Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fjölnir
1
2
Höttur
0-1 Elvar Þór Ægisson '4
Kolbeinn Kristinsson '74 1-1
1-2 Elvar Þór Ægisson '76
01.09.2012  -  14:00
Fjölnisvöllur
1. deild karla
Dómari: Valgeir Valgeirsson
Byrjunarlið:
3. Bergsveinn Ólafsson (f)
10. Aron Sigurðarson ('71)
15. Haukur Lárusson
29. Guðmundur Karl Guðmundsson

Varamenn:
9. Bjarni Gunnarsson ('71)

Liðsstjórn:
Gunnar Sigurðsson
Guðmundur Þór Júlíusson

Gul spjöld:
Bergsveinn Ólafsson ('70)
Kolbeinn Kristinsson ('27)

Rauð spjöld:
Fyrir leik
Komiði sæl og verið velkomin í beina textalýsingu frá leik Fjölnis og Hattar í 1. deild karla. Liðin eru klár hér sitthvorum megin við textann.
Fyrir leik
Liðin ganga nú út á völlinn og leikurinn fer því senn að hefjast. Um 50 áhorfendur eru þegar mættir á Fjölnisvöll og vonandi að úr því rætist þegar leikurinn fer á fullt.
1. mín
Leikurinn er hafinn. Fjölnismenn byrja með boltann og leika í átt að Gullöldinni.
4. mín MARK!
Elvar Þór Ægisson (Höttur)
Gestirnir í Hetti eru þegar komnir yfir eftir fjögurra mínútna leik. Elvar Þór Ægisson lék með boltann fyrir utan vítateig Fjölnis og lét vaða upp í samskeytin fjær. Virkilega vel gert hjá Elvari.
6. mín
Höttur heldur áfram að sækja og núna átti Óttar Steinn Magnússon skalla að marki sem Marteinn Örn markvörður Fjölnis rétt náði að blaka yfir markið í horn. Ekkert varð úr hornspyrnunni.
11. mín
Leikurinn hefur verið stopp í smá tíma vegna meiðsla Marinó Þór Jakobssonar. Hann er kominn af velli í frekari aðhlynningu og leikurinn hafinn að nýju. Á meðan leikurinn var stopp hélt Ómar Hákonarson smá fund með liðsfélögum sínum úti á miðjum velli.
14. mín
Inn:Geir Kristinsson (Fjölnir) Út:Marinó Þór Jakobsson (Fjölnir)
Marinó varð að fara meiddur af velli.
19. mín Gult spjald: Ragnar Pétursson (Höttur)
Ragnar Pétursson braut illa á Guðmundi Karli í miðjuhringnum, Fjölnismenn héldu samt boltanum svo leikurinn fékk að ganga áfram og boltinn barst á Ómar Hákonarson sem setti hann í stöng og afturfyrir. Í kjölfar þess að leikur stöðvaðist fékk Ragnar áminningu fyrir tæklinguna.
22. mín
Stuðningsmenn í stúkunni við Fjölnisvöll virðast frekar á bandi gestanna í Hetti frá Egilsstöðum. Þeir eru um 30 manna hópur og láta í sér heyra í stúkunni.
26. mín
Vindurinn blæs hressilega á völlinn í Grafarvoginum og það er þungt yfir þó 12 stiga hiti.
27. mín Gult spjald: Kolbeinn Kristinsson (Fjölnir)
30. mín
Elvar Þór með gott skot að marki Fjölnis fyrir utan teig sem fór rétt framhjá markinu. Skömmu áður hafði Aron Sigurðsson átt skot hinum megin á vellinum sem fór beint á markvörð Hattar og skapaði engin vandræði.
31. mín
Ómar í mjög góðu færi í teignum eftir sendingu Guðmundar Karls frá vinstri en skot Ómars fór yfir markið.
36. mín
Jónas Ástþór Hafsteinsson skallaði rétt framhjá marki Fjölnis eftir sendingu Davíðs Einarssonar.
40. mín
Ómar Hákonarson er að koma sér í færin. Núna skallaði hann vel yfir markið eftir fyrirgjöf Arons af vinstri kanti.
41. mín Gult spjald: Högni Helgason (Höttur)
Högni fær áminningu fyrir brot á Viðari Arna rétt fyrir framan miðjuhringinn á vítateig Hattar.
44. mín
Fjölnismenn heimta vítaspyrnu eftir að Ómar Hákonarson og Veljko Bajkovic markvörður Hattar féllu í teignum í baráttu um að ná boltanum. Ómar var hinsvegar dæmdur sá brotlegi hjá Valgeiri Valgeirssyni dómara.
45. mín
Það er kominn hálfleikur í Grafarvogi. Gestirnir í Hetti hafa 0 - 1 forystu.
46. mín
Síðari hálfleikur er hafinn. Engar breytingar voru gerðar á liðunum.
49. mín
Ásgeir Aron með gott skot sem Bajkovic bjargaði í horn.
51. mín
Guðmundur Karl með skot í varnarmann og rétt framhjá. Fjölnismenn koma grimmari til leiks í seinni hálfleiknum.
55. mín
Aron skallaði framhjá marki Hattar.
58. mín
Það rignir mikið á Fjölnisvelli þar sem Fjölnismenn eru orðnir betra liði á vellinum og sækja miklu meira.
62. mín
Ragnar Pétursson skaut rétt framhjá marki Fjölnis.
63. mín
Aron skallaði rétt framhjá marki Hattar.
63. mín
Inn:Stefán Þór Eyjólfsson (Höttur) Út:Garðar Már Grétarsson (Höttur)
68. mín
Elvar Ægissson féll rétt fyrir utan teiginn eftir viðskipti við Hauk Lárusson sem var aftasti varnarmaður. Stóð upp en klúðraði boltanum. Hann vildi hinsvegar að Hauki yrði refsað en fékk ekki.
70. mín Gult spjald: Bergsveinn Ólafsson (Fjölnir)
71. mín
Inn:Bjarni Gunnarsson (Fjölnir) Út:Aron Sigurðarson (Fjölnir)
74. mín MARK!
Kolbeinn Kristinsson (Fjölnir)
Fjölnismenn jafna metin með frábæru marki Kolbeins Kristinssonar. Hann var með boltann nokkuð fyrir utan vítateig Hattar og lét vaða á fjær og beint í markið.
76. mín MARK!
Elvar Þór Ægisson (Höttur)
Hattarmenn voru nokkrar sekúndur að jafna metin. Í kjölfar miðjunnar fékk Elvar Ægisson sendingu inn fyrir vörn Fjölnis og afgreiddi færið vel. 1 - 2 fyrir Hött. Rétt rúmlega hálf mínúta á milli markanna.
78. mín
Viðar Ari með skot sem Bjakovic hélt ekki en náði að kasta sér á aftur áður en Fjölnismenn náðu til boltans.
79. mín
Inn:Runólfur Sveinn Sigmundsson (Höttur) Út:Jónas Ástþór Hafsteinsson (Höttur)
81. mín
Inn:Júlíus Orri Óskarsson (Fjölnir) Út:Geir Kristinsson (Fjölnir)
82. mín
Davíð Einason með skalla í stöng úr dauðafæri eftir fyrirgjöf Runólfs af hægri kanti.
87. mín
Fjölnismenn hafa sett Hauk Lárusson í framlínuna síðustu mínúturnar í von um að fá eitthvað út úr þessum leik.
90. mín
Ómar Hákonarson með slakan skalla úr góðu færi sem Bajkovic varði.
92. mín
Elvar með aukaspyrnu af góðum stað með grasinu en Marteinn náði að verja í horn.
94. mín
Stefán Eyjólfs í dauðafæri eftir undirbúning Davíðs en skaut framhjá
Leik lokið!
Leiknum er lokið Höttur vann 1 - 2 en þessi úrslit þýða að Þórsarar eru komnir í Pepsi-deildina og fagna mikið í Víkinni þessa stundina. Viðtöl og meiri umfjöllun hér á Fótbolta.net síðar í dag.
Byrjunarlið:
1. Veljko Bajkovic (m)
Garðar Már Grétarsson ('63)
Þórarinn Máni Borgþórsson
2. Birkir Pálsson
4. Óttar Steinn Magnússon
6. Davíð Einarsson
7. Ragnar Pétursson
10. Högni Helgason
11. Jónas Ástþór Hafsteinsson ('79)
20. Bjartmar Þorri Hafliðason
23. Elvar Þór Ægisson

Varamenn:
12. Anton Loftsson (m)
5. Runólfur Sveinn Sigmundsson ('79)
7. Jóhann Valur Clausen
8. Stefán Þór Eyjólfsson ('63)
14. Kristófer Örn Kristjánsson
19. Bjarni Þór Harðarson

Liðsstjórn:

Gul spjöld:
Högni Helgason ('41)
Ragnar Pétursson ('19)

Rauð spjöld: