Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fylkir
1
0
Fram
Davíð Þór Ásbjörnsson '60 1-0
14.06.2012  -  19:15
Fylkisvöllur
Pepsi-deildin
Aðstæður: Frábærar
Dómari: Guðmundur Ársæll Guðmundsson
Áhorfendur: Ekki gefið upp
Maður leiksins: David Elebert
Byrjunarlið:
Bjarni Þórður Halldórsson
Kristján Valdimarsson
Oddur Ingi Guðmundsson
4. Andri Þór Jónsson
7. Ingimundur Níels Óskarsson
10. Ásgeir Börkur Ásgeirsson
16. Tómas Joð Þorsteinsson
17. Davíð Þór Ásbjörnsson

Varamenn:
4. Finnur Ólafsson ('64)
11. Kjartan Ágúst Breiðdal
24. Elís Rafn Björnsson
49. Ásgeir Örn Arnþórsson

Liðsstjórn:

Gul spjöld:
David Elebert ('53)
Ingimundur Níels Óskarsson ('28)

Rauð spjöld:
Fyrir leik
Byrjunarlið Fylkis: Bjarni Þórður Halldórsson (m), Kristján Valdimarsson (f), Ásgeir Börkur Ásgeirsson, Davíð Þór Ásbjörnsson, Ingimundur Níels Óskarsson, Björgólfur Hideaki Takefusa, Magnús Þórir Matthíasson, Tómas Þorsteinsson, Oddur Ingi Guðmundsson, David Elebert, Andri Þór Jónsson.

(Varamenn: Finnur Ólafsson, Árni Freyr Guðnason, Jóhann Þórhallsson, Kjartan Ágúst Breiðdal, Ásgeir Örn Arnþórsson, Elís Rafn Björnsson, Kristján Finnbogi Finnbogason)

Byrjunarlið Fram: Ögmundur Kristinsson (m), Kristján Hauksson (f), Kristinn Ingi Halldórsson, Jón Gunnar Eysteinsson, Alan Lowing, Steven Lennon, Almarr Ormarsson, Hlynur Atli Magnússon, Samuel Hewson, Hólmbert Aron Friðjónsson, Orri Gunnarsson.

(Varamenn: Daði Guðmundsson, Andri Freyr Sveinsson, Ingvi Þór Hermannsson, Jökull Steinn Ólafsson, Gunnar Oddgeir Birgisson, Stefán Birgir Jóhannesson, Denis Cardaklija)
Elvar Geir Magnússon
Fyrir leik
Komið margblessuð og sæl.

Héðan úr Árbæjarlautinni verður leik Fylkis og Fram lýst af ákafa og gleði í "beinni útsendingu".

Fyrir leik eru Fylkir og Fram með jafnmörg stig, eða 6, í Pepsi deild karla. Framarar eru þó með mun skárri markatölu eða -2 mörk á meðan Fylkismenn eru með -7 mörk eftir stórtap á móti FH í síðustu umferð.

Við minnum lesendur og áhorfendur leiksins á að nota #fotbolti þegar tíst er um leikinn á samfélagsmiðlinum Twitter.
Fyrir leik
Við höfum fengið þær fréttir að að Sam Tillen, hjá liði Fram, sé meiddur. Hann er því ekki í hóp í dag.
1. mín
Leikurinn er hafinn. Fylkismenn sækja að Árbæjarlaug en Framarar í átt að Esjunni.
4. mín
Fylkir eiga fyrstu hættulegu sókn leiksins. Davíð Þór átti fína sendingu inn á Björgólf, sem er að nýju mættur í Pepsi deildina. Björgólfur lék á Ögmund í marki Fram og kom boltanum fyrir en skot Fylkis var varið á línu.

Þetta lofar góðu.
8. mín
Fylkismenn fengu hornspyrnu eftir fínan sprett Björgólfs Takefusa en rétt áður hafði Orri Gunnarsson næstum komist í gegnum vörn Fylkis.
14. mín
Leikurinn er í miklu jafnvægi og liðin berjast á miðjum vellinum.

Bæði lið virðast þó vera að reyna að koma boltanum niður og í spil en lítið hefur sést af löngum sendingum. Það er vonandi að við sjáum einhver mörk í dag.
16. mín
Björgólfur er enn að valda varnarmönnum Fram usla. Hann tók nú við boltanum á miðjum vellinum og átti fínt skot að marki en Ögmundur greip boltann.

Það eru afar jákvæðar fréttir fyrir Fylkismenn ef Björgólfur kemst á skrið.
24. mín
Bjarni Þórður ver hér mjög vel.

Steven Lennon hafði komist einn í gegn en Bjarni var millimeter á undan Lennon og varði boltann frá. Skemmtileg sókn frá Frömurum sem virðast aðeins vera að vakna.
28. mín Gult spjald: Ingimundur Níels Óskarsson (Fylkir)
Fyrir brot á Samuel Hewson á miðjum vellinum. Rétt dæmt að öllum líkindum hjá Guðmundi Ársæli.
30. mín
Fylkismenn í fínu færi. Björgólfur Takefusa átti fína sendingu fyrir og þar var Oddur Ingi Guðmundsson mættu og skallaði boltann en Ögmundur varði vel í marki Fram.
32. mín
Framarar með hornspyrnu af vinstri kanti eftir að Hólmbert Aron reyndi að komast framhjá Davíð Þór en úr hornspyrnunni kom afskaplega lítið.
40. mín
Steven Lennon leikur vel á Anra Þór Jónsson og kemur boltanum laglega fyrir markið en þar var engin Framari og Tómas Joð kom boltanum frá í horn.

Úrn horninu kom afar lítið.
42. mín
Davíð Þór Ásbjörnsson átti fantagott skot, beint úr aukaspyrnu, en boltinn fór yfir markið. Hann skoraði einmitt laglegt mark af svipuðu færi á móti Val.
44. mín
Framarar með laglega sókn sem Steven Lennon var arkítekt að en Andri Þór Jónsson bjargaði vel í horn.

Úr horninu var Jón Gunnar Eysteinsson einn á auðum sjó en skalli hans var framhjá. Þar hefði Jón Gunnar átt að gera betur.
45. mín
Hálfleikur í ágætis leik. Bæði lið átti ágætis færi en ekkert mark kom þó.
45. mín
Þá hefst leikurinn að nýju. Vonandi tekst öðru hvoru liðinu að finna netmöskvana og við fáum spennu í þennan leik.
46. mín
Hér á Fylkisvelli er allt fullt af handknattleiksstjörnum. Arnór Atlason og faðir hans Atli Hilmarsson sitja ásamt Rúnari Kárasyni, sem er á hækjum, Fram megin.
50. mín
Kristinn Ingi Halldórsson fór lítillega af velli en sneri aftur með þetta fallega, hvíta, höfuðfat. Hann lítur aðeins út eins og strumpur á vellinum ef ekki væri fyrir það hversu hár hann er.
53. mín
Hér er allt á suðupunkti eftir að David Elebert skallar aftan í höfuð Kristins Inga sem er nýkominn inn á með höfuðið vafið. Kristinn var ekki sáttur við David en Guðmundur Ársæll róar leikinn og sendir Kristinn í nýja treyju.
53. mín Gult spjald: David Elebert (Fylkir)
53. mín Gult spjald: Kristinn Ingi Halldórsson (Fram)
54. mín
Eftir aukaspyrnu Fram fékk Ingimundur Níels boltann og geystist fram en Samuel Hewson gerði vel og náði boltanum með laglegri tæklingu.
60. mín MARK!
Davíð Þór Ásbjörnsson (Fylkir)
Markið kom beint úr aukaspyrnu en boltinn hafði viðkomu í varnarvegg Framara.
61. mín
Framarar eru greinilega ákafir að komast í sókn og Hólmbert Aron vann boltann laglega af Tómasi Joð og kom fínu skoti á markið en Bjarni Þórður gerði vel og hélt boltanum.
64. mín
Steven Lennon er með lífsmarki. Hann átti fínan snúning og gott skot að marki en Bjarni Þórður, sem fyrr, varði vel.
64. mín
Inn:Finnur Ólafsson (Fylkir) Út:Magnús Þórir Matthíasson (Fylkir)
70. mín
David Elebert nær fínni tæklingu og stöðvar fínt hraðaupphlaup Framara.
75. mín
Leikurinn hefur heldur róast síðustu mínúturnar. Fylkismenn gera hvað þeir geta til að hægja á spilinu á meðan Framarar reyna að sækja hratt.

Finnur Ólafsson hefur komið vel inn í lið Fylkis og unnið nokkra bolta á miðjunni.
76. mín
Fylkismenn í hættulegri sókn. Eftir góða fyrirgjöf Andra Þórs varð mikið klafs í teignum sem endaði með því að Kristján Hauksson kom boltanum frá.
78. mín
Inn:Daði Guðmundsson (Fram) Út:Kristinn Ingi Halldórsson (Fram)
83. mín
Inn:Stefán Birgir Jóhannesson (Fram) Út:Hólmbert Aron Friðjónsson (Fram)
87. mín
Steven Lennon með enn eitt flott hlaup upp í gegnum vörn Fylkis. Hann lék á David Elebert og komst í ákjósanlegt færi en Bjarni Þórður varði vel.
88. mín
Inn:Árni Freyr Guðnason (Fylkir) Út:Björgólfur Takefusa (Fylkir)
88. mín
Inn:Ingvi Þór Hermannsson (Fram) Út:Orri Gunnarsson (Fram)
90. mín
Finnur Ólafsson náði næstum því að skora frá miðju eftir að dómari leiksins var fyrir Frömurum á miðjum vellinum. Ögmundur náði þó að blaka boltanum í horn.
Leik lokið!
Fylkismenn vinna fínan sigur á Fram í kvöld og komast þar með í 9 stig í Pepsi deild karla.
Byrjunarlið:
1. Ögmundur Kristinsson (m)
10. Orri Gunnarsson ('88)
11. Almarr Ormarsson
14. Hlynur Atli Magnússon (f)

Varamenn:
1. Denis Cardaklija (m)
11. Jökull Steinn Ólafsson
21. Stefán Birgir Jóhannesson ('83)

Liðsstjórn:
Daði Guðmundsson

Gul spjöld:
Kristinn Ingi Halldórsson ('53)

Rauð spjöld: