Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Selfoss
3
2
Haukar
Joseph David Yoffe '5 1-0
1-1 Alieu Jagne '27
Joseph David Yoffe '33 2-1
2-2 Hilmar Trausti Arnarsson '43
Alieu Jagne '78
Joe Tillen '80 3-2
17.09.2011  -  14:00
Selfossvöllur
1.deild karla
Aðstæður: Eins og best verður á kosið
Dómari: Leiknir Ágústsson
Áhorfendur: 384
Maður leiksins: Viðar Örn Kjartansson
Byrjunarlið:
12. Jóhann Ólafur Sigurðsson (m)
7. Svavar Berg Jóhannsson ('66)
9. Joseph David Yoffe
21. Stefán Ragnar Guðlaugsson (f)

Varamenn:
10. Ingólfur Þórarinsson ('52)
22. Andri Már Hermannsson

Liðsstjórn:
Sigurður Eyberg Guðlaugsson
Ingi Rafn Ingibergsson

Gul spjöld:
Ólafur Karl Finsen ('88)
Joe Tillen ('29)
Svavar Berg Jóhannsson ('26)

Rauð spjöld:
Fyrir leik
Velkomin í beina textalýsingu frá Selfossvelli. Eftir hálftíma eða svo hefst hérna leikur Selfyssinga og Hauka en þetta er auðvitað lokaumferðin í mótinu. Leikurinn skiptir ekki neinu máli fyrir liðin í dag þar sem heimamenn tryggðu sæti sitt í efstu deild í síðustu umferð. Þessi lið hafa farið saman upp og niður deildir undanfarin ár og spila upp á heiðurinn í dag.
Fyrir leik
Fyrirliði Selfyssinga í dag er gamla kempan Sævar Þór Gíslason en hann gaf það út í morgun að þetta væri hans síðasti leikur með Selfyssingum. Það þarf líklega ekki að taka það fram að Sævar Þór er markahæsti og líklega besti leikmaður í sögu Selfoss sem á verðugt verkefni fyrir höndum að finna afrtaka hann. Leikurinn í dag er jafnframt númer 200 hjá Sævari Þór fyrir Selfyssinga.
Fyrir leik
Magnús Gylfason þjálfari Hauka er einnig að kveðja sína menn í dag en eins og alþjóð veit tekur hann við eyjamönnum eftir þennan leik.
Fyrir leik
Við minnum á að valdar færslur af samskiptavefnum Twitter gætu ratað hingað inn. Notið #fotbolti í færsluna svo eftir henni verði tekið.
1. mín
Leiknir Ágústsson dómari hefur flautað leikinn á og það eru Haukar sem byrja með boltann.
5. mín MARK!
Joseph David Yoffe (Selfoss)
Viðar Örn Kjartansson er búinn að stimpla sig inn í baráttuna um markakóngstitilinn en hann kom heimamönnum yfir eftir slæman misskilning milli varnarmanna Hauka og Daða í markinu. Mjög klaufalegt hjá Haukum og Viðar þurfti ekki annað en leggja boltann í autt markið.
8. mín
Ivar Skjerve komst í mjög gott færi eftir sendingu frá Sævari Gísla en Daði Lár í markinu sá við honum og varði vel.
18. mín
Úlfar Hrafn með skot í stöngina á marki Selfoss eftir þunga sókn Hauka. Leikurinn hefur verið tiltölulega rólegur en Selfyssingar halda boltanum meira.
26. mín Gult spjald: Svavar Berg Jóhannsson (Selfoss)
Gult á Sævar fyrir hendi
27. mín MARK!
Alieu Jagne (Haukar)
Haukar búnir að jafna metin eftir að Jagne tók gott skot fyrir utan teig sem silgdi af öryggi í hornið framhjá Jóhanni Ólafi. Þarf ekki alltaf að vera fast og það sýndi Jagne þarna.
29. mín Gult spjald: Joe Tillen (Selfoss)
Gult á Joe Tillen að því er virðist fyrir að taka aukaspyrnu of snemma. Selfyssingar eiga aukaspyrnu á stórhættulegum stað.
30. mín
Joe Tillen stillti boltanum upp og tók spyrnuna aftur en skaut hátt yfir markið.
32. mín
