Malen, Maguire, Rashford, Greenwood, Yoro, Eriksen og fleiri góðir í slúðri dagsins
Keflavík
2
4
FH
0-1 Atli Viðar Björnsson '28
0-2 Guðjón Árni Antoníusson '62
0-3 Hólmar Örn Rúnarsson '69
Guðmundur Steinarsson '71 , víti 1-3
1-4 Atli Guðnason '86
Arnór Ingvi Traustason '92 2-4
16.06.2012  -  14:00
Nettóvöllurinn í Keflavík
Pepsi-deild karla
Dómari: Gunnar Jarl Jónsson
Byrjunarlið:
Haraldur Freyr Guðmundsson
Ómar Jóhannsson
Jóhann Birnir Guðmundsson ('84)
6. Einar Orri Einarsson
25. Frans Elvarsson

Varamenn:
9. Daníel Gylfason
11. Magnús Sverrir Þorsteinsson ('72)
11. Bojan Stefán Ljubicic ('84)

Liðsstjórn:

Gul spjöld:
Einar Orri Einarsson ('80)

Rauð spjöld:
Fyrir leik
Góðan daginn og verið velkomin í beina textalýsingu frá viðureign Keflavíkur og FH í sjöundu umferð Pepsi-deildar karla. Leikurinn hefst klukkan 14:00 á Nettóvellinum í Keflavík.
Fyrir leik
Keflavík gerir tvær breytingar frá tapleiknum gegn Grindavík í bikarnum. Gregor Mohar kemur inn fyrir Viktor Smára Hafsteinsson og Hilmar Geir Eiðsson kemur inn fyrir Magnús Sverri Þorsteinsson.

Hjá FH eru gerðar fjórar breytingar. Björn Daníel Sverrisson tekur út leikbann og í hans stað er Keflvíkingurinn Hólmar Örn Rúnarsson á miðjunni. Danny Thomas kemur í vinstri bakvörðinn fyrir Viktor Örn Guðmundsson og Atli Viðar Björnsson í framlínuna fyrir Albert Brynjar Ingason. Þá leysir Brynjar Ásgeir Guðmundsson miðvarðarstöðuna fyrir Frey Bjarnason sem er meiddur. Þetta er fyrsti leikur Brynjars í byrjunarliði FH en hann er sonur Guðmundar Árna Stefánssonar sendiherra Íslands í Svíþjóð.
Viktor Smári varamaður í liði Keflavíkur
Stórleikur í dag, Keflavík - FH! Nettóvöllurinn, kl 14. Vonandi koma sem flestir Keflvíkingar í stúkuna og láti vel í sér heyra!
Fyrir leik
Það er fallegt veður í Keflavík í dag, sól, smá vindur og 11 stiga hiti. Fólk er byrjað að tínast í stúkuna núna þegar 5 mínútur eru í leik.
1. mín
Leikurinn er hafinn. Það eru FH-ingar sem byrja með boltann og leika í átt að íþróttahúsinu.
4. mín
FHingar fengu aukaspyrnu á hættulegum stað rétt fyrir utan vítateig Keflavíkur. Ólafur Páll Snorrason tók spyrnuna en skaut yfir markið.
6. mín
Atli Guðnason tók gott skot rétt fyrir utan vítateig sem fór í stöngina á marki Keflavíkur. Þarna skall hurð nærri hælum.
11. mín
FH-ingar byrja leikinn betur. Núna átti Atli Guðnason skot rétt yfir mark Keflvíkinga.
13. mín
Guðmundur Steinarsson komst í gott færi í teignum en var of lengi að hlaða í skotið svo Guðmann Þórisson náði að henda sér fyrir það.
20. mín
Hólmar Örn átti skot rétt framhjá marki Keflavíkur.
28. mín MARK!
Atli Viðar Björnsson (FH)
FH-ingar ná forystunni. Brynjar Ásgeir miðvörður kom upp vinstri kantinn þar sem hann kom boltanum inn í teig á Atla Guðnason sem sendi á Atla Viðar sem kom vinstra megin inn í teiginn og þrumaði á fjær hornið og í þaknetið úr þröngu færi.
34. mín
Haraldur Freyr skallaði rétt framhjá marki FH eftir góða aukaspyrnu Jóhanns Birnis út við hliðarlínu.
39. mín
Atli Viðar skoraði aftur eftir sendingu frá Atla Guðnasyni en í þetta skiptið var hann dæmdur rangstæður.
45. mín
Það er kominn hálfleikur í Keflavík. Gestirnir í FH leiða með einu marki gegn engu.
46. mín
Síðari hálfleikurinn er hafinn. Liðin koma óbreytt til leiks.
53. mín
Pétur Viðarsson fór með sólann á undan sér í Einar Orra sem lá eftir á vellinum. Keflvíkingar fá aukaspyrnu við miðlínu en ekkert spjald fór á loft.
54. mín
Eftir gott samspil FHinga skaut Hólmar Örn í stöng og útaf.
Sigurbergur Elisson leikmaður Keflavíkur
Það er þagnarkeppni hjá stuðningsmönnum Keflavíkur #vandræðanlegt #fotbolti #þarfaðrífaþettaupp @Keflvikingur
62. mín MARK!
Guðjón Árni Antoníusson (FH)
FHingar fengu aukaspyrnu á vítateigslínunni eftir að brotið var á Atla Viðari sem reyndi að komast milli miðvarðanna tveggja í liði Keflavíkur. Ólafur Páll Snorrason tók spyrnuna og þrumaði í gegnum vegginn, Ómar varði en Guðjón Árni var fljótur að átta sig og fylgdi því eftir.
Sigurbergur Elisson leikmaður Keflavíkur
Og að stuðningsmenn okkar skuli púa á Guðjón Árna er svo hallærislegt! Muniði ekki hvað hann gerði fyrir okkur ? #showsomerespect
69. mín MARK!
Hólmar Örn Rúnarsson (FH)
FHingar bæta við þriðja markinu og í annað skiptið er það Keflvíkingur sem skorar fyrir þá. Atli Guðnason sendi núna góða sendingu inn fyrir vörnina á Hólmar sem skoraði með góðu skoti á markið.
71. mín Mark úr víti!
Guðmundur Steinarsson (Keflavík)
Keflvíkingar fengu vítaspyrnu eftir að Danny Thomas braut á Arnóri Ingva. Guðmundur Steinarsson fór á punktinn og skoraði með föstu skoti sem Gunnleifur réði ekki við þó hann hafi valið rétt horn.
72. mín
Inn:Magnús Sverrir Þorsteinsson (Keflavík) Út:Guðmundur Steinarsson (Keflavík)
Guðmundur hafði verið að kveinka sér og fór beint af velli eftir að han skoraði markið. Magnús Sverrir sem kom í hans stað hefur í gegnum árin verið duglegur að skora gegn FH og það verður fróðlegt að sjá hvað hann gerir í dag.
72. mín
Inn:Ísak Örn Þórðarson (Keflavík) Út:Hilmar Geir Eiðsson (Keflavík)
77. mín
Inn:Emil Pálsson (FH) Út:Hólmar Örn Rúnarsson (FH)
80. mín Gult spjald: Einar Orri Einarsson (Keflavík)
Einar Orri hefur brotið mikið af sér í dag og fær núna áminningu fyrir brot í miðjuhringnum.
82. mín
Inn:Albert Brynjar Ingason (FH) Út:Ólafur Páll Snorrason (FH)
83. mín
Ísak Örn Þórðarson komst í gott skotfæri í teig FH inga en skaut beint á Gunnleif í marki FH.
83. mín Gult spjald: Guðmann Þórisson (FH)
Guðmann fékk boltann í höndina út við hliðarlínu nærri miðjum velli og Gunnar Jarl ákvað að áminna hann fyrir það.
84. mín
Inn:Bojan Stefán Ljubicic (Keflavík) Út:Jóhann Birnir Guðmundsson (Keflavík)
Síðasta skipting Keflvíkinga.
86. mín MARK!
Atli Guðnason (FH)
Mjög gott mark hjá FHingum. Atli Guðnason vann boltann á miðjum vellinum, sendi upp á hægri kantinn á Albert Brynjar sem fór upp að endamörkum, sendi fyrir, Emil Pálsson hoppaði yfir boltan og þá var Atli Guðnason kominn á svæðið og renndi boltanum í markið.
87. mín
Inn:Jón Ragnar Jónsson (FH) Út:Atli Viðar Björnsson (FH)
Poppstjarnan Jón Jónsson fær að spila síðustu mínúturnar í dag. Hann kemur inn á hægri kantinn en ekki hægri bakvörðinn sem hann er vanur að spila.
91. mín Gult spjald: Brynjar Ásgeir Guðmundsson (FH)
Brynjar Ásgeir braut á Arnóri Ingva sem brunaði í átt að marki og átti aðeins eftir hann og Guðmann miðverði FH.
92. mín MARK!
Arnór Ingvi Traustason (Keflavík)
Arnór Ingvi tók spyrnuna sjálfur og skoraði með skoti sem fór með jörðinni og í bláhornið á markinu.
Leik lokið!
Leiknum er lokið með 2-4 sigri FH. Frekari umfjöllun og viðöl koma hér á Fótbolta.net síðar í dag.
Byrjunarlið:
Ólafur Páll Snorrason ('82)
3. Guðjón Árni Antoníusson
4. Pétur Viðarsson
11. Atli Guðnason
17. Atli Viðar Björnsson ('87)
21. Guðmann Þórisson
23. Brynjar Ásgeir Guðmundsson
25. Hólmar Örn Rúnarsson ('77)

Varamenn:
1. Róbert Örn Óskarsson (m)
8. Emil Pálsson ('77)
14. Albert Brynjar Ingason ('82)
16. Jón Ragnar Jónsson ('87)

Liðsstjórn:

Gul spjöld:
Brynjar Ásgeir Guðmundsson ('91)
Guðmann Þórisson ('83)

Rauð spjöld: