Malen, Maguire, Rashford, Greenwood, Yoro, Eriksen og fleiri góðir í slúðri dagsins
Þór/KA
6
0
Þróttur R.
Kayle Grimsley '4 1-0
Sandra María Jessen '5 2-0
Gígja Valgerður Harðardóttir '22 3-0
Hafrún Olgeirsdóttir '28 4-0
Sandra María Jessen '58 5-0
Tahnai Annis '85 6-0
28.06.2013  -  18:00
Þórsvöllur
Borgunarbikar kvenna | 8-liða úrslit
Aðstæður: Góðar. Stöku skúrir öðru hvoru.
Dómari: Óli Njáll Ingólfsson
Byrjunarlið:
1. Victoria Alonzo (m)
2. Gígja Valgerður Harðardóttir ('45)
5. Tahnai Annis
6. Kayle Grimsley
9. Hafrún Olgeirsdóttir ('70)
11. Arna Sif Ásgrímsdóttir (f)
23. Mateja Zver
24. Arna Benný Harðardóttir

Varamenn:
8. Lára Einarsdóttir
14. Aldís Marta Sigurðardóttir
25. Heiða Ragney Viðarsdóttir ('45)

Liðsstjórn:
Silvía Rán Sigurðardóttir
Ágústa Kristinsdóttir

Gul spjöld:

Rauð spjöld:
Fyrir leik
Komið sælir lesendur og velkomnir í beina textalýsingu frá leik Þórs/KA og Þrótts í 8-liða úrslitum Borgunarbikars kvenna.
Fyrir leik
Fyrir leikinn verða Íslandsmeistarar Þórs/KA að teljast sigurstranglegri þó gengi liðsins í sumar hafi ekki staðið undir væntingum. Liðið er í sjötta sæti Pepsi-deildarinnar. Þróttur situr á botninum án stiga en það gæti jafnvel nýst þeim að vera á Akureyri en Þór/KA hefur enn ekki unnið heimaleik á tímabilinu. Tvö töp og þrjú jafntefli.
Fyrir leik
Þór/KA gerir fjórar breytingar frá jafnteflisleiknum gegn Breiðabliki. Bandaríski markvörðurinn Victoria Alonzo hefur skilað sér loksins til landsins og er mætt milli stanganna í stað Helenu Jónsdóttur sem fer á bekkinn. Hafrún Olgeirsdóttir, Inga Dís Júlíusdóttir og Anna Benný Harðardóttir byrja. Lára Einarsdóttir og Aldís Marta Sigurðardóttir fara á bekkinn og Katrín Ásbjörnsdóttir, sem var valin til þátttöku á EM í Svíþjóð, er ekki í hóp.

Hjá Þrótti detta Gabríela Jónsdóttir og Theresa Berman út og Margrét Guðný Vigfúsdóttir og Þorbjörg Pétursdóttir koma inn. Seinasti leikur þeirra var 6-1 tap gegn Val.
Fyrir leik
Það er óhætt að segja að það sé fámennt í stúkunni en það hefur verið þannig í nær allt sumar. Til dæmis má nefna það að á stórleik Þórs/KA og Val mættu jafnmargir og á leik Skallagríms og Stál-Úlfs í 4. deild karla.
Fyrir leik
Dómaratríó leiksins samanstendur af Óla Njáli Ingólssyni og honum til aðstoðar eru Marinó Steinn Þorsteinsson og Elvar Óli Marinósson. Eftirlitsmaður er Magnús Sigurður Sigurólason.

Liðin voru að rölta inn á völlinn og fyrirliðarnir eru að takast í hendur.
1. mín
Leikurinn er hafinn. Þór/KA byrjar með boltann og sækir í norður.
2. mín
Hætta strax í byrjun. Zver með sendingu á Annis en skot hennar rétt framhjá.
4. mín MARK!
Kayle Grimsley (Þór/KA)
Þetta var rugl. Grimsley fékk boltann á 25 metrum, hló að allri vörn Þróttar, minnst fjórum varnarmönnum og labbaði nánast með boltann í netið.

Vallarþulurinn sagði "Jæja. FYRSTA mark Þórs/KA skoraði Kayle Grimsley."
5. mín MARK!
Sandra María Jessen (Þór/KA)
Annað markið var ekki lengi á leiðinni. Skelfileg varnarvinna hjá Þrótti. Sandra kjötaði Evu Bergrín inn í teig, hirti boltann af henni og skoraði auðveldlega.
12. mín
Sandra María flögguð röng eftir sendingu frá Kayle. Rangur dómur. Var sloppin ein í gegn.
13. mín
Victoria Alonzo þarf að sýna hvað hún getur í fyrsta skipti. Fyrirliði Þróttar, Kristrún Rose við að sleppa í gegn en Victoria sýndi mikla áræðni og náði honum á undan henni. Lentu síðan saman. Hefði verið lýsandi fyrir vandræði Þórs/KA hefði hún meiðst einnig.
16. mín
Tahnai Annis með skot eftir hornspyrnu en beint á Auði Ósk í markinu.
22. mín MARK!
Gígja Valgerður Harðardóttir (Þór/KA)
Stoðsending: Hafrún Olgeirsdóttir
Afar laglegt mark. Arna Sif með sendingu niður í horn, Gigja nær honum og sendir fyrir. Hafrún tekur boltann niður og sendir til baka á Gígju sem fær nægan tíma til að skora.
23. mín
Vörn Þróttar er eins og hraðbraut fyrir sóknarmenn Þórs/KA. Sandra María slapp í gegn en skot hennar rétt framhjá eftir fína sendingu.
27. mín
Mateja Zver haltrar útaf eftir að hafa fengið högg. Spurning hvort hún komi inn á aftur.
28. mín
Komin inn á aftur.
28. mín MARK!
Hafrún Olgeirsdóttir (Þór/KA)
Stoðsending: Gígja Valgerður Harðardóttir
Gígja launar greiðann. Fær boltann, sendir inn fyrir á Hafrúnu sem lék á Auði og skoraði. Hafrún var rangstæð í upphafi en Gígja fékk svo mikinn tíma á boltanum að hún náði að leiðrétta sig, verða rangstæð aftur og leiðrétta sig áður en sendingin kom.
31. mín
Þessi vörn Þróttar er ekki hægt. Björguðu reyndar ágætlega en síðan fengu boltann aftur, kross fyrir sem Arna Sif nær. Skalli hennar skelfing og beint upp í loftið en varnarvinnan enn verri svo Arna náði boltanum aftur. Skalli hennar skelfilegur úr kjörinni stöðu.
35. mín
DAUÐAFÆRI. Tahnai Annis með fáránlegan sprett upp vinstri kanntinn, leggur boltann út og Hafrún fær boltann á markteigshorninu. Skot hennar ekki merkilegt og í stöngina og út af. Hefði getað verið mark númer fimm.
36. mín
Þróttur átti að fá víti. Arna Sif hrinti duglega í bakið á Önnu Birnu inn í teig. Dómarinn dæmir samt ekki neitt.
41. mín
Ruuuuusaleg varsla. Kayle Grimsley setti í turbo drifið og hló aftur að vörn Þróttar. Ætlaði að leggja boltann í hornið fyrir mark númer fimm en Auður Ósk sá glæsilega við henni.
45. mín
Hálfleikur. Ég sé ekki margt annað í stöðunni en að Þór/KA fari í undanúrslit. Á erfitt með að gera upp við mig hvort sé verra að vera varnarmaður hjá Þrótti eða framherji.
45. mín
Virðist allt stefna í tvöfalda skiptingu hjá Þór/KA. Lilý Rut er að fara í verkefni með U-17 í næstu viku og Gígja Valgerður er sennilega einnig að fara út af. Báðar allavega að skokka sig niður. Heiða Ragney Viðarsdóttir og Ágústa Kristinsdóttir eru að hita upp sýnist mér.
45. mín
Theresa Berman viðist vera að koma inn á hjá Þrótti. Komin úr upphitunartreyjunni. Spuning hvort hún nái að verða "gamechanger."
45. mín
Inn:Ágústa Kristinsdóttir (Þór/KA) Út:Gígja Valgerður Harðardóttir (Þór/KA)
45. mín
Inn:Heiða Ragney Viðarsdóttir (Þór/KA) Út:Lillý Rut Hlynsdóttir (Þór/KA)
46. mín
Seinni hálfleikur hafinn. Margt þarf að breytast hjá Þrótti ætli þær í undanúrslit.
53. mín
Fyrirliðinn Arna Sif heldur greinilega að hún sé Messi og pinball hnoðar sig í gegnum allt Þróttar liðið. Fékk boltann fyrir aftan miðju og var allt í einu ein gegn Auði. Náði ekki að klára almennilega, eiginlega alls ekki bara.
56. mín
Þór/KA gætu verið búnar að skora tíu mörk ef þær myndu nenna. Eru að rölta í gegn hægri vinstri og fá helling af allskonar en virðast ekki nenna að klára færin. Bæði Sandra María og Hafrún búnar að lenda í slíkri stöðu.
58. mín MARK!
Sandra María Jessen (Þór/KA)
Stoðsending: Mateja Zver
Svo einfalt. Mateja fær boltann, sendir fyrir frá endalínu og Sandra María potar boltanum yfir línuna af fimm sentimetra færi.
61. mín
Inn:Theresa M Berman (Þróttur R.) Út:Þorbjörg Pétursdóttir (Þróttur R.)
65. mín
Inn:Gabríela Jónsdóttir (Þróttur R.) Út:Anna Birna Þorvarðardóttir (Þróttur R.)
70. mín
Inn:Katla Ósk Rakelardóttir (Þór/KA) Út:Hafrún Olgeirsdóttir (Þór/KA)
Hafrún búin að vera farþegi í besta falli í þessum seinni hálfleik eins og hún var góð í þeim fyrri.
74. mín
Skalli frá Margréti Maríu. Fyrsta tilraun Þróttar kemur þegar það er korter eftir.
78. mín
Auður Ósk Hlynsdóttir er án vafa langbesti maður Þróttar þrátt fyrir að hafa fengið fimm mörk á sig. Staðan væri níu núll án hennar. Var að verja frá Kayle.
81. mín
Varamaðurinn Katla Ósk tók hressilega tæklingu til að komast í boltann. Lenti á Auði í markinu sem meiddi sig hressilega í hnénu. Þróttur ekki með varamarkvörð á bekknum.
84. mín
Inn:Halla María Hjartardóttir (Þróttur R.) Út:Eva Bergrín Ólafsdóttir (Þróttur R.)
Auður verður bara að klára leikinn.
85. mín MARK!
Tahnai Annis (Þór/KA)
Stoðsending: Sandra María Jessen
Fagmannleg afgreiðsla. Sending frá vinsti frá Söndru, Annis tók boltann niður, lék á varnarmann og var ein gegn Auði. Auður fór niður og Annis lyfti boltanum yfir hana.
87. mín
Fyrirliðinn Arna Sif með skalla rétt yfir eftir hornspyrnu Mateju.
88. mín
Margrét María lék á, eða hnoðaði, sig í gegn um vörnina. Virtist vera búin að missa boltann tólf sinnum í baráttu við Alonzo, Heiðu Ragney og Ágústu en náði honum alltaf aftur. Hljóp á endanum með boltann á stöngina og útaf.
90. mín
Venjulegur leiktími liðinn.
Leik lokið!
Öruggur sigur heimastúlkna sem hefði getað verið stærri.
Byrjunarlið:
1. Auður Ósk Hlynsdóttir (m)
Þorbjörg Pétursdóttir ('61)
7. Sunna Rut Ragnarsdóttir
8. Kristrún Rose Rúnarsdóttir
9. Margrét María Hólmarsdóttir
11. Margrét Guðný Vigfúsdóttir
17. Anna Birna Þorvarðardóttir ('65)
20. Gunnhildur Ásmundsdóttir
20. Eva Bergrín Ólafsdóttir ('84)
27. Harpa Lind Guðnadóttir

Varamenn:
5. Halla María Hjartardóttir ('84)
6. Gabríela Jónsdóttir ('65)
9. Sólrún Stefánsdóttir
18. Snædís Ómarsdóttir
29. Theresa M Berman ('61)

Liðsstjórn:

Gul spjöld:

Rauð spjöld: