Malen, Maguire, Rashford, Greenwood, Yoro, Eriksen og fleiri góðir í slúðri dagsins
Stjarnan
3
1
FH
0-1 Björn Daníel Sverrisson '8
Garðar Jóhannsson '33 1-1
Garðar Jóhannsson '37 2-1
Guðmann Þórisson '70
Halldór Orri Björnsson '74 , misnotað víti 2-1
Garðar Jóhannsson '92 3-1
20.06.2013  -  20:00
Stjörnuvöllur
Borgunarbikar karla
Aðstæður: 17 stiga hiti og er að bæta í vindinn.
Dómari: Þóroddur Hjaltalín jr.
Byrjunarlið:
4. Jóhann Laxdal
7. Atli Jóhannsson
8. Halldór Orri Björnsson
9. Daníel Laxdal
17. Ólafur Karl Finsen ('75)
27. Garðar Jóhannsson

Varamenn:
13. Arnar Darri Pétursson (m)
14. Hörður Árnason

Liðsstjórn:

Gul spjöld:
Garðar Jóhannsson ('80)
Michael Præst ('60)
Ólafur Karl Finsen ('43)

Rauð spjöld:
Fyrir leik
Komiði sæl og verið velkomin í beina textalýsingu frá Stjörnuvelli í Garðabæ þar sem Stjarnan og FH mætast í 16 liða úrslitum Borgunarbikars karla.

Lið FH er klárt hér hægra megin en Stjarnan hefur ekki enn skilað inn leikskýrslu svo við vitum ekki hvernig þeir stilla upp.
Fyrir leik
FH stillir upp sínu sterkasta liði í sumar því miðjumaðurinn Pétur Viðarsson er í fyrsta sinn í byrjunarliði djúpur á miðjunni. Við það fer einn besti leikmaður landsins, Björn Daníel Sverrisson í sína uppáhaldsstöðu, í holunni fyrir aftan framherjann.

Brynjar Ásgeir Guðmundsson fer á bekkinn. Daði Lárusson sem byrjaði síðasta leik í markinu fer á bekkinn og Róbert Örn Óskarsson kemur í markið eftir að hafa tekið út leikbann gegn Ólafsvíkingum í síðasta leik.
Fyrir leik
Logi Ólafsson þjálfari Stjörnunnar hefur skilað inn leikskýrslu. Hann teflir fram sama liði og í síðasa leik gegn Keflavík.
Fyrir leik
Stjörnumenn búast við múg og margmenni í stúkunni í Garðabænum. Stúkan tekur 990 í sæti og 200 í stæði og auk þess er búið að bæta við stæðum fyrir framan stúkuna þar sem hvítir kaðlar skilja að áhorfendur og völlinn sjálfan.
Fyrir leik
Stúkan er að verða full og liðin að ganga til búningsklefa til að hlusta á lokaræðu þjálfara sinna fyrir leik. Það styttist í fjörið.

Fyrir leik verður mínútu þögn til minningar um Ólaf Rafnsson forseta ÍSÍ sem varð bráðkvaddur í gær, aðeins fimmtugur að aldri.
1. mín
Leikurinn er hafinn. Stjarnan byrjar með boltann og leikur í átt að Hafnarfirðinum. Ég lofa mörkum hér í dag. (Staðfest)
1. mín
Þóroddur Hjaltalín dæmir leikinn, línuverðir eru Birkir Sigurðarson og Ásgeir Þór Ásgeirsson. Erlendur Eiríksson er skiltadómari. Þórður Georg Lárusson er fjórði dómari en hann er einmitt faðir Sigga Dúllu (Sigurðar Sveins Þórðarsonar) liðsstjóra Stjörnunnar sem er allt í öllu hjá félaginu.
4. mín
Garðar með skalla að marki sem Róbert Örn átti auðvelt með að grípa.
5. mín
Dominic Furness með skot yfir mark Stjörnunnar.
6. mín
Garðar skallaði inn í teiginn til Veigars sem hefði verið í dauðafæri en Róbert Örn gerði vel og komst inn í sendinguna.
8. mín MARK!
Björn Daníel Sverrisson (FH)
Stoðsending: Sam Tillen
Sam Tillen tók aukaspyrnu rétt fyrir utan teig, Guðmann og Björn Daníel laumuð sér innfyrir vörnina og boltinn á kollinn á Birni Daníel sem skallaði inn.
9. mín
Björn Daníel elskar að vera í holunni fyrir aftan sóknarmanninn, hann spilaði fyrst þar í sumar þegar hann var færður í stöðuna gegn KR í deildini og skoraði tvö mörk. Þetta er hans fyrsti leikur í stöðunni í byrjunarliði og hann er strax búinn að skora.
10. mín
Mark FH virtist komið af æfingasvæðinu. Meðan varnarmenn Stjörnunnar pikkuðu út varnarmenn til að dekka var Guðman Þórisson á eigin vallarhelmingi meðan Sam Tillen var að reima skóinn sinn. Eftir að hann lauk við að reima brunaði Guðmann fram og olli ruglingi í vörn Stjörnunnar svo hann og Björn Daníel voru lausir í teignum.
11. mín Gult spjald: Pétur Viðarsson (FH)
Pétur Braut á Haldóri Orra sem var að sleppa inn fyrir hann rétt fyrir utan teig og Stjarnan fær aukaspyrnu.
13. mín
Þetta er rosalega fjörugur leikur. Daníel Laxdal bjargaðií hornspyrnu og hana tók Tillen, á Björn Daníel sem var í teignum og skaut rétt yfir markið.
17. mín
Stjarnan fékk aukaspyrnu rétt fyrir utan vítateig FH marksins, á miðjuboganum. Garðar tók spyrnuna sem var virkilega góð, lág með grasinu en Róbert Örn varði frábærlega. Stuttu síðar skaut Præst rétt framhjá marki FH eftir hornspyrnu.
22. mín
Atli Jóhannsson fékk boltann á miðjum vallarhelmingin FH óvænt frá varnarmönnum FH og lét vaða á markið og ætlaði að nýta sér að Róbert stóð framarlega. Róbert var samt vandanum vaxin og varði.
23. mín
Björn Daníel í dauðafæri í skyndisókn FH eftir sendingu frá Atla Guðna en Ingvar Jónsson varði í horn.
25. mín
Vá hvað þetta er skemmtilegur leikur. Halldór Orri komst í dauðafæri í hraðri sókn og setti boltann þvert á markið, Veigar Páll náði ekki til boltans sem rúllaðirétt framhjá markinu. Ef þú kemst á völlinn drífðu þig þá, það er nóg eftir og rosalega mikil skemmtun.
29. mín
Sandnes kom upp vinstra megin í gott utanáhlaup og kom sér í færi og þrumaði á mark en rétt yfir markið.
33. mín MARK!
Garðar Jóhannsson (Stjarnan)
Stoðsending: Atli Jóhannsson
Garðar Jóhannson skorar með góðum skalla eftir mjög góða fyrirgjöf Atla Jóhannssonar af vinstri kanti. Fyrsta mark Garðars í sumar. Opnast nú flóðgáttir?
37. mín
Veigar Pál í dauðafæri hægra megin í teignum einn gegn Róberti sem varði vel í horn.
37. mín MARK!
Garðar Jóhannsson (Stjarnan)
Stoðsending: Atli Jóhannsson
Aftur sama kombó, Atli Jó tók nú hornspyrnu á fjær þar kom Garðar og skallaði í mark FH-inga. 2-1 fyrir Stjörnuna. Megið fjörið halda áfram.
40. mín Gult spjald: Guðmann Þórisson (FH)
Guðmann fær áminningu fyrir að sparka í Veigar Pál á miðjum vellinum. Leikurinn fékk að ganga svolítið eftir brotið en um leið og Stjarnan sparkaði boltanum af velli til að hugsa að meiðslum Veigars fór spjaldið á loft.
43. mín Gult spjald: Ólafur Karl Finsen (Stjarnan)
Stjörnumenn komu í skyndisókn, fjórir á fjóra, Halldór Orri fékk boltann vinstra megin og sendi góða sendingu fyrir markið, Ólafur Karl reyndi að ná boltanum en mistókst. Hann fékk svo spjald líklega fyrir að reyna að beita fyrir sig hendinni.
45. mín
Þóroddur Hjaltalín hefur flautað til hálfleiks í Garðabænum. 2-1 fyrir Stjörnuna í frábærum fótboltaleik.
46. mín
Síðari hálfleikur er hafinn. Engar breytingar voru gerðar á liðunum í hálfleik.
49. mín
Atli Viðar lá í nokkurn tíma og hlaut aðhlynningu frá Jónasi Grana Garðarssyni sjúkraþjálfara. Hann er staðinn upp að nýju.
52. mín
Garðar Jó stakk boltanum innfyrir á Halldór Orra en Guðjón Árni var fljótur að bregðast við og þrumaði boltanum í horn.
55. mín
Garðar slapp óvænt einn í gegn og reyndi að vippa yfir Róbert en boltinn í þverslá og yfir markið.
60. mín
Inn:Albert Brynjar Ingason (FH) Út:Atli Viðar Björnsson (FH)
60. mín Gult spjald: Michael Præst (Stjarnan)
Præst braut á Birni Daníel á miðjum vellinum.
61. mín
Ólafur Karl með skalla rétt yfir mark FH eftir sendingu Atla Jó af hægri kanti.
65. mín
Veigar Páll sendi inn á Halldór Orra sem hafði Guðjón Árna í sér en náði skoti sem Róbert varði í horn. Úr hornspyrnu Halldórs Orra reyndi Veigar að skora með hælnum en yfir markið.
66. mín
Inn:Ingimundur Níels Óskarsson (FH) Út:Ólafur Páll Snorrason (FH)
70. mín Rautt spjald: Guðmann Þórisson (FH)
Guðmann braut á Halldóri Orra sem var að sleppa ein í gegn og fékk sitt annað gula spjald og þannig rautt og dæmd vítaspyrna.
71. mín Gult spjald: Sam Tillen (FH)
Tillen fær áminningu fyrir að mótmæla dómnum.
74. mín Misnotað víti!
Halldór Orri Björnsson (Stjarnan)
Halldór Orri fór sjálfur á punktinn og lyfti boltanum í þverslánna. Halldór Orri náði boltanum aftur en þá var dæmd á hann aukaspyrna því hann má ekki taka hann aftur fyrr en annar leikmaður snertir boltann.
75. mín
Inn:Kennie Chopart (Stjarnan) Út:Ólafur Karl Finsen (Stjarnan)
77. mín
Inn:Kristján Gauti Emilsson (FH) Út:Guðjón Árni Antoníusson (FH)
Guðjón Árni virðist hafa vankast á miðjum vellinum og þurfti að fara af velli. Kristján Gauti leysir sæti hans svo nú á FH aðeins tvo af upphaflegum fjórum varnarmönnum inni á vellinum enda Guðmann farinn af velli með rautt spjald. Pétur Viðarsson dregur sig aftur í þriggja manna varnarlínu.
80. mín Gult spjald: Garðar Jóhannsson (Stjarnan)
Garðar áminntur fyrir að kasta boltanum frá þegar FH átti að taka aukaspyrnu.
80. mín
Frábær skalli Garðars eftir sendingu Jóhanns Laxdal en Róbert Örn varði stórkostlega í horn.
82. mín
Garðar einn gegn Róberti sem kom út á móti honum og varði enn og aftur vel.
82. mín
Ingimundur með góða sendingu inn í teiginn sem átti að fara á kollinn á Kristjáni Gauta sem hitti ekki á boltann sem rann aftur yfyrir endamörk.
87. mín
Kenny Chophart fór upp að endamörkum og sendi fyrir á Halldór Orra sem var í dauðafæri en kiksaði og boltinn rann framhjá.
88. mín Gult spjald: Dominic Furness (FH)
Furness braut á Veigari sem var að sleppa innfyrir. Stjörnumenn vildu rautt spjald en Þóroddur gaf gult og aukaspyrnu rétt fyrir utan vítateig. Veigar tók spyrnuna og Róbert varði í horn.
92. mín MARK!
Garðar Jóhannsson (Stjarnan)
Stoðsending: Halldór Orri Björnsson
Garðar fullkomar þrennuna með skalla eftir sendingu Halldórs Orra. Stjarnan er að tryggja sér sæti í 8 liða úrslitum.
Leik lokið!
Leiknum er lokið með 3-1 sigri Stjörnunnar. Frekari umfjöllun og viðtöl væntanlegt hér á Fótbolta.net síðar í kvöld.
Byrjunarlið:
1. Róbert Örn Óskarsson (m)
Ólafur Páll Snorrason ('66)
3. Guðjón Árni Antoníusson ('77)
4. Pétur Viðarsson
4. Sam Tillen
10. Björn Daníel Sverrisson (f)
11. Atli Guðnason
17. Atli Viðar Björnsson ('60)
21. Guðmann Þórisson

Varamenn:
7. Ingimundur Níels Óskarsson ('66)
8. Emil Pálsson
13. Kristján Gauti Emilsson ('77)
14. Albert Brynjar Ingason ('60)
16. Jón Ragnar Jónsson
23. Brynjar Ásgeir Guðmundsson

Liðsstjórn:
Daði Lárusson

Gul spjöld:
Dominic Furness ('88)
Sam Tillen ('71)
Guðmann Þórisson ('40)
Pétur Viðarsson ('11)

Rauð spjöld:
Guðmann Þórisson ('70)