Aron Freyr Eiríksson í ákjósanlegu færi inni á vítateig en skaut yfir markið. Alieu Jagne líflegasti leikmaður Hauka átti allann heiðurinn af undirbúningnum.
33. mín MARK!
Joseph David Yoffe (Selfoss)
Viðar Örn ætlar svo sannarlega að reyna við markakóngtitilinn og var að skora sitt annað mark í dag. Joe Tillen kom með góðan bolta inn á teiginn sem fór á Viðar sem lúrði út við stöng og kláraði færið af öryggi framhjá Daða í markinu.
36. mín
Þung sókn hjá heimamönnum þessa stundina, Joe Tillen komst í dauðafæri sem Haukar náðu að verjast í horn. Úr horninu fékk Viðar hættulegt skallafæri sem Daði varði vel.
41. mín
Ussu suss þetta var tæpt, Viðar Örn var að skora þriðja markið sitt í leiknum eftir góðan bolta frá Sævari Þór sem sendi fyrir á Viðar en línuvörðurinn dæmdi rangstöðu á annanhvort þeirra. Sævar Gísla var vægast sagt ekki sáttur og heyrðist segja "ég sendi boltann út". Fúlt fyrir Viðar sem hélt að hann væri kominn með þrennu en línuvörðurinn var í fínni stöðu til að dæma þetta.
43. mín MARK!
Hilmar Trausti Arnarsson (Haukar)
Skjótt skiptast veður í lofti í stað þess að heimamenn séu 3-1 yfir eru Haukar búnir að jafna metin og það gerði Hilmar Trausti fyrirliði Hauka með marki af dýrari gerðinni. Haukar fengu aukaspyrnu hægramegin við vítateigslínuna og Hilmar klíndi henni upp í fjærhornið.
45. mín
Hálfleikur á Selfossi og staðan 2-2
Magnus Agnar
Frábærar aðstæður á Selfossi þar sem dómaratríóið er ekki í sama klassa og liðin tvö. #skandallbragi
45. mín
Leikurinn er að fara af stað aftur. Í hálfleik voru nokkrir heppnir valdir til þess að skjóta á markið og reyna að hitta í slánna og vinna með því alþrif á bílnum sínum hjá Bónstöðinni Bónfeðgum á Selfossi. Það gekk vægast sagt illa en þeir útvöldu fengu þó vinninginn.
45. mín
Inn:Þórir Guðnason (Haukar) Út:Daði Lárusson (Haukar)
Skitpting í hálfleik. Daði Lárusson markmaður kom útaf fyrir Þóri Guðnason.
46. mín
Leikurinn hafinn að nýju.
47. mín
Haukar byrja með látum og Aron Freyr átti þrumuskot fyrir utan teig sem söng í þverslánni á marki Selfyssinga.
47. mín
Víti á Selfossi eftiir brot á Sævari Þór. Hann tók það sjálfur en Þórir Guðnason varði frá honum. Hrikalega svekkjandi fyrir Sævar Þór sem ætlar sér svo sannarlega að skora í þessum leik.
52. mín
Inn:Ingólfur Þórarinsson (Selfoss) Út:Tómas Leifsson (Selfoss)
Ingólfur kemur inná og fer á miðjuna fyrir Arilíus.
55. mín
Hilmar Rafn Emilsson leikmaður Hauka liggur eftir alveg út við markteig Selfyssinga og Ingþór Jóhann varamaður Selfyssinga sem var rétt hjá honum að hita upp kallaði strax á börur, en Ingþór þekkir vel þegar menn eru meiddir.
56. mín
Inn:Marteinn Urbancic (Haukar) Út:Hilmar Rafn Emilsson (Haukar)
Hilmar Rafn er farinn af velli og liggur ennþá eftir. Sáum ekki hvað gerðist en það virtist ekki vera brotið á honum. Marteinn Urbancic kom inná í hans stað.
61. mín
Leikurinn hefur aðeins dottið niður og einkennist af baráttu á miðsvæðinu og gestirnir ívið sterkari. Hilmar Rafn hefur verið borinn á börum inn í búningsklefa með umbúðir um hnéð en það er auðvitað allt of snemmt að fara geta sér til um meiðsli hans.
Hjalti Harðarson
Og Sveinbjörn skorar! Þrenna! 5-2 #lifi #fotbolti

Á ekki beint við í þessum leik en m.v. þetta þarf Viðar Örn að skora 5 mörk í dag til að ná markakóngstitlinum.
66. mín
Inn:Ibrahima Ndiaye (Selfoss) Út:Svavar Berg Jóhannsson (Selfoss)
Sævar Þór Gíslason hefur leikinn sinn síðasta leik í búningi Selfoss og var klappað lof í lófa er hann yfirgaf völlinn. Flestir hér í fjölmiðlastúkunni vildu nú sjá hann fá lengri tíma í þessum leik.
71. mín
Leikurinn stopp þar sem varmann Selfoss er í gærnum vestum sem eru allt í einu orðin of lík markmannstreyju Jóhanns Ólafs. Þeir fóru úr vestunum og eru í kjölfarið eins og allir útileikmenn Selfoss. Vel gert.
73. mín Gult spjald: Gunnlaugur F. Guðmundsson (Haukar)
Gult á Gunnlaug fyri brot á Jóni Daða.
78. mín Rautt spjald: Alieu Jagne (Haukar)
Ótrúleg ákvöðun hjá Jagne sem lá á vellinum og sparkaði viljandi í Einar Ottó leikmann Selfoss í hreinum pirringi. Rautt spjald og enda sá Leiknir dómari þetta mjög vel.
79. mín
Inn:Aron Jóhannsson (Haukar) Út:Úlfar Hrafn Pálsson (Haukar)
80. mín MARK!
Joe Tillen (Selfoss)
Frábært mark hjá Joe Tillen sem vippaði boltanum yfir Þórð í markinu. Tillen hefur horft á eitt eða tvö video af Matt Le Tissier í gegnum tíðina það er ljóst.
Hjalti Harðarson
SVEINBJÖRN !! Ferna! 6-2. 19 mörk

Því er ekki að miklu að keppa hérna á Selfossvelli í dag þar sem Viðar nær ekki markakóngstitlinum úr þessu.
87. mín
Inn:Sigurður Eyberg Guðlaugsson (Selfoss) Út:Joe Tillen (Selfoss)
88. mín Gult spjald: Ólafur Karl Finsen (Selfoss)
90. mín
Heimamenn eru staðnir upp og klappa fyrir sínum mönnum, núna er bara beðið eftir að flautað verði til leiksloka.
90. mín
Leik lokið á Selfossi með góðum sigri heimamanna í fínum leik. Umfjöllun og viðtöl koma seinna í dag.
Byrjunarlið:
Hilmar Rafn Emilsson ('56)
Hilmar Trausti Arnarsson
Ásgeir Þór Ingólfsson
6. Úlfar Hrafn Pálsson ('79)
16. Aron Freyr Eiríksson
17. Gunnlaugur F. Guðmundsson

Varamenn:
3. Ísak Örn Einarsson
22. Aron Jóhannsson ('79)
22. Alexander Freyr Sindrason
22. Haukur Björnsson

Liðsstjórn:
Kristján Ómar Björnsson (Þ)

Gul spjöld:
Gunnlaugur F. Guðmundsson ('73)

Rauð spjöld:
Alieu Jagne ('78)