Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Víkingur R.
2
1
Fylkir
Agnar Darri Sverrisson '15 1-0
Aron Elís Þrándarson '63 2-0
2-1 Árni Freyr Guðnason '75
26.06.2012  -  20:00
Víkingsvöllur
Borgunarbikarinn
Aðstæður: Sól og blíða
Dómari: Magnús Þórisson
Maður leiksins: Aron Elís Þrándarson (Víkingur R.)
Byrjunarlið:
12. Halldór Smári Sigurðsson
21. Aron Elís Þrándarson ('88)
27. Tómas Guðmundsson
29. Agnar Darri Sverrisson ('60)

Varamenn:

Liðsstjórn:

Gul spjöld:
Evan Schwartz ('91)
Halldór Smári Sigurðsson ('83)
Hjörtur Júlíus Hjartarson ('52)

Rauð spjöld:
Fyrir leik
Kvöldið! Hér verður bein textalýsing frá leik Víkings R. og Fylkis en um er að ræða síðasta leikinn í 16-liða úrslitum Borgunarbikars karla.
Fyrir leik
Ólafur Þórðarson, þjálfari Víkings, tekur út leikbann í kvöld gegn sínum gömlu félögum í Fylki. Helgi Sigurðsson stýrir liðinu í hans stað.
Fyrir leik
Reynir Leósson er mættur aftur í leikmannahóp Víkings eftir að hafa tekið út leikbann í síðasta leik. Reynir byrjar á bekknum í kvöld.
Fyrir leik
Víkingur R. sigraði Fjölni 2-0 í 32-liða úrslitunum á meðan Fylkismenn unnu FH í vítaspyrnukeppni þar sem gamla kempan Kristján Finnbogason var hetjan. Kristján er á varamannabekknum í kvöld.
Fyrir leik
Sól og blíða í Víkinni og toppaðstæður.
Fyrir leik
Leikurinn er hafinn!
3. mín
Heimamenn byrja leikinn af meiri krafti og komast nálægt því að skora. Bjarni Þórður Halldórsson kýlir boltann út í teiginn eftir hornspyrnu og Aron Elís Þrándarson fær færi í kjölfarið en Ásgeir Börkur Ásgeirsson bjargar á línu.
8. mín
Björgólfur Takefusa spilar í liði Fylkis í dag þrátt fyrir að vera á láni hjá Árbæingum frá Víkingi.
10. mín
Björgólfur stimplar sig inn. Klobbar varnarmann Víkinga laglega og á þrumuskot utarlega úr teignum sem Magnús Þormar slær síðan út í teiginn. Magnús stendur í markinu í dag eftir að hafa verið á bekknum hingað til í fyrstu deildinni hjá Víkingi.
15. mín MARK!
Agnar Darri Sverrisson (Víkingur R.)
Hinn 17 ára gamli Agnar Darri nýtir tækifærið í byrjunarliðinu vel með því að skora fyrir Víking. Í kjölfarið á hornspyrnu barst boltinn aftur inn á teiginn þar sem Þorvaldur Sveinn Sveinsson skallaði fyrir markið á Agnar Darra sem átti ekki í vandrðæum með að skora af stuttu færi.
17. mín
Víkingar gera sig líklega aftur. Aron Elís á skalla sem Bjarni Þórður slær í horn.
Oddur Guðmundsson:
Er Egill Atla ekkert að kidda með þetta snæri á hausnum? #ljótt #fotbolti #stutthærður
25. mín
Fylkismenn nálægt því að jafna. Tómas Joð á fyrirgjöf sem Björgólfur Takefusa tekur laglega niður. Hann snýr baki í markið og gefur út á Finn Ólafsson sem er í fínu færi en Egill Atlason nær að skalla boltann í horn.
34. mín
Fylkismenn eru meira með boltann en eru lítið að ógna.
41. mín
Leikurinn er hálfgert svefnmeðal í augnablikinu. Fylkismenn halda boltanum löngum stundum en ógna áfram lítið. Víkingar eru sáttir svona.
43. mín
Fylkismenn hársbreidd frá því að jafna! Davíð Þór Ásbjörnsson á þrumuskot fyrir utan vítateig og boltinn fer í slána og út. Þvílík negla!
45. mín
Hálfleikur - Heimamenn leiða 1-0 í leikhléi eftir frekar tíðindalítinn fyrri hálfleik. Agnar Darri Sveinsson skoraði eina markið eftir korters leik. Fylkismenn þurfa að spýta í lófana í síðari hálfleik ef þeir ætla ekki að ljúka keppni í Borgunarbikarnum í ár.
46. mín
Síðari hálfleikurinn er hafinn!
52. mín Gult spjald: Hjörtur Júlíus Hjartarson (Víkingur R.)
Íþróttafréttamaðurinn Hjörtur Júlíus Hjartarson er fyrstur í bókina í dag. Hann fær gula spjaldið hjá kokkinum Magnúsi Þórissyni fyrir að sparka Ingimund Níels Óskarsson niður. Hjörtur viðurkennir brot sitt fúslega.
59. mín
Fylkismenn aftur hársbreidd frá því að jafna. Eftir mikinn darraðadans á vítateignum fær Davíð Þór fínt færi en skot hans fer í stöng og út!
60. mín
Inn:Patrik Snær Atlason (Víkingur R.) Út:Agnar Darri Sverrisson (Víkingur R.)
60. mín
Inn:Sigurður Egill Lárusson (Víkingur R.) Út:Hjalti Már Hauksson (Víkingur R.)
63. mín MARK!
Aron Elís Þrándarson (Víkingur R.)
Skrautlegt mark hjá Víkingi. Hjörtur Júlíus Hjartarson á aukaspyrnu af um 25 metra færi en spyrnan er arfaslök og fer í vegginn. Boltinn berst hins vegar á Aron Elís Þrándarson sem er í fínu færi og rennir boltanum framhjá Bjarna Þórði í markinu. 2-0 fyrir Víkingi og útlit fyrir óvænt úrslit hér í Fossvoginum.
66. mín Gult spjald: Tómas Joð Þorsteinsson (Fylkir)
Þórður Helgi Þórðarson útvarpsmaður á Rás2:
Gaman að sjá Ásgeir Börk KRráta undan heljarmenninu @hjorturh #Grjótharður
68. mín
Inn:Árni Freyr Guðnason (Fylkir) Út:Ásgeir Örn Arnþórsson (Fylkir)
Fylkismenn henda í 4-4-2. Árni Freyr fer upp á topp, Björgólfur í holuna og Davíð Þór fer í bakvörðinn fyrir Ásgeir.
70. mín Gult spjald: Ásgeir Börkur Ásgeirsson (Fylkir)
71. mín
Aukin harka er að færast í leikinn. Patrik Snær liggur eftir í kjölfarið á atviki sem átti sér stað þegar boltinn var annars staðar á vellinum. Magnús dómari tók ekki eftir atvikinu frekar en aðstoðarmenn hans.
74. mín
Þorvaldur Sveinn á skot eftir góðan undirbúning hjá Aroni Elís. Bjarni Þórður ver boltann út í teiginn á Hjört sem skýtur síðan í hliðarnetið úr þröngu færi.
75. mín MARK!
Árni Freyr Guðnason (Fylkir)
Árni Freyr stimplar sig inn með marki. Björgólfur vippar boltanum inn á teiginn þar sem Árni afgreiðir boltann innanfótar á lofti í netið. 2-1 og Fylkismenn komnir aftur inn í leikinn!
Tómas Þór Þórðarson:
Takefusa með assist. Bjó til mark.
83. mín Gult spjald: Halldór Smári Sigurðsson (Víkingur R.)
Halldór Smári í bókina fyrir að tefja.
84. mín
Inn:Magnús Þórir Matthíasson (Fylkir) Út:Ingimundur Níels Óskarsson (Fylkir)
84. mín
Inn:Kjartan Ágúst Breiðdal (Fylkir) Út:Jóhann Þórhallsson (Fylkir)
Ásmundur Arnarsson gerir tvöfalda breytingu. Fylkismenn hafa nokkrar mínútur til að ná jöfnunarmarki og knýja fram framlengingu.
87. mín
Fylkismenn fá aukaspyrnu nánast við vítateigslínuna en Björgólfur þrumar í vegginn.
88. mín
Inn:Jón Guðbrandsson (Víkingur R.) Út:Aron Elís Þrándarson (Víkingur R.)
90. mín
Magnús bætir fimm mínútum við. Fylkismenn hafa nægan tíma til að jafna!
91. mín Gult spjald: Evan Schwartz (Víkingur R.)
94. mín
Leiknum er lokið með 2-1 sigri Víkings, óvænt úrslit í Fossvoginum. Nánar verður fjallað um leikinn hér á Fótbolta.net síðar í kvöld.
Byrjunarlið:
Bjarni Þórður Halldórsson
Kristján Valdimarsson
4. Finnur Ólafsson
7. Ingimundur Níels Óskarsson ('84)
10. Ásgeir Börkur Ásgeirsson
16. Tómas Joð Þorsteinsson
17. Davíð Þór Ásbjörnsson
49. Ásgeir Örn Arnþórsson ('68)

Varamenn:
2. Ásgeir Eyþórsson
11. Kjartan Ágúst Breiðdal ('84)
24. Elís Rafn Björnsson

Liðsstjórn:

Gul spjöld:
Ásgeir Börkur Ásgeirsson ('70)
Tómas Joð Þorsteinsson ('66)

Rauð spjöld: