Malen, Maguire, Rashford, Greenwood, Yoro, Eriksen og fleiri góðir í slúðri dagsins
Þór
1
4
Valur
0-1 Kristinn Freyr Sigurðsson '23
Jóhann Helgi Hannesson '47 1-1
1-2 Rúnar Már Sigurjónsson '51
1-3 Hörður Sveinsson '73
1-4 Kolbeinn Kárason '77
08.06.2012  -  19:15
Þórsvöllur
Borgunarbikar karla
Aðstæður: Léttskýjað, smá gola og 11°
Dómari: Þorvaldur Árnason
Byrjunarlið:
Sveinn Elías Jónsson
Orri Freyr Hjaltalín
Andri Hjörvar Albertsson
5. Atli Jens Albertsson ('35)
9. Jóhann Helgi Hannesson (f)
10. Sigurður Marinó Kristjánsson
11. Kristinn Þór Björnsson ('74)
13. Ingi Freyr Hilmarsson

Varamenn:
6. Ármann Pétur Ævarsson ('80)
17. Halldór Orri Hjaltason

Liðsstjórn:
Kristján Steinn Magnússon
Sveinn Leó Bogason

Gul spjöld:
Kristinn Þór Björnsson ('50)

Rauð spjöld:
Fyrir leik
Komið sæl og verið velkomin í beina textalýsingu héðan af Þórsvellinum þar sem heimamenn taka á móti Val í Borgunarbikar karla.
Fyrir leik
Ég held að ég sé að fara með rétt mál þegar ég varpa því fram að Kristinn Freyr Sigurðsson er að fá sinn fyrsta séns í byrjunarliði Vals eftir að hann kom frá Fjölni. Kristinn skoraði þrjú mörk í fjórum bikarleikjum með Fjölni í fyrra en hann skoraði einnig síðasta mark Vals í 4-0 sigri á Keflavík í síðustu umferð Pepsi deildar karla eftir að hann kom inn sem varamaður.
Fyrir leik
Það hefur frekar lítið verið um óvænt úrslit í 32-liða úrslitum Borgunarbikarsins hingað til en hér í kvöld er 1. deildarlið að taka á móti úrvalsdeildarliði og svo eru leikmenn BÍ/Bolungarvík að leika gegn Breiðablik á Kópavogsvelli. Það er því enn möguleiki á einhverju óvæntu í þessari umferð.
Fyrir leik
Hér er allt að verða klárt fyrir leik, liðin mætt út á völl og bíða eftir að leikurinn fari af stað. Heimamenn í Þór byrja á því að sækja með smá vind í bakið.
1. mín
Þorvaldur Árnason dómari leiksins flautar leikinn á.
2. mín
Heimamenn eiga fyrsta tækifæri leiksins. Sigurður Marinó á sendingu fyrir sem Andri Hjörvar skallaði aftur fyrir markið og þar var Orri Freyr mættur en skalli hans fór yfir.
11. mín
Ásgeir Þór Magnússon markmaður Vals liggur í grasinu eftir einvígi við Jóhann Helga í loftinu, Þorvaldi dómara þótti Jóhann fara of mikið í Ásgeir og flautar. Ásgeir er fljótur að jafna sig og tekur spyrnuna
17. mín
Hingað til hafa það verið heimamenn sem sækja meira, Sveinn Elías rétt í þessu í ágætis skotfæri á hægri vængnum en Matarr Jobe átti góð tæklingu og náði að komast fyrir skotið.
19. mín
Inn:Hafsteinn Briem (Valur) Út:Haukur Páll Sigurðsson (Valur)
Haukur Páll fer útaf vegna meiðsla
23. mín MARK!
Kristinn Freyr Sigurðsson (Valur)
Kristinn Freyr stendur undir væntingum fyrir leik og er búinn að koma Val yfir!
23. mín
Þórsarar bruna beint í sókn og eru nálægt því að skora. Langur bolti fram sem Atli Sveinn og Kristinn Þór berjast um og renna sér báðir í, boltinn fer af öðrum þeirra og Ásgeir ver. Kristinn Þór liggur eftir en er fljótur á fætur eftir að töfravatnið mætti á svæðið.
24. mín
Það er óhætt að halda því fram að þetta mark Vals hafi komið gegn gangi leiksins og menn eru jafnvel á því að þetta hafi verið sjálfsmark hjá Janez Vrenko en boltinn fór af hausnum á honum. Það var aftur á móti erfitt að sjá úr blaðamannaherberginu hvort að Kristinn hafi verið að skjóta eða gefa fyrir, gefum honum markið, í bili allavega.
28. mín
Valsmenn fá aukaspyrnu ca. 30 metrum frá marki heimamanna, Rúnar Már tekur hana og reynir skot sem er fast en vel yfir.
31. mín
Allt sem heitir internet datt út þegar Matthías Guðmundsson slapp einn í gegn en vippa hans fór rétt framhjá markinu.
35. mín
Inn:Baldvin Ólafsson (Þór ) Út:Atli Jens Albertsson (Þór )
Atli Jens virðist vera meiddur á hægri fæti og þarf að fara af velli
40. mín
Guiseppe P Funicello er að eiga leik hér sem hann vill líklegast gleyma sem fyrst, hann er varla búinn að ná að klára sendingu og það var hann sem missti boltann þegar Valsmenn skoruðu.
43. mín
Kolbeinn Kárason kemst í ágætt skotfæri rétt við vítateigslínuna rétt til hægri frá miðju en skot hans er lélegt og vel framhjá.
44. mín
Þórsarar vilja fá víti! Ásgeir Þór í marki Vals virtist taka Svein Elías niður en ekkert dæmt og heimamenn eru vel langt frá því að vera sáttir.
45. mín Gult spjald: Hafsteinn Briem (Valur)
Tekur Kristinn Þór niður ca. 25 metra frá markinu. Orri Freyr tekur spyrnuna og lætur vaða á markið en yfir.
45. mín
Hálfleikur - Þórsarar voru betri í byrjun en eftir að mark Vals kom þá hefur leikurinn jafnast nokkuð. Sveinn Elías á nokkur vel valin orð við dómara leiksins á leið útaf, hann er nokkuð augljóslega að ræða við hann um vítið sem hann vildi fá.
45. mín
Það fer smá kliður um stúkuna hér í hálfleik, fréttir að berast norður að Atli Sigurjónsson sé búinn að skora fyrir KR. Hann er vinsæll hér fyrir norðan drengurinn.
46. mín
Seinni hálfleikur hefst og Þórsarar bruna beint í sókn, Funicello hleður í fyrsta skotið af um 25 metra færi og það er framhjá. Spurning hvort að hann nái að svara fyrir fyrri hálfleikinn sem var hressilega dapur hjá honum.
47. mín MARK!
Jóhann Helgi Hannesson (Þór )
Jóhann Helgi er búinn að jafna! Hann sleppur upp vinstri vænginn og það virðist ekki vera mikil hætta á ferð þegar hann er að nálgast endalínuna með tvo varnarmenn í sér en hann kemur skoti á markið sem lekur undir Ásgeir í marki Vals. Ásgeir getur ekki verið sáttur með þetta, átti að vera þetta og það nokkuð auðveldlega.
50. mín Gult spjald: Kristinn Þór Björnsson (Þór )
Þetta virtist ódýrt, Kristinn tók boltann. Valsmenn fá aukaspyrnu rétt við vítateigsboga Þórs.
51. mín MARK!
Rúnar Már Sigurjónsson (Valur)
Rúnar Már setur hann innanfótar framhjá veggnum og í netið, glæsileg spyrna!
52. mín
Hér er allt að gerast! Þórsarar bruna beint fram og Funicello á aftur skot af löngu færi, þetta var rétt yfir. Þetta er heldur betur hress byrjun á seinni hálfleik!
56. mín
Pirringur að gera vart við sig á vellinum, heimamenn eru ekkert sérstaklega ánægðir með Þorvald Árnason dómara leiksins.
62. mín
Andri Hjörvar liggur í grasinu, bróðir hans er búinn að fara útaf meiddur. Hann virðist ætla að harka af sér í bili.
63. mín
Jóhann Helgi á skalla að marki Vals en Matarr Jobe bjargar bjargar nánast á marklínu og kemur boltanum frá, dauðfæri.
64. mín Gult spjald: Halldór Kristinn Halldórsson (Valur)
66. mín
Inn:Guðjón Pétur Lýðsson (Valur) Út:Matthías Guðmundsson (Valur)
67. mín
Þvílíkt skot! Jobe nær ekki að hreinsa frá og Orri Freyr Hjaltalín mætir á svæðið og þrumar boltanum viðstöðulaust í slá, það var heldur betur kraftur í þessu.
72. mín
Rúnar Már með skot af tæplega 30 metra færi sem Rajkovic ver vel í horn.
73. mín MARK!
Hörður Sveinsson (Valur)
Valsmenn tóku stutt horn og svo kom boltinn fyrir og þar var Hörður mættur í markteignum og kom boltanum í netið. Valsmenn hafa ekki verið að stjórna leiknum en hafa verið mjög grimmir í sínum aðgerðum.
74. mín
Inn:Robin Strömberg (Þór ) Út:Kristinn Þór Björnsson (Þór )
76. mín
Boltinn dettur fyrir fætur Janez Vrenko sem á mjög dapurt skot vel framhjá.
77. mín MARK!
Kolbeinn Kárason (Valur)
Vá... vááá! Kolbeinn Kárason með þetta líka mark af örugglega allavega 35 metra færi! Hann sér að Rajkovic stendur framarlega og bara setur hann yfir hann, glæsilega klárað!
78. mín
Rajkovic getur ekki verið sérstaklega sáttur með sig í þessu marki en Kolbeinn á eftir að vilja eiga upptöku af þessu á GIF formi... keppnis!
80. mín
Inn:Ármann Pétur Ævarsson (Þór ) Út:Guiseppe P Funicello (Þór )
83. mín
Inn:Ásgeir Þór Ingólfsson (Valur) Út:Hörður Sveinsson (Valur)
84. mín
Heimamenn í Þór eru alveg gjörsamlega andlausir eins og er og eiga erfitt með að klára sendingar, Hafsteinn Briem eignar sér miðjuna og stelur boltanum aftur og aftur. Valsmenn eru líklegri til að bæta við
89. mín
Strömberg sleppur einn í gegn á móti Ásgeiri í marki Vals en Ásgeir ver frá honum, stóð í lappirnar og gerði vel.
Leik lokið!
Valsmenn fara áfram í 16-liða úrslitin eftir að hafa klárað heimamenn hér á 2x 4min köflum. Heimamenn stjórnuðu leiknum lengi vel en Valsmenn kláruðu sín færi. Viðtöl og umfjöllun væntanleg
Byrjunarlið:
Ásgeir Þór Magnússon (m)
Matthías Guðmundsson ('66)
7. Haukur Páll Sigurðsson ('19)
10. Kristinn Freyr Sigurðsson

Varamenn:
10. Guðjón Pétur Lýðsson ('66)
23. Andri Fannar Stefánsson

Liðsstjórn:

Gul spjöld:
Halldór Kristinn Halldórsson ('64)
Hafsteinn Briem ('45)

Rauð spjöld: