Þór/KA
9
0
Selfoss
Tahnai Annis '29 1-0
Sandra María Jessen '36 2-0
Sandra María Jessen '39 3-0
Rebecca Johnson '49 4-0
5-0 Þóra Margrét Ólafsdóttir '61 , sjálfsmark
Katrín Ásbjörnsdóttir '68 6-0
Katrín Ásbjörnsdóttir '72 7-0
Sandra María Jessen '78 8-0
Katrín Ásbjörnsdóttir '83 9-0
04.09.2012  -  18:00
Þórsvöllur
Pepsi deild kvenna
Aðstæður: Góðar
Dómari: Vihelm Adolfsson
Áhorfendur: Rúmlega 1100
Maður leiksins: Kayle Grimsley
Byrjunarlið:
2. Gígja Valgerður Harðardóttir
4. Karen Nóadóttir ('65)
5. Tahnai Annis
8. Lára Einarsdóttir ('70)
10. Katrín Ásbjörnsdóttir
11. Arna Sif Ásgrímsdóttir (f)

Varamenn:
25. Helena Jónsdóttir (m)
8. Andrea Mist Pálsdóttir
22. Helena Rós Þórólfsdóttir
24. Arna Benný Harðardóttir ('70)

Liðsstjórn:
Ágústa Kristinsdóttir

Gul spjöld:

Rauð spjöld:
Fyrir leik
Komið sælir lesendur góðir. Eftir skamma stund hefst leikur Þórs/KA og Selfoss í Pepsi-deild kvenna. Bein textalýsing verður frá leiknum hér á Fótbolta.net.
Fyrir leik
Þetta er leikur í næstseinustu umferð Íslandsmótsins og er staða liðanna nokkuð ólík fyrir leikinn. Selfoss er í sjötta sæti með sextán stig og ekki laust við falldrauginn því fjögur stig eru í Aftureldingu í 9. sæti.

Þór/KA er hins vegar í efsta sæti deildarinnar með fjögurra stiga forskot á sitjandi Íslandsmeistara Stjörnurnnar. Það er því ljós að sigri Þór/KA leikinn í kvöld, eða misstígi Stjarnan sig gegn ÍBV, þá fer bikarinn á loft eftir leik.
Fyrir leik
Byrjunarliðin eru komin í hús. Fyrirliði Þórs/KA er Arna Sif Ásgrímsdóttir en fyrirliði gestanna er Þóra Margrét Ólafsdóttir.
Fyrir leik
Þess má til gamans geta að Björn Kristinn Björnsson, þjálfari Selfoss, stýrði liði Þórs/KA/KS fyrir átta árum síðan í einum leik. Þá átti liðið áskrift að neðri hluta deildarinnar en nú er öldin önnur.
Fyrir leik
Í þessum rituðu orðum eru liðin að ganga inn á völlinn. Alls 500 manns eru mættir á völlinn og eru enn að streyma að enda möguleiki á fyrsta titli Þórs/KA.
1. mín
Leikurinn er hafinn! Þór/KA byrjar með boltann og sækir í áttina að Hamri.
1. mín
Þetta byrjar af krafti! Sandra María Jessen geystist upp vinstri kanntinn framhjá tveimur varnarmönnum Selfoss en náði ekki að gera sér mat úr þessu.
3. mín
Arna Sif með aukaspyrnu sem ratar til Kayle Grimsley en skot hennar yfir.
8. mín
Liðin skiptast á um að sækja. Fyrst fékk Þór/KA hornspyrnu eftir sprett Gígju Valgerðar og örskömmu síðar fengu gestirnir hornspyrnu eftir enn betri sprett Evu Lindar. Og andartaki síðar var Kayle Grimsley komin í hálffæri. Allt útlit fyrir opinn og skemmtilegan leik.
11. mín
Kayle Grimsley með glæsilegt hlaup upp hægri kantinn sendi boltann fyrir markið í áttina að Söndru og Katrínu en Nicole í markinu komst í veg fyrir sendinguna.
12. mín
Vallarþulurinn var að biðja fólk um að þjappa í stúkunni. Ég er ekki frá því að það sé fleira fólk í stúkunni en þegar Þór og KA mætast.
13. mín
Sandra María sloppin ein í gegn en lætur Nicole verja frá sér! Kjörin markfæri. Rebecca Johnson var mætt í frákastið en Nicole kastaði sér í veg fyrir boltann og lá óvíg eftir. Hún er þó staðin á fætur núna og virðist ætla að halda áfram.
18. mín
Rebecca Johnson með skot rétt yfir eftir hornspyrnu Kayle Grimsey. Heimastúlkur virðast líklegri í augnablikinu.
19. mín
Frá Teppinu í Garðabæ er þetta helst; Soffía Gunnarsdóttir var að koma ÍBV yfir svo eins og staðan er núna þá er Þór/KA sigurvegari Pepsi deildarinnar. Uppfært, tvö núll fyrir Eyjastúlkur. Shaneka Gordon með markið.

Frá Akureyri; Sandra María átti eiga skot yfir markið eftir sendingu frá Grimsley.
25. mín
Selfyssingar að ógna með tvö ágæt skot á skömmum tíma. Fyrst Katrtrín Ýr beint á Chantel og síðan Thelma Sif en hennar skot svipaða leið.
26. mín
Þau verða ekki mikið betri færin en þetta! Katrín Ásbjörns með sendingu inn á títtnefnda Grimley en skot hennar framhjá!

Selfyssingar geysast upp í sókn með sendingu fyrir markið og ná skalla sem endar í stönginni!
29. mín MARK!
Tahnai Annis (Þór/KA)
Kayle Grimsley með enn einn sprettinn upp hægri kantinn, sendingin fyrir fór á Söndru Maríu sem náði ekki almennilegu skoti. Boltinn barst milli kvenna og endaði á Tahnai Annis sem skoraði auðveldlega.
31. mín
Fyrirliðinn Arna Sif með gullbolta innfyrir vörn Selfyssinga. Þar var Sandra María mætt en var klaufi að ná ekki að nýta sér þetta.
33. mín
Katrín Ýr heldur áfram að skjóta að marki Þórs/KA en gengur illa að hitta á rammann.
36. mín MARK!
Sandra María Jessen (Þór/KA)
Katrín Ásbjörnsdóttir með afar góða sendingu innfyrir vörn Selfoss þar sem Sandra María var mætt. Í þetta sinn grði hún engin mistök og lagði boltann í markið. Þetta var fimmtánda mark Söndru á tímabilinu og er hún nú aðeins marki á eftir Elín Mettu Jensen úr Val í keppninni um markakóngstitilinn.
39. mín MARK!
Sandra María Jessen (Þór/KA)
Þetta fer að verða nokkuð öruggt. Nær endurtekning á öðru markinu nema núna sendi Kayle Grimsley boltann innfyrir og Sandra lyfti honum fyrir Nicole í markinu. Sandra og Elín Metta nú jafnar með sextán mörk.
40. mín
Leikmenn Selfoss skelltu í smá liðsfund á miðjum vellinum líkt eftir markið. Minnti nokkuð á það þegar Phil Brown messaði yfir sínum mönnum í Hull á miðjum vellinum þegar liðið var að eiga slakan dag í ensku úrvalsdeildinni.
43. mín
Eva Lind með bjánalega góðan sprett upp vinstri kanntinn hjá Selfyssingum. Átti ekkert eftir nema að setja boltann framhjá Jones í markinu. Skotið var slakt og Jones greip boltann.
45. mín
Annað skot Selfyssinga í rammann! Melanie Adelman lék lausum hala í teignum með skot sem endaði í slánni!
45. mín
Hálfeikur kominn.
45. mín
Það bendir flest til þess að Þór/KA muni hafa sigur hér í kvöld og auk þess er ÍBV með tveggja marka forskot gegn Stjörnunni. Það verður að teljast líklegt að bikarinn fari á loft eftir leikinn.
45. mín
Það eru 1100 manns á leiknum! Þetta er annar fjölmennasti leikur sumarsins á Þórsveli á eftir grannaslagnum Þór - KA
46. mín
Seinni hálfleikur er hafinn.
49. mín MARK!
Rebecca Johnson (Þór/KA)
Fjögur núll! Katrín Ásbjörnsdóttir með aðra gullsendingu á Rebecca Johnson sem var aaaaaalein og klobbaði McClure. Óhætt að fullyrða að vinstri bakvörður gestanna hafi sofnað á verðinum þarna.
51. mín
Inn:Dagný Pálsdóttir (m) (Selfoss) Út:Nicole McClure (Selfoss)
Nicole markvörður kennir sér meins. Fékk högg í fyrri hálfleik og fer vönkuð af velli. Inn á kemur Dagný Pálsdóttir.
54. mín
Skelfilega gert hjá Kayle Grimsley! Sending innfyrir vörn Selfoss þar sem þrjár heimastúlkur hefðu getað tkeið boltann en héldu að þær væru rangstæðar. Vinstri barvörðurinn Anna María spilaði þær allar réttstæðar. Grimsley fékk boltann en afgreiðsla hennar var ekki til útflutnings.
59. mín
Það er komið þrjú núll í Garðabænum fyrir ÍBV. Það þarf eitthvað stórkostlegt að gerast til að bikarinn renni úr greipum Akureyringa úr þessu.
61. mín SJÁLFSMARK!
Þóra Margrét Ólafsdóttir (Selfoss)
Sjálfsmark! Fyrirliði gestanna, Þóra Margrét, sendi boltann í eigið net eftir aukaspyrnu Kayle Grimsley.
65. mín
Inn:Þórhildur Ólafsdóttir (Þór/KA) Út:Karen Nóadóttir (Þór/KA)
65. mín
Guðmunda Brynja Óladóttir með eitt besta færi gestanna í leiknum. Eva Lind hljóp upp vinstri kantinn, sendi fyrir þar sem Guðmunda var mætt. Skot hennar yfir.
66. mín
Inn:Karen Inga Bergsdóttir (Selfoss) Út:Fransiska Jóney Pálsdóttir (Selfoss)
68. mín MARK!
Katrín Ásbjörnsdóttir (Þór/KA)
Kayle Grimsley með stoðsendinguna. Komst upp að endamörkum, sendi út í teiginn á Katrínu sem skoraði sitt tíunda mark í sumar.
69. mín Gult spjald: Valorie O'Brien (Selfoss)
70. mín
Inn:Arna Benný Harðardóttir (Þór/KA) Út:Lára Einarsdóttir (Þór/KA)
70. mín
Inn:Elva Marý Baldursdóttir (Þór/KA) Út:Rebecca Johnson (Þór/KA)
72. mín MARK!
Katrín Ásbjörnsdóttir (Þór/KA)
Gígja Valgerður, sem er komin í hægri bakvörðinn í stað Láru, komst að endalínu og sendi fyrir. Boltinn lak í gegnum teiginn og endaði á fjærstönginni þar sem Katrín skoraði sitt annað mark.
73. mín
Inn:Íris Sverrisdóttir (Selfoss) Út:Thelma Sif Kristjánsdóttir (Selfoss)
Seinasta skipting leiksins.
75. mín
Úr Garðabæ er það að frétta að Stjarnan hefur minnkað muninn gegn ÍBV. Þær eiga þó enn eftir að skora minnst tvö mörk til að halda lífi í titilvonum sínum auk þess sem Selfoss þarf að skora átta mörk. Með fullri virðingu fyrir þeim og þó þær hafi verið mjög nálægt því að skora í þrígang þá sé ég það ekki gerast.
78. mín MARK!
Sandra María Jessen (Þór/KA)
Sandra María fullkomnar þrennuna og það er mjög svipað öðrum mörkum leiksins. Kayle Grimley með grimman sprett upp hægra megin og sendir fyrir. Sandra orðin markahæsti maður Íslandsmótsins ef mér skjátlast ekki.
83. mín MARK!
Katrín Ásbjörnsdóttir (Þór/KA)
Tvær þrennur komnar í leikinn! Katrín Ásbjörns afgreiddi boltann fáránlega vel þarna. Kominn með þrjú mörk og tvær stoðsendingar. Það er ásættanlegt.
88. mín
Vallarþulurinn biður fólk um að yfirgefa völlinn ekki fyrr en bikarinn er farinn á loft. Fátt getur komið í veg fyrir það núna.

Melanie Adelman átti hér afar gott skot sem Jones varði stórvel.
89. mín
Sandra með sendingu á Katrínu sem endir á Gígju sem hefði hæglega getað skorað tíunda markið.
92. mín
Meistaraflokkur karla er mættur og kveikir á rauðum blysum að leik loknum!

Maður leiksins: Kayle Grimsley (fimm stoðsendingar), Sandra María (þrenna) og Katrín Ásbjörns (þrenna og tvær stoðsendingar) meiga eiga þetta saman. Liðið átti samt þennan leik.
Leik lokið!
Þór/KA er sigurvegari Pepsi deildar kvenna árið 2012!!!!!
Byrjunarlið:
1. Nicole McClure (m) ('51)
Katrín Ýr Friðgeirsdóttir
Anna María Friðgeirsdóttir
3. Fransiska Jóney Pálsdóttir ('66)
6. Þóra Margrét Ólafsdóttir
10. Guðmunda Brynja Óladóttir
11. Thelma Sif Kristjánsdóttir ('73)
20. Valorie O'Brien
26. Melanie Adelman

Varamenn:
1. Dagný Pálsdóttir (m) ('51)
8. Íris Sverrisdóttir ('73)
11. Karen Inga Bergsdóttir ('66)

Liðsstjórn:
Erna Guðjónsdóttir

Gul spjöld:
Valorie O'Brien ('69)

Rauð spjöld: