Malen, Maguire, Rashford, Greenwood, Yoro, Eriksen og fleiri góðir í slúðri dagsins
Víkingur Ó.
0
4
FH
0-1 Freyr Bjarnason '5
0-2 Björn Daníel Sverrisson '35
0-3 Guðmann Þórisson '52
0-4 Atli Viðar Björnsson '77
16.06.2013  -  17:00
Ólafsvíkurvöllur
Pepsi-deildin
Aðstæður: Sól og blíða, hægur andvari. Völlurinn lítur frábærlega út...allar aðstæður bjóða uppá alvöru leik!
Dómari: Örvar Sær Gíslason
Áhorfendur: 745
Maður leiksins: Dominic Furness
Byrjunarlið:
1. Einar Hjörleifsson (m)
Brynjar Kristmundsson
Alfreð Már Hjaltalín ('78)
4. Damir Muminovic
5. Björn Pálsson ('78)
6. Arnar Már Björgvinsson ('83)
7. Tomasz Luba
9. Guðmundur Magnússon
15. Farid Zato
20. Eldar Masic
25. Insa Bohigues Fransisco

Varamenn:
30. Kaspars Ikstens (m)
9. Guðmundur Steinn Hafsteinsson
10. Steinar Már Ragnarsson ('78)
21. Fannar Hilmarsson ('78)
22. Vignir Snær Stefánsson ('83)
23. Anton Jónas Illugason

Liðsstjórn:
Kristinn Magnús Pétursson

Gul spjöld:
Damir Muminovic ('64)

Rauð spjöld:
Fyrir leik
Víkingur Ó og FH hafa tvisvar áður mæst í "opinberum" KSÍ-leik, þ.e. þegar Lengjubikar er tekinn frá.

Árið 1985 vann Víkingur Ó gesti sína úr Hafnarfirði 2-1 í bikarnum í leik sem margir Snæfellingar minnast og árið 2010 mættust liðin í undanúrslitum bikarsins, þá í Kaplakrika. Þá unnu FH-ingar 3-1 í hörkuleik.

Í vetur léku liðin í Lengjubikarnum og þá sigruðu Víkingar 2-1. Frekari tölfræði og flotta upphitun er að finna á www.helgik.bloggar.is þar sem stórmeistarinn Helgi Bjargar fer yfir málin frá sínu sjónarhorni.
Fyrir leik
Engir leikmenn liðanna í dag eru að mæta fyrrum félögum sínum að þessu sinni.

Seint á tuttugustu öldinni gerðist það nokkrum sinnum að félagaskipti urðu á milli félaganna. Slöngulokkavængmaðurinn Atli Alexandersson var fyrstur til að fara í fjörðinn og í kjölfarið fylgdi "Traustur vinur", fyrrum þingmaðurinn og nú bæjarstjórinn í Garði, Magnús Stefánsson.

Íþróttahúshöfðinginn ljúfi í Snæfellsbæ, Zikret Þór Mehic reyndi einnig fyrir sér í firðinum fagra fyrir sunnan.

Í staðinn sendu FH-ingar í Víking þjálfarann góðkunnna, hann Úlfar pabba Silju. Svo einhverjar eru tengirnar þó fornar séu!
Fyrir leik
Dómaratríóið kemur úr höfuðborginni, með flautuna verður Örvar Sær Gíslason og honum til aðstoðar eru þeir Einar og Birkir Sigurðssynir sem þó eru ekki bræður (höldum við allavega ;) )

Eftirlitsmaðurinn kemur úr Hveragerði, hann Ólafur Ragnarsson. Þar með mun fjöldi Hvergerðina á vellinum aukast um 100% því heimavallarstjóri Víkings og vallarþulur allra tíma, hann Vigfús Örn (Viffi) kemur víst þaðan.

Það veit yfirleitt á fjör þegar Óli kemur að hitta Viffa vin sin!
Fyrir leik
Tvær breytingar eru á liði heimamanna frá tapinu gegn Breiðablik, Emir Dokara tekur út leikbann og Steinar Már Ragnarsson fer á bekkinn. Í þeirra stað eru komnir Arnar Már Björgvinsson og Alfreð Hjaltalín.

Guðmundur Steinn fyrirliði er enn meiddur og byrjar á bekknum.
Fyrir leik
FH breyta líka tvennu. Eins og hjá heimamönnum er leikbann að stríða gestunum, hinn aldni höfðingi Daði Lárusson stendur í búrinu í fjarveru Róberts sem er í banni. Sam Tillen kemur í vinstri bakvörð í stað Viktors Guðmundssonar sem er ekki í hóp í dag.
Fyrir leik
Viktor Örn Guðmundsson er tognaður í læri og missir af leiknum út af því. Ekki talið að hann missi mikið meira úr...
Fyrir leik
Fólk að tínast í stúkuna, en betur má ef duga skal því hér er án vafa að fara fram stærsti leikurinn til þessa hjá Víkingi - leikur í deild gegn ríkjandi Íslandsmeisturum.
Fyrir leik
Flöggin við völlinn eru nú farin að hreyfast töluvert og viðbúið að vindurinn muni hafa einhver áhrif.
Fyrir leik
Gamlar hetjur flæða um Ólafsvíkurvöll. Viddi Halldórs fer auðvitað sem fyrirliði eldri FH-inga og fyrrum stormsenteroghafsentinn Lúlli Arnars er skammt undan.

Þorgrímur Þráins segist fyrirliði eldri heimamanna en áðurnefndir Atli og Maggi Stefáns eru ekki alveg sammála því. Stemmingin er góð enda loksins þolanlegt veður á heimaleik við Breiðafjörðinn.
Fyrir leik
Meðal áhorfenda á vellinum er fulltrúi frá UEFA sem er að taka út íþróttahúsið í Ólafsvík sem mögulegan leikstað fyrir undanriðil í Futsal nú í haust. Vissulega yrði það krydd fyrir snæfellskan fótbolta!
Fyrir leik
Liðin að koma inná, pepsidrengirnir eru að strekkja fánann, vel studdir úr stúkunni. Kristmundur Sumarliða tískulögga er að leggja endanlega hönd á strekkjunina!
Fyrir leik
Liðin komin inná, dómaratríóið í svörtu og Viffi vallarþulur að fara á kostum.

Hann er í sérflokki þegar kemur að erfiðum eftirnöfnum, vel þess virði að keyra vestur bara til að hlusta á það!
1. mín
Leikurinn er hafinn, Víkingar unnu hlutkestið og ákveða að spila gegn golunni, frá Hellissandi til Grundarfjarðar...þó auðvitað bara á svæðinu sem afmarkar völlinn.

Vegalengdin milli þeirra staða er jú 39 kílómetrar og það er of langt fyrir fótbolta.
2. mín
Víkingar spila 3-5-2 eða 5-3-2 í þessum leik.

Luba, Insa og Damir eru hasentarnir. Alfreð og Brynjar í bakvörðum. Zato, Masic og Björn Páls á miðjunni, Guðmundur Magg og Arnar uppi á topp.
5. mín MARK!
Freyr Bjarnason (FH)
Stoðsending: Ólafur Páll Snorrason
Fyrsta sóknin í leiknum gaf af sér fyrsta markið. FH fengu horn frá vinstri og skölluðu að marki en Einar varði í horn sem þá kom frá hægri. Heimamenn virtust ekki hafa lært af reynslunni og Freyr Bjarnason fékk nægan tíma til að athafna sig og skora fyrsta markið.
9. mín
Markið hefur einhvern veginn kýlt loftið úr leiknum. Heimamenn þó að komast framar á völlinn.
12. mín
Svei mér þá ef vindurinn er ekki farinn að hafa töluverð áhrif á leikinn. Lítið spark undan golunni fer iðulega í útspark og á móti stoppar boltinn töluvert.
15. mín
Fyrsta sókn heimamanna kemur upp úr föstu leikatriði, greinilegt að þar ætla menn að ná sér í eitthvað, að þessu sinni hefur FH vörnin lítið fyrir að losa en watch this space!
19. mín
Dauðafæri hjá FH, Insa missir einfalda sendingu framhjá sér inní teignum og Ólafur Páll fær hann óvænt en þá skutlar Insa sér fyrir skotið.
20. mín
Annað færi hjá FH, Guðjón Árni vinnur sig í gegn og leggur boltann á Atla Viðar en Einar gerir vel í að verja.

FH að ná sterkum tökum á leiknum, fara mikið upp hægri vænginn...
24. mín
FH með alger tök á leiknum núna en skapa sér fá færi. Heimamenn liggja aftarlega.
25. mín
Fyrsta tilraun heimamanna endar af höfði Damir í hendur Daða eftir aukaspyrnu.

26. mín
Heimamenn heimta víti eftir klaps milli Guðmundar og Freys...ekkert dæmt við litla gleði stúkunnar og varamannabekks heimamanna.

Jónas Gestur leit út eins og þriggja metra sláni í hoppinu!
30. mín
Einar ver aukaspyrnu Ólafs Páls rétt utan teigsins, missti boltann þó frá sér en náði honum sjálfur.
32. mín
Heimamenn hafa náð að komast ágætlega inn í leikinn undanfarið, aðeins farnir að halda boltanum innan liðsins og þora framar.
35. mín MARK!
Björn Daníel Sverrisson (FH)
Stoðsending: Atli Viðar Björnsson
Blaðamannastúkan er sammála um að skrá þetta sem sjálfsmark en vallarþulurinn knái skrifar það á Björn Daníel. Dómarinn mun úrskurða um þetta væntanlega.

Há sending kom inn í teig og var skölluð út til Björns sem skaut að marki, Zato teygði út fótinn og af honum fór hann í markið óverjandi fyrir Einar.

Ansi hart fyrir Víkinga sem voru aðeins að finna fæturna...
40. mín
Freyr Bjarna verið duglegur að brjóta smávægilega af sér og var nú að fá síðustu viðvörun held ég...gott dæmi um síbrotamál sem á að taka á í sumar.
42. mín
Ólafur Páll með gott skot sem utan teigs sem Einar grípur örugglega.
45. mín
Hálfleikur.

Tveggja marka forysta gestanna í leik sem er býsna rólegur. Maður er kannski farinn að gera of miklar kröfur á FH inga að finnast þeir vera í öðrum gír hingað til. Víkingar náðu aðeins að spyrna við fótum um miðjan hálfleikinn en lítið skapaðist þó af færum.
45. mín
Víkingar munu spila undan golunni sem er nú orðin ansi sterk og sólin er að hverfa. Hvort það hjálpar heimamönnum verður að koma í ljós en hugsun Eldars fyrirliða var klárlega að reikna með þessu þegar hann vann hlutkestið.
46. mín
Komið aftur af stað, engar breytingar í hálfleiknum.
48. mín
Guðmundur Magg og Damir búnir að fá aðvörun frá Örvari dómara, hefðu báðir getað séð gult en dómarinn er með línu sem hann heldur.
52. mín MARK!
Guðmann Þórisson (FH)
Stoðsending: Sam Tillen
Aftur kemur mark upp úr horni, sem er ólíkt heimamönnum svo ekki sé meira sagt!

Há sending á markteigslínu og Guðmann stangar hann á nærstöng, Damir virtist ná að hreinsa en Einar aðstoðardómari handviss í sinni sök og gaf merki um mark.

Vatnsgusa í andlit Víkinga!
58. mín
FH með öll tök á vellinum núna. Heimamenn eru komnir niður í fjöturra manna vörn, setja Brynjar Kristmunds ofar á völlinn og ýta Luba út í bakvörð...fyrstu merki eru jákvæð.

En þeir verða opnari!
64. mín Gult spjald: Damir Muminovic (Víkingur Ó.)
Upp úr horni Víkinga liggur Guðmann eftir viðskipti við Damir sem uppsker gult spjald.
68. mín
Atli Viðar skallar framhjá eftir sendingu Ólafs Páls. Allt FH...
69. mín
Nú myndi ég segja að heimamenn spili undan roki einfaldlega...og sólin er farin...
73. mín
Atli Guðna með skot rétt yfir upp úr horni.
74. mín
Dauðafæri heimamanna! Langt útspark frá Einari endaði í fótum Freys sem átti of stutta sendingu á Daða, Brynjar komst inní og einn í gegn en reynslujaxlinn varði frábærlega í horn...þarn kom reynslan!
75. mín
Inn:Pétur Viðarsson (FH) Út:Sam Tillen (FH)
Brynjar fer í bakvörð og Pétur í djúpan miðjumann.
76. mín
Eldar Masic með skot framhjá utan teigs.
77. mín MARK!
Atli Viðar Björnsson (FH)
Stoðsending: Ólafur Páll Snorrason
Falleg sókn hjá FH þar sem boltinn flaut frá vinstri til hægri. Ólafur Páll fór illa með Tomasz Luba sem negldi inn á fjær þar sem Atli Viðar lúrði, ekki í fyrsta sinn og setti boltann í markið.
78. mín
Inn:Steinar Már Ragnarsson (Víkingur Ó.) Út:Björn Pálsson (Víkingur Ó.)
78. mín
Inn:Fannar Hilmarsson (Víkingur Ó.) Út:Alfreð Már Hjaltalín (Víkingur Ó.)
80. mín
Inn:Ingimundur Níels Óskarsson (FH) Út:Ólafur Páll Snorrason (FH)
81. mín
Ingimundur einn í gegn nýkominn inná en setur hann yfir, Einar kom vel út þarna og lokaði.
82. mín
Inn:Albert Brynjar Ingason (FH) Út:Atli Viðar Björnsson (FH)
Albert að spila fyrstu mínúturnar síðan í umferð nr. 1
83. mín
Inn:Vignir Snær Stefánsson (Víkingur Ó.) Út:Arnar Már Björgvinsson (Víkingur Ó.)
Fyrsti meistarflokksleikur Vignis og hann er gegn Íslandsmeisturnum!
86. mín
Farid Zato með skot framhjá af 30 metrum...leikurinn er að fjara út hérna, FH virðast saddir og heimamenn hafa engin svör átt hér í dag.
88. mín Gult spjald: Brynjar Ásgeir Guðmundsson (FH)
Leik lokið!
Öruggur sigur Íslandsmeistara FH, þar sem þeirra leikskipulag gekk fullkomlega upp.

Heimamenn leita enn að sínum fyrsta sigri og hafa nú ekki skorað í síðustu þremur deildarleikjum sínum.
Byrjunarlið:
Ólafur Páll Snorrason ('80)
Daði Lárusson
3. Guðjón Árni Antoníusson
4. Sam Tillen ('75)
10. Björn Daníel Sverrisson (f)
11. Atli Guðnason
17. Atli Viðar Björnsson ('82)
21. Guðmann Þórisson
23. Brynjar Ásgeir Guðmundsson

Varamenn:
4. Pétur Viðarsson ('75)
7. Ingimundur Níels Óskarsson ('80)
8. Emil Pálsson
13. Kristján Gauti Emilsson
14. Albert Brynjar Ingason ('82)
16. Jón Ragnar Jónsson

Liðsstjórn:

Gul spjöld:
Brynjar Ásgeir Guðmundsson ('88)

Rauð spjöld: