Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fylkir
3
2
KR
Björgólfur Takefusa '35 1-0
Ingimundur Níels Óskarsson '45 2-0
Emil Ásmundsson '53 3-0
3-1 Viktor Bjarki Arnarsson '64
3-2 Viktor Bjarki Arnarsson '90
23.09.2012  -  16:00
Fylkisvöllur
Pepsi-deild karla
Dómari: Valgeir Valgeirsson
Byrjunarlið:
Bjarni Þórður Halldórsson ('45)
7. Ingimundur Níels Óskarsson
10. Ásgeir Börkur Ásgeirsson
11. Kjartan Ágúst Breiðdal
16. Tómas Joð Þorsteinsson
16. Emil Ásmundsson
24. Elís Rafn Björnsson

Varamenn:
2. Ásgeir Eyþórsson ('65)
18. Styrmir Erlendsson
28. Sigurvin Reynisson

Liðsstjórn:

Gul spjöld:

Rauð spjöld:
Fyrir leik
Heil og sæl ágætu lesendur Fótbolta.net.

Verið velkomin í beina lýsingu frá viðureign Fylkis og KR í Pepsi-deild karla. Valgeir Valgeirsson dómari mun flauta til leiks hér í Lautinni á slaginu fjögur.
Fyrir leik
Heimamenn gera eina breytingu á liði sínu frá 1-1 jafnteflisleiknum gegn Breiðablik í síðustu umferð. Finnur Ólafsson er í leikbanni í dag og Árni Freyr Guðnason tekur sæti hans í byrjunarliðinu.

Hjá KR er Baldur Sigurðsson í banni og Atli Sigurjónsson fær tækifæri í byrjunarliðinu. Jónas Guðni Sævarsson er einnig kominn í liðið í stað Þorsteins Márs Ragnarssonar.
1. mín
Leikurinn er varla byrjaður en fyrsta dauðafærið er komið. Árni Freyr Guðnason á fyrirgjöf beint á kollinn á Björgólfi Takefusa sem er einn á fjærstöng. Hann á fínan skalla en því miður fyrir hann smellur boltinn í þverslánni. Þarna sluppu KR-ingar með skrekkinn.
3. mín
Jahérna hér. Þetta byrjar fjörlega. KR-ingar sækja hratt eftir hornspyrnu Fylkis, Gary Martin fær boltann og tekur á rás. Hann kemst framhjá tveimur varnarmönnum Fylkis en einn gegn Bjarna Þórði setur hann boltann í fjærstöngina. Þaðan barst boltinn út í teig á Magnús Már Lúðvíksson sem skýtur að marki en mér sýnist það vera Kjartan Ágúst Breiðdal sem nær að bjarga nánast á marklínu.
5. mín
Þetta er eins og handboltaleikur hérna. Bæði lið að spila hraðan og skemmtilegan bolta og skiptast á að sækja. Magnús Þórir fékk stungusendingu og reyndi viðstöðulaust skot rétt utan teigs. Boltinn fór rétt yfir.

Hinum megin á vellinum á Atli Sigurjónsson skot í varnarmann eftir vel útfærða sókn KR-inga.
8. mín
Jónas Guðni vippar boltanum skemmtilega inn fyrir á Gary Martin sem er hægra megin í teignum. Hann sendir stórhættulegan bolta fyrir markið en Fylkismenn bægja hættunni frá.
10. mín
Maggi Lú á fyrirgjöf á Gary Martin sem er ágætlega staðsettur í teignum en nær ekki almennilegum skalla.
13. mín
Árni Freyr reynir skot rétt utan teigs en það er laflaust og beint á Hannes.
13. mín
Frábær sókn KR. Atli Sigurjónsson leikur inn í vítateig Fylkis vinstra megin, leikur á tvo Fylkismenn og leggur boltann út í teiginn á Viktor Bjarka sem er í dauðafæri en setur boltann framhjá fjærstönginni.
15. mín
Magnús Þórir sendir fastan bolta fyrir KR-markið. Árni Freyr kemur á ferðinni og nær skoti á markið. Hann hittir boltann þó ekki nógu vel til að stýra honum almennilega og boltinn fer yfir.
22. mín
Gary Martin á skot yfir af vítateigslínunni eftir sendingu frá Emil Atlasyni.
28. mín
Atli Sigurjóns á glæsilega sendingu fyrir, beint á kollinn á Viktori Bjarka sem lúrir á fjær. Hann á ágætan skalla en Bjarni Þórður er vel á verði og kemur boltanum í horn. Það kemur ekkert út úr hornspyrnunni.
32. mín
Tómas Joð leikur upp völlinn vinstra megin og stingur sér inn í teiginn. Hann rennir boltanum fyrir en KR-ingar koma boltanum frá áður en sóknarmenn Fylkis ná að gera sér mat úr þessu.
35. mín MARK!
Björgólfur Takefusa (Fylkir)
Heimamenn eru komnir yfir. Elís Rafn laumar boltanum innfyrir á Björgólf Takefusa. Hann gerir vel og hamrar boltann í nærhornið. 1-0.
40. mín
Fylkismenn eiga hér þrjár hornspyrnur í röð en ekkert kemur út úr þeim.
42. mín
Bjarni Guðjóns skallar boltann fyrir Gary Martin sem er á milli tveggja varnarmanna. Hann nær skoti en Fylkismenn ná að komast nægilega vel fyrir til að stýra boltanum frá marki og aftur fyrir.
43. mín
Inn:Jóhann Þórhallsson (Fylkir) Út:Björgólfur Takefusa (Fylkir)
Markaskorarinn þarf að fara af velli. Hann er búinn að vera að haltra hérna síðustu mínútur og nær ekki að hrista af sér meiðslin.
45. mín MARK!
Ingimundur Níels Óskarsson (Fylkir)
2-0! Ingimundur Níels er að bæta við marki fyrir Fylki. Varamaðurinn Jóhann Þórhallsson stimplar sig inn með stoðsendingu. Hann laumar boltanum inn í teig á Ingimund sem kemur úr skemmtilegu hlaupi og á ekki í vandræðum með að planta boltanum í netið. Vel gert hjá heimamönnum
45. mín
Kominn hálfleikur hér í Árbænum. Leikurinn hefur verið fjörugur og bæði lið hafa skipst á að sækja. Fylkismenn eru þó að spila af mun meiri ákveðni og sjálfstrausti og leiða verðskuldað.
45. mín
Jóhann Þórhallsson er úti með varamönnunum að hita upp í hálfleiknum enda fékk hann ekki langan undirbúningstíma áður en hann þurfti að leysa Takefusa af velli áðan.
45. mín
Inn:Kristján Finnbogason (Fylkir) Út:Bjarni Þórður Halldórsson (Fylkir)
Áhugaverð skipting hér í hálfleik. Kristján Finnbogason fer í markið fyrir Bjarna Þórð. Hvort Bjarni sé meiddur eða Kristján eigi bara að fá mínúturnar veit ég ekki.. En þetta er athyglisvert.
47. mín Gult spjald: Viktor Bjarki Arnarsson (KR)
Emil Atlason kemur boltanum fyrir á Viktor Bjarka sem virðist sparkaður niður í teignum. Valgeir Valgeirsson dæmir þó ekki vítaspyrnu heldur spjaldar hann Viktor Bjarka fyrir leikaraskap. Þarna virtist um klára vítaspyrnu að ræða og það verður áhugavert að skoða myndbandsupptökur af þessu atviki.
49. mín
Magnús Þórir lætur vaða utan af kanti. Engin hætta virðist á ferðinni fyrr en boltinn tekur þvílíkan snúning en Hannes handsamar hann þrátt fyrir að fara aðeins úr jafnvægi.
51. mín
Ágæt sókn hjá Fylki. Ingimundur rennir boltanum á Jóhann Þórhalls sem á viðstöðulaust skot af teignum en skotið fer yfir.
53. mín MARK!
Emil Ásmundsson (Fylkir)
3-0! Ingimundur Níels kemst upp hægra megin og rennir boltanum inn í markteig. Þar er Emil Ásmundsson ákveðnastur og setur boltann í markið.
54. mín
KR-ingar eru í tómu tjóni. Pirringurinn er farinn að láta á sér kræla og menn eru að klikka á einföldustu sendingum. Fylkismenn fá einmitt ágætan séns eftir arfaslakt innkast KR-inga. Tómas Joð fær þá boltann og reynir skot utarlega úr teignum en það er rétt framhjá.
60. mín
Inn:Þorsteinn Már Ragnarsson (KR) Út:Bjarni Guðjónsson (KR)
Rúnar Kristinsson gerir loksins sína fyrstu skiptingu.
62. mín
Ágæt sókn hjá KR. Emil Atlason gerir vel í að komast framhjá tveimur varnamönnum Fylkis og inn í teiginn hægra megin. Hann kemur boltanum fyrir á Viktor Bjarka en skot hans er beint á Kristján í markinu.
64. mín MARK!
Viktor Bjarki Arnarsson (KR)
KR-ingar eru að minnka muninn. Viktor Bjarki skorar með skoti úr teignum eftir sendingu frá Guðmundi Reyni.
65. mín
Inn:Ásgeir Eyþórsson (Fylkir) Út:David Elebert (Fylkir)
Ásmundur gerir þriðju og síðustu skiptingu sína.
67. mín
Jóhann Þórhallsson á hörkuskot sem flýgur yfir fjærstöngina eftir ágætis sókn Fylkis.
69. mín
Gary Martin á skot beint á Kristján rétt utan teigs.
70. mín
Gary Martin stingur boltanum inn á Þorstein Már sem reynir að koma boltanum framhjá Kristjáni úr þröngu færi. Kristján kemur vel út á móti og lokar markinu.
71. mín
Það er aðeins að lifna yfir KR-ingum og sóknarþungi þeirra er að aukast.
75. mín
Fylkismenn vilja vítaspyrnu. Árni Freyr á fast skot úr teignum sem smellur í Grétari Sigfinni. Hugsanlega fór boltinn í höndina á honum en hún virtist þó vera alveg upp við líkamann og það hefði verið heldur harkalegt að dæma vítaspyrnu.
79. mín
Atli Sigurjónsson á fyrirgjöf utan af velli. Hann finnur Gary Martin í teignum en hann skallar beint á Kristján Finnboga.
87. mín
Viktor Bjarki á skot framhjá eftir hornspyrnu.
90. mín MARK!
Viktor Bjarki Arnarsson (KR)
3-2! KR-ingar eru að minnka muninn. Viktor Bjarki skorar eftir fyrirgjöf Guðmundar Reynis. Erum við að fá dramatík hérna í blálokin?
91. mín Gult spjald: Magnús Már Lúðvíksson (KR)
Maggi Lú fær að líta gula spjaldið. Líklega fyrir munnsöfnuð.
Leik lokið!
Valgeir flautar leikinn af. 3-2 sigur Fylkismanna staðreynd.
Byrjunarlið:
Viktor Bjarki Arnarsson
2. Grétar Sigfinnur Sigurðarson
8. Jónas Guðni Sævarsson
11. Emil Atlason
18. Aron Bjarki Jósepsson
21. Guðmundur Reynir Gunnarsson
23. Atli Sigurjónsson

Varamenn:
8. Þorsteinn Már Ragnarsson ('60)

Liðsstjórn:

Gul spjöld:
Magnús Már Lúðvíksson ('91)
Viktor Bjarki Arnarsson ('47)

Rauð spjöld: