenn hafa byrjað mótið mjög vel og sitja í öðru sæti með sama stigafjölda og HK sem situr á toppnum. Þeir hafa unnið fjóra af fyrstu fimm leikjunum og gert eitt jafntefnli. Þrír af þessum sigrum hafa verið 1-0 iðnaðarsigrar. Í síðustu umferð sóttu Skagamenn þrjú stig í Safamýrina í 0-1 sigri á Fram.

Þetta er fyrsti leikurinn í 6.umferð Inkasso-deildarinnar. Það eru þrír aðrir leikir á dagskrá í dag og tveir á morgun og að sjálfsögðu verður bein textalýsing frá þeim öllum hjá okkur á .net.

Föstudagur
ÍA-ÍR kl 18:00(okkar leikur)
Haukar-Selfoss kl 18:30
Þróttur R.-Víkingur Ó kl 19:15
Njarvík-Fram kl 19:15

Laugardagur
Leiknir R.-Magni kl 16.00
Þór- HK kl 17:00

Heilir og sælir kæru lesendur .net og velkomin í beina textalýsingu frá leik ÍA og ÍR frá Norðurálsvellinum á Akranesi.