Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Þróttur R.
0
1
Leiknir R.
Guðjón Gunnarsson '50
0-1 Hilmar Árni Halldórsson '65
05.06.2013  -  19:15
Valbjarnarvöllur
1. deildin
Dómari: Jan Eric Jessen
Byrjunarlið:
Erlingur Jack Guðmundsson ('69)
1. Ögmundur Ólafsson (m)
9. Arnþór Ari Atlason ('75)
11. Halldór Arnar Hilmisson
14. Hlynur Hauksson
21. Sveinbjörn Jónasson
22. Andri Gíslason ('69)
24. Guðjón Gunnarsson
27. Oddur Björnsson

Varamenn:
30. Trausti Sigurbjörnsson (m)
4. Hreinn Ingi Örnólfsson
5. Haukur Hinriksson ('69)
9. Andri Björn Sigurðsson ('75)
15. Davíð Sigurðsson
23. Aron Bjarnason ('69)

Liðsstjórn:

Gul spjöld:
Halldór Arnar Hilmisson ('90)
Hlynur Hauksson ('83)
Aron Bjarnason ('81)
Erlingur Jack Guðmundsson ('67)
Vilhjálmur Pálmason ('58)
Oddur Björnsson ('43)
Guðjón Gunnarsson ('30)

Rauð spjöld:
Guðjón Gunnarsson ('50)
Fyrir leik
Góða kvöldið! Hér í Laugardalnum mætast Þróttur og Leiknir en Jan Eric Jessen flautar til leiks klukkan 19:15.

Leiknir hefur farið ágætlega af stað í deildinni og situr í 4. sæti með 8 stig úr fjórum leikjum. Á sama tíma hefur Þróttur tapað þremur af fjórum leikjum sínum og er í 10. sæti.

Einnig er hægt að horfa á leikinn í vefsjónvarpi SportTv.is með því að SMELLA HÉRNA
Elvar Geir Magnússon
Fyrir leik
Ein breyting er á liði Leiknis R frá því í síðasta leik. Stefán Birgir Jóhannesson fer út og Fannar Þór Arnarsson, sem var meiddur í síðasta leik, kemur inn í liðið.
Fyrir leik
Þróttarar stilla upp sama liði og í sterkum 3-1 útisigri gegn Völsungi.
Fyrir leik
Þróttur er í 10. sæti deildarinnar með þrjú stig eftir fyrstu fimm umferðirnar. Leikni hefur gengið öllu betur og er með átta stig í 4. sætinu.
Fyrir leik
Leikmenn ganga inn á völlinn með dómarann Jan Eric Jessen í fararbroddi. Nú fer heldur betur að styttast í fjörið!
1. mín
Leikurinn er hafinn og eru það gestirnir úr Breiðholtinu sem byrja með boltann!
3. mín
Vigfús Arnar Jósepsson, leikmaður Leiknis, meiðist lítillega og þarf að fara af velli með sjúkraþjálfaranum. Hann kemur hins vegar aftur inn á skömmu síðar.
5. mín
Hilmar Árni Halldórsson með þrumuskot úr fínu færi en Ögmundur í marki Þróttara ver vel og hættunni bægt frá.
9. mín
Fín sókn hjá Þrótti sem endar með skoti frá Sveinbirni Jónassyni úr fínu færi, en það fer yfir. Góður undirbúningur frá Andra Gíslasyni.
15. mín
Ekkert sérstaklega mikið í gangi þessa stundina. Nokkuð jafn leikur og hvorugu liðanna að takast að skapa sér góð færi.
17. mín
Dauðafæri!!! Vigfús Arnar Jósepsson með stórkostlega sendingu á Ólaf Hrannar Kristjánsson en Erlingur Jack í vörninni bjargar frábærlega.
23. mín
Liðunum er ekki að takast nógu vel að brjóta varnir andstæðinganna á bak aftur. Bæði lið byggja sóknirnar ágætlega upp en stranda svo þegar nær vítateig andstæðingsins kemur. Þar af leiðandi hafa færin ekki verið mörg til þessa, en ágætis knattspyrna spiluð á köflum.
27. mín
Leiknismenn aðeins að ná tökum á leiknum en sem fyrr vantar herslumuninn. Þeir áttu rétt í þessu hættulega aukaspyrnu þar sem boltinn flaut yfir teiginn en engum tókst að komast í hann.
28. mín
Fínt færi!!! Þróttarar geysast upp í skyndisókn og Arnþór Ari Atlason kemst í gott skotfæri, en hann þrumar boltanum rétt yfir markið.
30. mín
Þróttarar fá tvær hornspyrnur með skömmu millibili og ein þeirra var ansi hættuleg.
30. mín Gult spjald: Guðjón Gunnarsson (Þróttur R.)
Fyrsta gula spjaldið lítur dagsins ljós. Guðjón klippir leikmann Leiknis niður í skyndisókn og réttilega gult spjald.
32. mín
SLÁIN!!! Frábær hornspyrna hjá Arnþóri Ara fyrir Þrótt og Erlingur Jack skallar boltann í slána og yfir!! Þarna mátti ekki miklu muna. Þróttarar hættulegri undanfarnar mínútur.
33. mín
Leiknismenn taka stutta hornspyrnu sem endar með því að boltinn berst á Aron Fuego Daníelsson inni í teignum, en skot hans fer yfir. Skemmtilega útfærð spyrna.
38. mín
Leiknismenn vilja fá vítaspyrnu þegar Aron Fuego Daníelsson fer niður í teignum en ekkert er dæmt.
39. mín
Stórhættuleg fyrirgjöf frá Hilmari Árna inn í teig Þróttara en þeir Aron Fuego og Vigfús Arnar voru ekki nógu grimmir inni í teignum!
40. mín Gult spjald: Brynjar Hlöðversson (Leiknir R.)
Brynjar fær að líta gula spjaldið, fyrstur Leiknismanna.
43. mín Gult spjald: Oddur Björnsson (Þróttur R.)
Fyrirliðinn fær að líta gula spjaldið fyrir að hafa tekið niður Fannar Þór Arnarsson í skyndisókn. Bendir allt til þess að fyrri hálfleikur verði markalaus.
44. mín
Fannar Þór Arnarsson með skot utan teigs eftir hornspyrnu Leiknismanna en það fer yfir markið.
45. mín
Flautað hefur verið til leikhlés. Staðan markalaus á Valbjarnarvelli eftir fyrri hálfleikinn. Færin ekkert sérstaklega mörg en svosum ágætis leikur.
46. mín
Þá er seinni hálfleikurinn hafinn. Leiknismenn byrja með boltann núna.
49. mín
Þróttarar með aukaspyrnu beint af æfingasvæðinu en hún endar með skoti Halldórs Arnars Hilmissonar yfir markiö.
50. mín
Dauðafæri hjá Leikni!! Ólafur Hrannar fær frían skalla eftir fyrirgjöf frá Aroni Fuego en fer illa að ráði sínu og skallar framhjá. Þarna mátti sko gera betur!
50. mín Rautt spjald: Guðjón Gunnarsson (Þróttur R.)
ÞRÓTTARI FOKINN AF VELLI!! Guðjón Gunnarsson fær að líta sitt annað gula spjald og þar með rautt. Þróttarar eru brjálaðir yfir þessari ákvörðun dómarans og Páll Einarsson þjálfari logar á línunni. Það má alveg halda því fram að þetta spjald hafi komið fyrir litlar sakir, en samt heimskulegt hjá Guðjóni að vera að halda og toga í leikmann á gulu spjaldi. Má alveg réttlæta þennan dóm allavega!
54. mín
Leiknismenn eiga ágætis sókn sem endar með skoti frá Óttari Bjarna en það fer beint á Ögmund í marki Þróttara.
58. mín Gult spjald: Vilhjálmur Pálmason (Þróttur R.)
Jan Eric Jessen heldur áfram að lyfta upp spjöldunum og er Vilhjálmur Pálmason færður til bókar í þetta skiptið.
64. mín Gult spjald: Fannar Þór Arnarsson (Leiknir R.)
Lítið að gerast annað en spjöld að fara á loft. Fannar Þór í Leikni færður til bókar. Gestirnir ekki að nýta sér liðsmuninn frábærlega til þessa.
65. mín MARK!
Hilmar Árni Halldórsson (Leiknir R.)
Stoðsending: Ólafur Hrannar Kristjánsson
Laglegt mark hjá Leikni, sem eru komnir yfir!!! Ólafur Hrannar kom með frábæra sendingu á Hilmar Árna sem stóð sig frábærlega!
66. mín
Inn:Dánjal á Lakjuni (Leiknir R.) Út:Aron Fuego Daníelsson (Leiknir R.)
67. mín Gult spjald: Erlingur Jack Guðmundsson (Þróttur R.)
Erlingur Jack fær að líta gult spjald, ekki sitt fyrsta á ferlinum.
69. mín
Inn:Aron Bjarnason (Þróttur R.) Út:Andri Gíslason (Þróttur R.)
69. mín
Inn:Haukur Hinriksson (Þróttur R.) Út:Erlingur Jack Guðmundsson (Þróttur R.)
Tvöföld skipting hjá Þrótti, sem freistar þess að jafna metin.
75. mín
Inn:Andri Björn Sigurðsson (Þróttur R.) Út:Arnþór Ari Atlason (Þróttur R.)
76. mín
Inn:Sindri Björnsson (Leiknir R.) Út:Fannar Þór Arnarsson (Leiknir R.)
78. mín
HRÆÐILEGT KLÚÐUR!! Sindri Björnsson, nýkominn inn á, er kominn einn gegn markverði ásamt Hilmari Árna. Í stað þess að skjóta ákveður Sindri að reyna að renna boltanum á Hilmar en varnarmaður Þróttara nær að komast fyrir sendinguna. Skelfilega gert, þarna átti Sindri bara að skjóta!!
80. mín
Vigfús Arnar með dauðafrían skalla en boltinn fer yfir markið.
81. mín Gult spjald: Aron Bjarnason (Þróttur R.)
Aron færður til bókar fyrir að vera allt of seinn í tæklingu. Þrumaði bara í löppina á Brynjari Hlöðverssyni.
83. mín Gult spjald: Hlynur Hauksson (Þróttur R.)
Hlynur fær réttilega að líta gult spjald fyrir að sparka í Ólaf Hrannar.
85. mín
STÖNGIN!! Hilmar Árni skýtur í stöngina úr aukaspyrnu. Svo fær Danjal á Lækjunni dauðafæri en hann skýtur framhjá!! Þarna hefðu Leiknismenn getað klárað leikinn!
87. mín
Þróttarar aðeins að pressa í restina. Hafa fengið tvær aukaspyrnur með skömmu millibili. Hvað gerist nú? Ná þeir að jafna??
89. mín
Inn:Sævar Freyr Alexandersson (Leiknir R.) Út:Ólafur Hrannar Kristjánsson (Leiknir R.)
Síðasta skipting Leiknismanna. Sævar Freyr Alexandersson, bróðir annars þjálfarans Freys Alexanderssonar, kemur inn á fyrir fyrirliðann.
90. mín Gult spjald: Halldór Arnar Hilmisson (Þróttur R.)
Halldór Arnar fær að líta enn eitt gula spjald Þróttara fyrir pirringsbrot. Þau eru samtals orðin sjö talsins ef maður telur bæði spjöld Guðjóns, sem var rekinn af velli.
Leik lokið!
Leiknum er lokið!!! 1-0 útisigur Leiknis staðreynd, og þeir fara upp í efsta sæti deildarinnar!! Leiknir hefur nú unnið þrjá leiki í röð eftir slaka byrjun.
Byrjunarlið:
Vigfús Arnar Jósepsson
Óttar Bjarni Guðmundsson
Eyjólfur Tómasson
10. Ólafur Hrannar Kristjánsson ('89)
10. Fannar Þór Arnarsson ('76)
11. Brynjar Hlöðversson
21. Hilmar Árni Halldórsson
23. Gestur Ingi Harðarson

Varamenn:
88. Sindri Björnsson ('76)

Liðsstjórn:

Gul spjöld:
Fannar Þór Arnarsson ('64)
Brynjar Hlöðversson ('40)

Rauð spjöld: