Malen, Maguire, Rashford, Greenwood, Yoro, Eriksen og fleiri góðir í slúðri dagsins
KR
2
1
Fylkir
0-1 David Elebert '39
Óskar Örn Hauksson '57 1-1
Þorsteinn Már Ragnarsson '79 2-1
05.07.2012  -  19:15
KR-völlur
Pepsi-deild karla
Aðstæður: Flottar.
Dómari: Valgeir Valgeirsson
Áhorfendur: 1489
Maður leiksins: Hannes Þór Halldórsson (KR)
Byrjunarlið:
2. Grétar Sigfinnur Sigurðarson
8. Þorsteinn Már Ragnarsson
11. Emil Atlason
21. Guðmundur Reynir Gunnarsson
22. Óskar Örn Hauksson (f)
23. Atli Sigurjónsson ('69)

Varamenn:
3. Haukur Heiðar Hauksson
5. Egill Jónsson
6. Gunnar Þór Gunnarsson ('29)
8. Baldur Sigurðsson ('46)
18. Aron Bjarki Jósepsson

Liðsstjórn:
Viktor Bjarki Arnarsson (Þ)

Gul spjöld:

Rauð spjöld:
Fyrir leik
Kvöldið! Hér verður bein textalýsing frá leik KR og Fylkis í 10. umferð Pepsi-deildar karla.
Fyrir leik
KR er fyrir leikinn með 19 stig í öðru sæti deildarinnar og geta með sigri komist á toppinn þar sem FH spilar ekki í kvöld. Fylkir er hins vegar með 13 stig í sjöunda sætinu.
Fyrir leik
Nokkrar breytingar eru á báðum liðum frá því í síðasta leik enda stutt á milli leikja þessa dagana. Bjarni Guðjónsson fyrirliði KR kemur aftur inn í liðið eftir meiðsli en Kjartan Henry Finnbogason er hins vegar ekki með vegna meiðsla. Dofri Snorrason og Atli Sigurjónsson koma einnig inn í liðið en Baldur Sigurðsson og Viktor Bjarki Arnarsson detta út.
Fyrir leik
Hjá Fylki koma Kristján Valdimarsson, Ingimundur Níels Óskarsson, Tómas Joð Þorsteinsson og Jóhann Þórhallsson inn í liðið fyrir Finn Ólafsson, Björgólf Takefusa, Magnús Þóri Matthíasson og Árna Frey Guðnason.
Fyrir leik
N1 mótið er í gangi á Akureyri og vöntun er á boltasækjurum. Hlynur Valsson bendir áhugasömum krökkum á að fara inn í félagsheimili KR til að sækja um stöðuna.
Fyrir leik
Björn Jónsson er ennþá að jafna sig af meiðslum en hann er þrátt fyrir það mættur í KR-treyjunni út á völl þar sem hann leikur sínar með boltann.
Fyrir leik
Innan við 1000 áhorfendur hafa mætt á síðustu tvo heimaleiki KR. Mætingin ætti hins vegar að verða betri í kvöld enda leiktíminn hentugri en í síðustu leikjum.
Fyrir leik
Kristinn Kjærnested, formaður knattspyrnudeildar KR, kemur færandi hendi fyrir leik og afhentir sextugsafmælisgjöf. Kalli, sem sér um vallarklukkuna á KR-velli, á afmæli.
Fyrir leik
Mínútu þögn er fyrir leik til minningar um Þorsteinn Kristjánsson, Steina Klaka, sem lést á dögunum eftir langvarandi veikindi. Þorsteinn lék með KR á sínum tíma og var meðal annars í liði sem varð Íslandsmeistari með fullt hús stiga.
1. mín
Leikurinn er hafinn!
10. mín
Tíðindalítið fyrstu tíu mínúturnar hér í Vesturbæ.
14. mín
Fyrsta færi leiksins og það er Fylkismanna. Jóhann Þórhallsson fær fínt skallafæri eftir fyrirgjöf frá Ingimundi Níels en Hannes Þór Halldórsson ver.
20. mín
Grétar Sigfinnur Sigurðarson skoraði eftir hornspyrnu í síðasta leik KR og hann fær hér fínt færi til að endurtaka leikinn. Hornspyrnan kom á fjær þar sem Magnús Már Lúðvíksson skallaði fyrir á Grétar en skalli hans fór yfir markið.
25. mín
Davíð Þór Ásbjörnsson brýtur á Bjarna Guðjónssyni sem liggur eftir. KR-ingar vilja spjald en Valgeir Valgeirsson er alveg til í að leyfa smá hörku og hann geymir spjöldin. Rhys Weston miðvörður KR liggur einnig meiddur á vellinum og meiðsli hans virðast vera verri en hjá Bjarna.
27. mín
Bjarni Guðjónsson á flotta sendingu inn á Emil Atlason sem kemst í fínt færi en Bjarni Þórður Halldórsson sér við honum og ver í horn.
29. mín
Inn:Gunnar Þór Gunnarsson (KR) Út:Rhys Weston (KR)
Rhys Weston fer af velli vegna meiðsla í læri.
30. mín
Þorsteinn Már Ragnarsson er dæmdur rangstæður og Páll Sævar Guðjónsson í KR-útvarpinu er allt annað en ánægður með þann dóm. Páll er einnig óánægður með hvernig línurnar eru í vellinum en hann myndi hátta slættinum öðruvísi. Páll lýsir leiknum í KR-útvarpinu í dag í fjarveru Bjarna Fel.
39. mín MARK!
David Elebert (Fylkir)
Fylkismenn ná forystunni! Ingimundur Níels Óskarsson á aukaspyrnu nálægt endalínu hægra megin og hann sendir fínan bolta inn á teig þar sem írski miðvörðurinn David Elebert skorar með hörkuskalla.
41. mín
Elebert hefur verið eins og klettur í vörn Fylkis í undanförnum leikjum. Þrátt fyrir að margir haldi að hann sé eldri þá er þessi öflugi leikmaður 26 ára gamall.
45. mín
Fylkismenn nálægt því að skora aftur. Davíð Þór Ásbjörnsson á hörkuskot fyrir utan teig sem Hannes Þór slær í horn. Davíð er með magnaðan skotfót og hann hefur verið að valda usla með honum í sumar.
Benedikt Bóas Hinriksson:
Það er einhver slæm ára yfir KR liðinu. Sendingar lélegar og liðið virkar þreytt og þungt. Stúkan er heldur ekkert að hjálpa.
46. mín
Hálfleikur. Fylkismenn enduðu fyrri hálfleikinn af miklum krafti og náðu verðskuldað forystunni. KR-liðið virkar þreytt og meira bit vantar í sóknarleik þeirra. Spurning er hvort Íslands og bikarmeistararnir nái að mæta grimmari til leiks í síðari hálfleiknum.
46. mín
Inn:Baldur Sigurðsson (KR) Út:Dofri Snorrason (KR)
Síðari hálflekurinn er hafinn. Dofri var ekki að finna sig og Smalinn kemur inn. Baldur spilar framarlega á miðjunni og Emil tekur stöðu Dofra á kantinum.
51. mín
Óskar Örn Hauksson fær fyrsta færið í síðari hálfleiknum en hann þrumar boltanum framhjá markinu úr nokkuð þröngu færi.
54. mín
KR-ingar fá víti. Kristján Valdimarsson fer klaufalega aftan í Þorstein Má Ragnarsson. Kristján liggur meiddur eftir og kallað er á sjúkrabörur. Enginn Kjartan Henry í liði KR í dag og því spurning hver fer á punktinn.
57. mín MARK!
Óskar Örn Hauksson (KR)
Óskar Örn fer á punktinn og skorar af öryggi!
58. mín
Inn:Finnur Ólafsson (Fylkir) Út:Kristján Valdimarsson (Fylkir)
Kristján fer meiddur af velli og Finnur leysir hann af hólmi. Finnur fer á miðjuna og Davíð Þór Ásbjörnsson dettur niður í vörnina.
61. mín
Fylkismenn nálægt því að endurheimta forystuna. Eftir fína skyndisókn kemst Oddur Ingi Guðmundsson framhjá Gunnari Þór Gunnarssyni og á skot sem Grétar Sigfinnur Sigurðarson bjargar á línu. Einhverjir Fylkismenn vilja hendi á Grétar en Valgeir dæmir ekkert.
65. mín
Jóhann Þórhallsson á skot úr vítateigsboganum sem Hannes nær að verja.
67. mín
Óskar Örn á skalla úr dauðafæri en Bjarni Þórður slær boltann í horn.
69. mín
Inn:Viktor Bjarki Arnarsson (KR) Út:Atli Sigurjónsson (KR)
Síðasta skipting KR-inga....
74. mín
Inn:Björgólfur Takefusa (Fylkir) Út:Oddur Ingi Guðmundsson (Fylkir)
79. mín MARK!
Þorsteinn Már Ragnarsson (KR)
Þorsteinn Már kemur KR-ingum yfir. Þorsteinn fékk langa sendingu inn á vítateiginn hægra megin. Þar fékk hann tíma til að athafna sig og skora með vinstri fótar skoti í fjærhornið. Frábærlega gert hjá Þorsteini sem hefur verið iðinn við kolann að undanförnu.
Oddur Guðmundsson:
Hinn íslenski Torres að koma KR-ingum yfir! #fagmaður #4íröð #fotbolti
81. mín
1489 áhorfendur á vellinum í dag.
83. mín
KR-ingar nálægt því að bæta við þriðja markinu en bæði Baldur Sigurðsson og Emil Atlason missa af boltanum eftir fyrirgjöf frá hægri.
84. mín Gult spjald: Bjarni Þórður Halldórsson (Fylkir)
Valgeir hefur sparað spjöldin í dag og leyft mönnum að komast upp með tæklingar. Bjarni Þórður fer í bókina fyrir kjaft.
85. mín
Inn:Magnús Þórir Matthíasson (Fylkir) Út:Kjartan Ágúst Breiðdal (Fylkir)
86. mín
Björgólfur Takefusa á flottan sprett og síðan skot sem fer í varnarmann og aftur fyrir endamörk.
90. mín
Fylkismenn sækja stíft í leit að jöfnunarmarki.
90. mín
Sex mínútum er bætt við venjulegan leiktíma. Meiðsli Kristjáns spila þar mikið inn í.
90. mín
Fylkismenn eru æfir út í Valgeir dómara! Bæði Björgólfur Takefusa og Magnús Þórir Matthíasson falla nálægt vítateigslínunni. Valgeir dómari dæmir ekki brot á KR heldur endar á því að flauta hendi á Matthías. Fylkismenn hefðu átt að fá meira fyrir sinn snúð þarna.
90. mín Gult spjald: Tómas Joð Þorsteinsson (Fylkir)
Tómas Joð tekur eina fullorðins tæklingu á Magga Lú út við hornfána.
Leik lokið!
Leik lokið með 2-1 sigri KR-inga. Seiglusigur hjá Vesturbæingum sem hafa oft leikið betur en í dag. Nánar verður fjallað um leikinn hér á Fótbolta.net síðar í kvöld.
Byrjunarlið:
Bjarni Þórður Halldórsson
Kristján Valdimarsson ('58)
Oddur Ingi Guðmundsson ('74)
4. Andri Þór Jónsson
7. Ingimundur Níels Óskarsson
10. Ásgeir Börkur Ásgeirsson
11. Kjartan Ágúst Breiðdal ('85)
16. Tómas Joð Þorsteinsson
17. Davíð Þór Ásbjörnsson

Varamenn:
4. Finnur Ólafsson ('58)
24. Elís Rafn Björnsson

Liðsstjórn:

Gul spjöld:
Tómas Joð Þorsteinsson ('90)
Bjarni Þórður Halldórsson ('84)

Rauð spjöld: