Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fjölnir
2
1
KF
0-1 Kristinn Þór Rósbergsson '30
Aron Sigurðarson '53 1-1
Atli Már Þorbergsson '90 2-1
09.05.2013  -  16:00
Fjölnisvöllur
1. deild
Dómari: Garðar Örn Hinriksson
Byrjunarlið:
3. Bergsveinn Ólafsson (f) ('64)
15. Haukur Lárusson
16. Guðmundur Böðvar Guðjónsson
29. Guðmundur Karl Guðmundsson

Varamenn:
9. Bjarni Gunnarsson
10. Aron Sigurðarson ('46)

Liðsstjórn:

Gul spjöld:

Rauð spjöld:
Fyrir leik
Góðan daginn!

Hér verður bein textalýsing frá leik Fjölnis og KF en um er að ræða síðasta leikinn í 1. umferðinni í 1. deild karla.
Fyrir leik
Fjölnismönnum er spáð 7. sæti í fyrstu deildinni í sumar á meðan nýliðunum í KF er spáð tólfta og neðsta sæti.
Fyrir leik
Mikill kuldi og snjór hefur sett strik í reikninginn hjá KF í vor. Liðið hefur ekkert getað æft á grasi á heimaslóðum en það lék þó æfingaleik við Selfyssinga á grasi um síðustu helgi. Auk þess hefur liðið náð að æfa tvívegis á grasi á Tungubökkum í Mosfellsbæ.
1. mín
Leikurinn er hafinn. Smá gola er í Grafarvoginum en aðstæður eru að öðru leyti flottar. KF leikur í hvítum varabúningum sínum en Fjölnir er í sínum hefðbundnu gulu treyjum.
3. mín
KF er einungis með fjóra varamenn í dag. Vladan Vukovic á eftir að bætast í hópinn hjá þeim en hann er ekki kominn til landsins.
6. mín
Fjölnismenn byrja af meiri krafti. Bergsveinn Ólafsson hittir ekki markið úr fínu skallafæri og Guðmundur Pétursson kemst síðan í fínt færi en Björn Hákon Sveinsson ver.
9. mín
Þórir Hákonarson, framkvæmdastjóri KSÍ, og Sigurður Helgason, fyrrum þjálfari Gróttu, eru mættir á völlinn. Þeir verða báðir á meðal gesta í sjónvarpsþættinum Fótbolti.net á Sporttv á morgun klukkan 12:30. Ekki missa af því!
9. mín Gult spjald: Arnór Egill Hallsson (KF)
Klaufalegt hjá Birni. Tekur boltann með hendi fyrir utan vítateig og Garðar Örn veifar gula spjaldinu. Fjölnir fær aukaspyrnu við vítateigslínu hægra megin en Hilmar Þór Hilmarsson þrumar yfir.
18. mín
Fjölnismark liggur í loftinu. Fyrst skýtur Guðmundur Pétursson framhjá úr dauðafæri og í næstu sókn á varnarturninn Haukur Lárusson skot sem Björn Hákon ver vel.
20. mín
Fyrsta færi KF. Milos Glogovac skallar framhjá eftir aukaspyrnu frá vinstri. Hörkufæri.
26. mín
Páll Sindri Einarsson fær færi eftir langt innkast KF en skot hans fer hátt yfir.

Páll Sindri er einn af þremur leikmönnum af Akranesi sem eru í liði KF en hinir eru Teitur Pétursson og Jón Björgvin Kristjánsson.

Einn skagamaður er líka í liði Fjölnis en það er Guðmundur Böðvar Guðjónsson.
30. mín MARK!
Kristinn Þór Rósbergsson (KF)
KF nær forystunni! Páll Sindri Einarsson kemst einn í gegnum flata vörn KF en er óeigingjarn og rennir boltanum til hliðar á Kristinn Þór Rósbergsson sem er í betra færi. Kristinn tekur við boltanum og skorar framhjá Þórði í markinu, 1-0 fyrir KF.
40. mín
Lítið markvert gerst í leiknum undanfarnar mínútur. Þess má geta á meðan að mætingin á völlinn er fín í dag, fleiri í stúkunni en oft áður í Grafarvogi.
45. mín
Garðar Örn flautar til leikhlés. Gestirnir að norðan leiða 1-0 eftir mark frá Kristni Rósbergssyni. Fjölnismenn höfðu verið hættulegri fram að markinu en lítið markvert hefur gerst eftir það.
46. mín
Inn:Aron Sigurðarson (Fjölnir) Út:Viðar Ari Jónsson (Fjölnir)
Síðari hálfleikurinn er hafinn. Ein breyting á liði Fjölnis, Aron kemur á vinstri kantinn fyrir Viðar.
47. mín
Viðar Ari stimplar sig strax inn með skoti/fyrirgjöf sem Björn Hákon slær í horn.
50. mín
Fjölnismenn byrja síðari hálfleikinn af fínum krafti.
53. mín MARK!
Aron Sigurðarson (Fjölnir)
Fjölnismenn jafna. Eftir fína sókn á fyrirliðinn Bergsveinn Ólafsson fyrirgjöf á nærstöngina þar sem varamaðurinn Aron Sigurðarson skorar.
59. mín
Nenad Zivanovic með flottan sprett sem skapar dauðafæri fyrir Jón Björgvin Kristjánsson en hann hittir boltann illa og skotið fer yfir markið.
64. mín
Inn:Ásgeir Aron Ásgeirsson (Fjölnir) Út:Bergsveinn Ólafsson (Fjölnir)
Bergsveinn verið öflugur í dag. Hann er hins vegar ekki í leikformi eftir að hafa glímt við meiðsli í allan vetur.
72. mín
Fjölnismenn eru meira með boltann en lítið er um færi.
79. mín
Haukur Lárusson með hörkuskalla í slána eftir hornspyrnu. Þarna munaði minnstu að Fjölnismenn kæmust yfir.
81. mín Gult spjald: Eiríkur Ingi Magnússon (KF)
82. mín
Guðmundur Böðvar Guðjónsson með hörkuskot af löngu færi en boltinn fer rétt framhjá.
84. mín
Inn:Ágúst Örn Arnarson (Fjölnir) Út:Ómar Hákonarson (Fjölnir)
90. mín
Guðmundur Karl Guðmundsson á fínt skot sem Björn Hákon ver í horn.
90. mín
KF kemst í hættulega skyndisókn en Jón Björgvin á skot sem fer yfir.
90. mín MARK!
Atli Már Þorbergsson (Fjölnir)
Þvílík dramatík!! Fjölnismenn skora sigurmarkið þegar fjórar mínútur eru komnar fram yfir venjulegan leiktíma. Ágúst Örn Arnarson á hornspyrnu á fjærstöng, Haukur Lárusson skallar fyrir markið á Atla Má sem skorar við gífurlegan fögnuð Fjölnismanna.
Leik lokið!
Garðar Örn flautar til leiksloka. Atli Már skoraði sigurmarkið með síðustu spyrnu leiksins. Fjölnir fer með 2-1 sigur af hólmi. Nánar verður fjallað um leikinn hér á Fótbolta.net síðar í kvöld.
Byrjunarlið:
2. Arnór Egill Hallsson
3. Eiríkur Ingi Magnússon
4. Sigurjón Fannar Sigurðsson
5. Milos Glogovac
7. Kristinn Þór Rósbergsson
8. Trausti Örn Þórðarson
11. Páll Sindri Einarsson
15. Teitur Pétursson
17. Jón Björgvin Kristjánsson
18. Nenad Zivanovic
21. Kristján Vilhjálmsson

Varamenn:
9. Halldór Logi Hilmarsson
10. Ottó Hólm Reynisson

Liðsstjórn:
Halldór Ingvar Guðmundsson (Þ)
Örn Elí Gunnlaugsson

Gul spjöld:
Eiríkur Ingi Magnússon ('81)
Arnór Egill Hallsson ('9)

Rauð spjöld: