Leikurinn er hafinn hérna á Vilhjálmsvelli þar sem heimamenn taka á móti toppliði Víkings frá Ólafsvík

Fyrsta færi leiksins eiga Ólafsvíkingar en Anton ver skot þeirra virkilega vel í horn. Þessi ungi markvörður hefur staðið sig virkilega vel í síðustu leikjum

Hattarmenn spila 4-3-3 hérna í dag en þeir hafa verið með 5 manna vörn í síðustu leikjum. Þeir eru farnir að átta sig á því að þeir þurfa 3 stig í botnbaráttunni

Víkingar byrja mun betur og virðast ætla að stjórna leiknum, gera það minnsta kosti fyrstu mínúturnar. Hattarmenn eiga erfitt með að halda boltanum.

Þetta er auðvitað gríðarlega mikilvægur leikur fyrir bæði lið, Víkingar í baráttu um sæti í Pepsi deildinni og Hattarar berjast fyrir lífi sínu

Höttur fær skotfæri inn í teig og boltinn virðist fara í hendi eins Ólafsvíkingsins en dómarinn dæmir horn. Hattarmenn æsa sig lítillega. Hornspyrnan rennur út í sandinn

Fólk er enn að týnast á völlinn. Leiðinlegur ávani hjá Héraðsbúum að mæta of seint á völlinn

Hattarmenn með álitlega sókn en Davíð nýr leikmaður Hattar á lélega sendingu fyrir og því rennur sóknin út í sandinn.

Haukur Kjerúlf er mættur og búinn að opna sjoppuna! Nú fara hlutirnir að gerast

Þetta er ósköp jafn núna. Hattarar garga á dómarann hvað eftir annað á meðan Víkingar beita löngum sendingum sem að Högni Helgason skallar frá hvað eftir annað

Höttur er að reyna að halda boltanum en töluvert mikið er um sendingafeila. Gaman að sjá Hattarliðið fara fram yfir miðju aftur eftir frekar mikinn varnarleik í síðustu leikjum

Víkingar nálægt því að komast í gegn eftir skyndisókn. þrír gegn þremur en boltamaðurinn valdi rangan kost til að senda á áhorfendum á Villa Park til mikillar gleði.

Stefán Eyjólfs með frábæra sendingu innfyrir á Elvar sem leikur á varnarmann Víkings og skýtur svo yfir, mjög fín sókn Hattar

DAUÐAFÆRI hinum meginn, Víkingar brunuðu í sókn og eiga skot af markteig sem fer af varnarmanni Hattar og í horn.

Eiga svo annað skot skömmu síðar sem Anton í markinu ver ágætlega með fætinum

Víkingar eru mjög fastir fyrir og ætla greinilega ekki að gefa neitt, en mér finnst Hattarmenn væla full mikið í stað þess að mæta þeim eins og karlmenn eins og Þórður Þórðar mundi kalla það

Björn Pálsson tæklaði Ragnar leikmann Hattar rétt áðan en núna hefnir Jónas Ástþór fyrir liðsfélaga sinn og fer harkalega í Björn. Dómarinn ætlar að bíða með spjöldin þrátt fyrir nokkur klaufaleg brot hérna í dag

Jónas á góða sendingu innfyrir á Elvar Þór sem fer aleinn í gegn og Einar ver skot hans en boltinn virtist á leið í markið en þá kemur einn varnarmaður Víkings og bjargar á línu.
Þetta kom eins og þruma úr heiðskýru lofti enda alltaf heiðskýrt á Egilsstöðum

Hattarmenn ekki sáttir við Elmar hægri bakvörð. Hann reynir hvað eftir annað að fara sjálfur og er mjög framarlega á hægri vængnum. Þetta minnir helst á Björgvin Karl Gunnarsson hérna í den tid

Víkingar við það að sleppa í gegn eftir skyndisókn en Ragnar Pétursson bjargar vel. Leikurinn er frekar opinn og fjörugur helst til of opinn fyrir Hattarmenn ef þeir ætla sér þrjú stig hérna á heimavelli

Löng sending innfyrir vörn Hattar þar sem Birkir virðist vera með boltann en HRÆÐILEGUR skalli hans til baka fer fyrir lappir Guðmundar Steins sem sleppur einn gegn Antoni sem ver vel og heldur boltanum

Óliver Bjarki fyrrum markvörður Hattar minnir mig á það að Björgvin Karl skaut Hetti eitt sinn upp um deild með villtu hlaupi upp hægri vænginn. Hann er ekki kallaður Kalli kóngur fyrir ekki neitt

Jæja þá er það markamínútan mikla eins og Bjarni Fel kallaði þá fertugustu og þriðju. Hattarmenn vinna hér horn

Hornspyrnur Hattar sem hafa drifið yfir fremsta mann eru teljandi á fingrum annarar handar þetta sumarið. Girða sig í brók drengir

Það er kominn hálfleikur hérna fyrir austan og staðan 0-1 fyrir toppliði Víkings. Fólkið streymir í sjoppuna líkt og það sé verið að selja síðustu kleinuhringina í heiminum

Þórarinn Máni er mættur hérna í Vallarhúsið og úðar í sig kleinuhringjum. Hann verður kominn aftur á völlinn 2013 með þessu áframhaldi

Þá er leikurinn hafinn að nýju

DEDDARI það var Alfreð Már sem skallaði framhjá Hattarmarkinu eftir aukaspyrnu utan af velli. Það voru ekki nema 4-5 óvaldaðir Víkingar inn á teignum

Víkingar með laust skot úr teignum sem að Anton ver auðveldlega

Elvar Þór með langt innkast sem að berst fyrir fætur Stefáns en hægrifótar skot hans fer beint ´Einar í markinu

Hattarmenn sækja núna og fá aðra hornspyrnu sem er skölluð er frá og boltinn berst til Frikka sem þrumar yfir, ekki langt frá því að sparka uppað Fardagafossi

Víkingar fá dauðafæri. Skot þeirra rétt yfir og enn og aftur góð sókn upp hægri vænginn

Víkingar mun sterkari núna og hafa átt nokkur álitlega upphlaup sem hafa orðið að alvöru færum

Víkingar búnir að stjórna seinni hálfleik. Hattarmenn virðast vera hættir aðeins einn maður í hvítri treyju sem ennþá nennir að berjast og það er Ragnar Pétursson

Haukur Kjerúlf er farinn og þá er ekki annað hægt en að fylgja því eftir. Umfjöllun kemur inn síðar í kvöld